ಬ್ಯೂನಸ್ ಏರ್ಸ್, ಅಕ್ಟೋಬರ್ 17: ಅರ್ಜೆಂಟೀನಾದ ಬ್ಯೂನಸ್ ಏರ್ಸ್ ನಲ್ಲಿ ನಡೆಯುತ್ತಿರುವ ಯೂತ್ ಒಲಿಂಪಿಕ್ ಗೇಮ್ಸ್ ನ ತ್ರಿವಿಧ ಜಿಗಿತದಲ್ಲಿ ಭಾರತದ ಪ್ರವೀಣ್ ಚಿತ್ರಾವೆಲ್ ಕಂಚಿನ ಪದಕ ಜಯಿಸಿದ್ದಾರೆ. ಟೂರ್ನಿಯಲ್ಲಿ ಅಥ್ಲೆಟಿಕ್ಸ್ ನಲ್ಲಿ ಭಾರತಕ್ಕೆ ಲಭಿಸುತ್ತಿರುವ ಎರಡನೇ ಪದಕವಿದು.
ವಿಂಡೀಸ್ ವಿರುದ್ಧ ಪೃಥ್ವಿ ಶಾ- ರೋಹಿತ್ ಶರ್ಮ ಆರಂಭಿಕರಾಗಿ ಕಣಕ್ಕೆ?
ಮಂಗಳವಾರ (ಅಕ್ಟೋಬರ್ 16) ರಾತ್ರಿ ನಡೆದ ಟ್ರಿಪಲ್ ಜಂಪ್ ಸ್ಟೇಜ್ 1ರ ಸ್ಪರ್ಧೆಯಲ್ಲಿ ಪ್ರವೀಣ್ 15.68 ಮೀ. ದೂರ ಸಾಧನೆಯೊಂದಿಗೆ 5ನೇ ಸ್ಥಾನದಲ್ಲಿದ್ದರು. ಬುಧವಾರ (ಅಕ್ಟೋಬರ್ 17) ನಡೆದ ಸ್ಟೇಜ್ 2ರಲ್ಲಿ 15.84 ಮೀ. ಸಾಧನೆ ತೋರಿದ ಪ್ರವೀಣ್ (15.68+15.84) ಕಂಚು ಜಯಿಸಿದರು.
🇮🇳🥉 Congratulations to Tamil Nadu's very own Triple jumper Praveen Chitravel for clinching a bronze at Youth Olympics games 2018.#PraveenChitravel #TripleJump #YouthOlympics #YouthOlympics2018 #BuenosAires2018 #FeelTheFuture #TeamIndia #Teamchennai #Sportwalk pic.twitter.com/eEzenIxkcj
— #teamchennai (@teamchennaiIN) October 17, 2018
ಇದೇ ವಿಭಾಗದಲ್ಲಿ 34.18 ಮೀ. (17.14+17.04) ಸಾಧನೆ ತೋರಿದ ಕ್ಯೂಬಾದ ಅಲೆಜಾಂಡ್ರೊ ಡಯಾಜ್ ಬಂಗಾರದ ಪದಕ ಗೆದ್ದುಕೊಂಡರೆ, ನೈಜೀರಿಯಾದ ಎಮೆನ್ಯುಯೆಲ್ ಒರಿಟ್ಸೆಮೆಯಿವಾ (16.34 + 15.51) ಬೆಳ್ಳಿಗೆ ಕೊರಳೊಡ್ಡಿದರು. ಪ್ರವೀಣ್, ತಮಿಳುನಾಡಿನ ಚೆನ್ನೈಯವರು.