ಸೆಕೆಂಡ್ ಬೆಸ್ಟ್ ಟೈಮ್ ರನ್ನರ್ ಟಿ ಗೋಪಿ
ಬ್ರಾಂಡ್ ಜತೆಗಿನ ಸಹಭಾಗಿತ್ವ ಕುರಿತು ಮಾತನಾಡಿದ, ದೇಶದಲ್ಲೇ ಸೆಕೆಂಡ್ ಬೆಸ್ಟ್ ಟೈಮ್ ರನ್ನರ್ ಎಂಬ ಹೆಗ್ಗಳಿಕೆ ಗಳಿಸಿರುವ ಟಿ. ಗೋಪಿ, ``ರನ್ನರ್ ಗಳಾದ ನಾವು, ಸೂಕ್ತವಾದ ಹಾಗೂ ಸಮರ್ಪಕವಾದ ಶೂಗಳನ್ನು ಧರಿಸಿಯೇ ನಮ್ಮ ರೇಸ್ಗಳ ಕಡೆಗೆ ಗಮನ ಹರಿಸಬೇಕಾದ್ದು ಅತ್ಯಂತ ಮುಖ್ಯ. ಜಗತ್ತಿನ ಎಲ್ಲ ಅಥ್ಲೀಟ್ಗಳಿಗೂ ನೆರವಾಗುವಂಥ ತಂತ್ರಜ್ಞಾನವು ಅಸಿಕ್ಸ್ ಬಳಿಯಿದೆ. ಈ ಪಟ್ಟಿಗೆ ನಾನು ಸೇರ್ಪಡೆಯಾಗುತ್ತಿರುವುದು ರೋಮಾಂಚಕ ಅನುಭವ ನೀಡಿದೆ,'' ಎಂದರು.
ಅರ್ಜುನ ಪ್ರಶಸ್ತಿ ಪುರಸ್ಕೃತ ಜಿನ್ಸನ್
ಗೋಪಿ ಅವರು ತಂತ್ರಜ್ಞಾನದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರೆ, ಅರ್ಜುನ ಪ್ರಶಸ್ತಿ ಪುರಸ್ಕೃತ ಜಿನ್ಸನ್ ಅವರು ಬ್ರಾಂಡ್ನ ಬೆಂಬಲದ ಕುರಿತು ಮಾತನಾಡಿದರು. ``ಒಬ್ಬ ಅಥ್ಲೀಟ್ಗೆ ಅಗತ್ಯವಾದ ಬೆಂಬಲವನ್ನು ಎಸಿಕ್ಸ್ ಸಂಸ್ಥೆಯು ನೀಡುತ್ತಾ ಬಂದಿದೆ ಮತ್ತು ನಮಗೆ ನಮ್ಮ ಶರೀರ ಮತ್ತು ಮನಸ್ಸಿಗೆ ಸೂಕ್ತ ತರಬೇತಿ ನೀಡಲು ಅಗತ್ಯವಾದುದನ್ನು ಒದಗಿಸುವ ಬೆನ್ನೆಲುಬಾಗಿಯೂ ಎಸಿಕ್ಸ್ ಕಾರ್ಯನಿರ್ವಹಿಸಿದೆ. ಜಗತ್ತಿನಾದ್ಯಂತದ ಟ್ರ್ಯಾಕ್ ರನ್ನರ್ಗಳು ಬಳಸುವಂಥ ಬ್ರಾಂಡ್ ಜತೆ ಸಹಭಾಗಿತ್ವ ಹೊಂದುತ್ತಿರುವುದಕ್ಕೆ ನಾನು ಹೆಮ್ಮೆಪಡುತ್ತೇನೆ'' ಎಂದರು.
ಎಸಿಕ್ಸ್ ಇಂಡಿಯಾ ಎಂಡಿ ರಜತ್
ಸಹಭಾಗಿತ್ವದ ಕುರಿತು ಮಾತನಾಡಿದ ಎಸಿಕ್ಸ್ ಇಂಡಿಯಾ ಪ್ರೈ.ಲಿ. ವ್ಯವಸ್ಥಾಪಕ ನಿರ್ದೇಶಕ ರಜತ್ ಖುರಾನಾ, ``ನಾವು ಒಂದು ಬ್ರಾಂಡ್ ಆಗಿ ರನ್ನರ್ಗಳಿಗೆ ಉತ್ತೇಜನ ನೀಡುತ್ತಾ ಬಂದಿದ್ದೇವೆ. ನಾನು ಕೂಡ ಒಬ್ಬ ಮ್ಯಾರಥಾನ್ ರನ್ನರ್ ಆಗಿದ್ದು, ನಮ್ಮ ರೋಸ್ಟರ್ನಲ್ಲಿ ಇಂಥ ಇಬ್ಬರು ವಿಶ್ವದರ್ಜೆಯ ಅಥ್ಲೀಟ್ ಗಳನ್ನು ಹೊಂದುತ್ತಿರುವುದಕ್ಕೆ ಸಂತೋಷ ಪಡುತ್ತೇನೆ. ಒಲಿಂಪಿಕ್ಸ್ ಸಮೀಪಿಸಿದಂತೆ ಮುಂದಿನ ದಿನಗಳಲ್ಲಿ ನಾವು ಈ ಪಟ್ಟಿಗೆ ಇನ್ನಷ್ಟು ಸೇರಿಸಿಕೊಳ್ಳಲಿದ್ದೇವೆ'' ಎಂದರು.
ಎಸಿಕ್ಸ್ ಬಗ್ಗೆ : ಎನಿಮಾ ಸಾನಾ ಇನ್ ಕಾಪೆರ್ ಸಾನೋ
ಎನಿಮಾ ಸಾನಾ ಇನ್ ಕಾಪೆರ್ ಸಾನೋ, ಅಂದರೆ ``ಆರೋಗ್ಯವಂತ ಶರೀರದಲ್ಲಿ ಆರೋಗ್ಯವಂತ ಮನಸ್ಸು ಇರುತ್ತದೆ,'' ಎಂಬ ಪುರಾತನ ಲ್ಯಾಟಿನ್ ಪದದ ಸಂಕ್ಷಿಪ್ತ ರೂಪವೇ ಎಸಿಕ್ಸ್. ಇದೇ ಮೂಲಭೂತ ಧ್ಯೇಯದೊಂದಿಗೆ ಈ ಬ್ರಾಂಡ್ ಈಗಲೂ ನಿಂತಿದೆ. 1949ರಲ್ಲಿ ಅಂದರೆ 70 ವರ್ಷಗಳಿಗಿಂತಲೂ ಹಿಂದೆ ಕಿಹಾಚಿರೋ ಒನಿಟ್ಸುಕಾ ಎಂಬವರು ಈ ಕಂಪನಿಯನ್ನು ಸ್ಥಾಪಿಸಿದರು. ಈಗ ಇದು ರನ್ನಿಂಗ್ ಶೂಗಳು ಮತ್ತು ಇತರೆ ಅಥ್ಲಿಟಿಕ್ ಫೂಟ್ವೇರ್ಗಳು, ಉಡುಗೆಗಳು ಮತ್ತು ಪರಿಕರಗಳ ತಯಾರಿಯಲ್ಲಿ ಮುಂಚೂಣಿಯಲ್ಲಿದೆ. ಎಸಿಕ್ಸ್ ಇಂಡಿಯಾ ಮೆಟ್ರೋಗಳು, ಟೈರ್ 1 ಮತ್ತು ಟೈರ್ 2 ಪಟ್ಟಣಗಳ 25 ನಗರಗಳಲ್ಲಿ ಒಟ್ಟಾರೆ 37 ಮಳಿಗೆಗಳನ್ನು ಹೊಂದಿದೆ. 2019ರಲ್ಲಿ ಇನ್ನೂ ಕೆಲವು ಮಳಿಗೆಗಳನ್ನು ತೆರೆಯುವ ಉದ್ದೇಶವನ್ನೂ ಎಸಿಕ್ಸ್ ಹೊಂದಿದ್ದು, ನಿರಂತರವಾಗಿ ಈ ಸಂಖ್ಯೆಯನ್ನು ಹೆಚ್ಚಿಸುತ್ತಾ ಬರುತ್ತಿದೆ.