ಚೀನಾ ಬಗ್ಗುಬಡಿದು ಏಷ್ಯಾಕಪ್ ಗೆದ್ದ ಭಾರತದ ವನಿತೆಯರು

ಕಕಮಿಗಹರ(ಜಪಾನ್), ನವೆಂಬರ್ 06: ಭಾರತದ ಮಹಿಳಾ ಹಾಕಿ ತಂಡ ಭಾನುವಾರದಂದು ಹೊಸ ಇತಿಹಾಸ ನಿರ್ಮಾಣ ಮಾಡಿದೆ. 13 ವರ್ಷಗಳ ಬಳಿಕ ಏಷ್ಯಾಕಪ್ ಗೆದ್ದು ಸಂಭ್ರಮಿಸಿದೆ.

ಇಲ್ಲಿನ ಕಕಮಿಗಹರ ಕವಾಸಕಿ ಮೈದಾನದಲ್ಲಿ ನಡೆದ ಏಷ್ಯಾಕಪ್ 2017ರ ಅಂತಿಮ ಹಣಾಹಣಿಯಲ್ಲಿ ಚೀನಾ ತಂಡವನ್ನು ಸೋಲಿಸಿ ಖಂಡಾಂತರ ಚಾಂಪಿಯನ್ ಎನಿಸಿಕೊಂಡ ಭಾರತ ತಂಡ ಮುಂದಿನ ವಿಶ್ವಕಪ್ ಗೆ ಅರ್ಹತೆ ಪಡೆದುಕೊಂಡಿದೆ.

ಗೋಲ್ಡನ್ ರಾಣಿ: ಭಾರತ ಮಹಿಳಾ ತಂಡದ ನಾಯಕಿ ರಾಣಿ ರಾಮ್ ಪಾಲ್ ಅವರು ಗೆಲುವಿನ ಗೋಲು ಬಾರಿಸಿದ್ದು ವಿಶೇಷವಾಗಿತ್ತು. ಪೆನಾಲ್ಟಿ ಶೂಟೌಟ್ ನಲ್ಲಿ ಗೋಲಿ ಸವಿತಾ ಅವರು ಸೇವ್ ಮಾಡಿದ್ದನ್ನು ಮರೆಯುವಂತಿಲ್ಲ. ಅಂತಿಮವಾಗಿ 5-4ರ ಅಂತರದಲ್ಲಿ ಭಾರತದ ವನಿತೆಯರು ಗೆಲುವಿನ ನಗೆ ಬೀರಿದರು.

Here are the results after the Final Day at the 9th Women's #AsiaCup2017 on 5th Nov. pic.twitter.com/rtC1qdUBS8

— Hockey India (@TheHockeyIndia) November 5, 2017

2004ರಲ್ಲಿ ಜಪಾನ್ ತಂಡವನ್ನು 1-0 ಅಂತರದಿಂದ ಸೋಲಿಸಿದ ಭಾರತ ಮೊದಲ ಬಾರಿಗೆ ಏಷ್ಯಾಕಪ್ ಗೆದ್ದುಕೊಂಡಿತ್ತು. ಇದಾದ ಬಳಿಕ ಈಗ ಚೀನಾವನ್ನು ಮಣಿಸಿದೆ.

CONGRATS Indian Womens Hockey team. 🇮🇳 5-4 🇨🇳 in shootout to win #AsiaCup2017. What a win for 🇮🇳, 4th ranked team in Asia @TheHockeyIndia

— Viren Rasquinha (@virenrasquinha) November 5, 2017

ಇತ್ತೀಚೆಗೆ ಮಲೇಷಿಯಾದಲ್ಲಿ ಭಾರತದ ಪುರುಷರ ತಂಡ ಏಷ್ಯನ್ ಚಾಂಪಿಯನ್ ಶಿಪ್ ಗೆದ್ದು ಬೀಗಿದ್ದನ್ನು ಇಲ್ಲಿ ಸ್ಮರಿಸಬಹುದು.