ವರ್ಲ್ಡ್ ರಸ್ಲಿಂಗ್ ಚಾಂಪಿಯನ್ ಶಿಪ್ಸ್ ನಿಂದ ವಿನೇಶ್ ಫೋಗಟ್ ಹೊರಕ್ಕೆ

ನವದೆಹಲಿ, ಸೆಪ್ಟೆಂಬರ್ 23: ಇಂಡೋನೇಷ್ಯಾ ಗೇಮ್ಸ್ ನಲ್ಲಿ ಭಾರತಕ್ಕೆ ಬಂಗಾರ ಗೆದ್ದಿದ್ದ ಭಾರತದ ಸ್ಟಾರ್ ರಸ್ಲರ್ ವಿನೇಶ್ ಫೋಗಟ್ ಅವರು ಮುಂಬರಲಿರುವ ವರ್ಲ್ಡ್ ರಸ್ಲಿಂಗ್ ಚಾಂಪಿಯನ್ ಶಿಪ್ಸ್ ನಿಂದ ಹೊರ ಬಿದ್ದಿದ್ದಾರೆ. ವಿನೇಶ್ ಮೊಣಕೈ ಗಾಯಕ್ಕೆ ಈಡಾಗಿರುವುದು ಇದಕ್ಕೆ ಕಾರಣ.

ಏಷ್ಯಾನ್ ಬಹುಮಾನ ವಿತರಣೆ: ಚೆಕ್ ನಲ್ಲಿ ವಿಜೇತರ ಹೆಸರು ಮಿಸ್ಟೇಕ್!

ಲಕ್ನೋದ ಸ್ಪೋರ್ಟ್ಸ್ ಅಥಾರಿಟಿ ಆಫ್ ಇಂಡಿಯಾ (ಸಾಯ್) ಕೇಂದ್ರದಲ್ಲಿ ಶುಕ್ರವಾರ (ಸೆ. 21) ಅಭ್ಯಾನ ನಡೆಸುತ್ತಿದ್ದಾಗ ವಿನೇಶ್ ಗಾಯಕ್ಕೊಳಗಾದರು. ವಿನೇಶ್ ಅವರ ಕೈಯ ಲಿಗಮೆಂಟ್ (ಅಸ್ಥಿರಜ್ಜು)ಗೆ ಗಂಭೀರ ಗಾಯವಾಗಿತ್ತು. ಹೀಗಾಗಿ ಅಕ್ಟೋಬರ್ 20-28ರ ವರೆಗೆ ಹಂಗೇರಿಯ ಬುಡಾಪೆಸ್ಟ್ ನಲ್ಲಿ ನಡೆಯಲಿರುವ ಚಾಂಪಿಯನ್ ಶಿಪ್ ನಲ್ಲಿ ಭಾರತಕ್ಕೆ ದೊಡ್ಡ ಹಿನ್ನಡೆಯಾದಂತಾಗಿದೆ.

Hi everyone,
I’m sad to inform you all that I wouldn’t be participating in the upcoming World Championships in Hungary. Unfortunately 2 days ago, I injured my elbow during training. The doctor has advised me to rest it out for 4-6 weeks... (1/2)

— Vinesh Phogat (@Phogat_Vinesh) September 23, 2018

24ರ ಹರೆಯದ ಫೋಗಟ್ ಅವರಿಗೆ ಬುಡಾಪೆಸ್ಟ್ ನಲ್ಲಿ ನಡೆಯಲಿರುವ ಪ್ರಮುಖ ಚಾಂಪಿಯನ್ ಶಿಪ್ ನಿಂದ ಹೊರಗಿದ್ದು, ಚಿಕಿತ್ಸೆ ಮತ್ತು ವಿಶ್ರಾಂತಿ ಪಡೆಯಲು ಸಲಹೆ ನೀಡಲಾಗಿರುವುದರಿಂದ ವಿನೇಶ್ ಚಿಕಿತ್ಸೆಗಾಗಿ ಮುಂಬೈಗೆ ಪಯಣಿಸಿದ್ದಾರೆ.