ನವದೆಹಲಿ, ಸೆಪ್ಟೆಂಬರ್ 25: ಟೀಮ್ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಇಂದು (ಸೆ.25) ರಾಷ್ಟ್ರೀಯ ಪ್ರತಿಷ್ಠಿತ ಕ್ರೀಡಾ ಗೌರವವಾದ ರಾಜೀವ್ ಗಾಂಧಿ ಖೇಲ್ ರತ್ನ ಪ್ರಶಸ್ತಿಯನ್ನು ಸ್ವೀಕರಿಸಿದ್ದಾರೆ. ದೆಹಲಿಯ ರಾಷ್ಟ್ರಪತಿ ಭವನದಲ್ಲಿ ಪ್ರಶಸ್ತಿಯನ್ನು ವಿತರಿಸಲಾಯಿತು.
ಕ್ರಿಕೆಟ್: ಭಾರತದಲ್ಲಿ ಅಭ್ಯಾಸ ನಡೆಸಲು ವಿಂಡೀಸ್ ತಂಡಕ್ಕೆ ಜಾಗವೇ ಇಲ್ಲ!
ಕ್ರಿಕೆಟಿಗ ಕೊಹ್ಲಿ ಜೊತೆಗೆ ವೇಟ್ ಲಿಫ್ಟರ್ ಮೀರಾಬಾಯಿ ಚಾನು ಅವರೂ ಅತ್ಯುನ್ನತ ಗೌರವವನ್ನು ಸ್ವೀಕರಿಸಿದರು. ರಾಷ್ಟ್ರಪತಿ ರಾಮ್ ನಾಥ್ ಕೋವಿಂದ್ ಅವರು ಇಬ್ಬರೂ ಸಾಧಕರಿಗೂ ಪ್ರಶಸ್ತಿ ವಿತರಿಸಿದರು. ವರ್ಷದ ಅತ್ಯುತ್ತಮ ಕ್ರೀಡಾ ಸಾಧನೆಗಾಗಿ ಕೊಹ್ಲಿ, ಮೀರಾಬಾಯಿಗೆ ಪ್ರಶಸ್ತಿ ಒಲಿದಿದೆ.
#NationalSportsAwards2018 : World Champion Weightlifter @mirabai_chanu receives #RajivGandhiKhelRatnaAward , 2018 pic.twitter.com/AMpfHlTshh
— Doordarshan News (@DDNewsLive) September 25, 2018
ಟೆಸ್ಟ್ ಮತ್ತು ಏಕದಿನ ಕ್ರಿಕೆಟ್ ನಲ್ಲಿ ವಿಶ್ವ ನಂ. 1 ಸ್ಥಾನದಲ್ಲಿರುವ ವಿರಾಟ್ ಕೊಹ್ಲಿ ಅನೇಕ ದಾಖಲೆಗಳನ್ನು ತನ್ನ ಹೆಸರಿಗೆ ಬರೆದುಕೊಂಡಿದ್ದಾರೆ. ಇತ್ತ ಮೀರಾಬಾಯಿ ಚಾನು ಕೂಡ ಗೋಲ್ಡ್ ಕೋಸ್ಟ್ ಕಾಮನ್ವೆಲ್ತ್ ಗೇಮ್ಸ್ ನಲ್ಲಿ ಭಾರತಕ್ಕೆ ಬಂಗಾರ ಗೆದ್ದಿದ್ದರು.