ಅಮೆರಿಕಾದ ಆಥ್ಲಿಟ್ 100 ಮೀಟರ್ ಓಟದ ಹಾಲಿ ಚಾಂಪಿಯನ್ ಕ್ರಿಶ್ವಿಯನ್ ಕೋಲ್ಮನ್ ಅವರನ್ನು ಅಮಾನತುಗೊಳಿಸಲಾಗಿದೆ. ಉದ್ದೀಪನ ಪರೀಕ್ಷೆಯಿಂದ ತಪ್ಪಿಸಿಕೊಂಡ ಕಾರಣಕ್ಕೆ ಅವರನ್ನು ತಾತ್ಕಾಲಿಕವಾಗಿ ಅಮಾನತುಗೊಳಿಸಲಾಗಿದೆ.
ಪ್ರಕರಣದ ಅಂತಿಮ ತೀರ್ಪು ಬರುವವರೆಗೆ ಕ್ರಿಶ್ಚಿಯನ್ ಕೋಲ್ಮನ್ ಯಾವುದೇ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳುವಂತಿಲ್ಲ. ಈ ಪ್ರಕರಣದ ವಿಚಾರಣೆಗಾಗಿ ಎರಡು ವರ್ಷಗಳವರೆಗೆ ಅಮಾನತುಗೊಳ್ಳುವ ಆತಂಕವೂ ಕ್ರಿಶ್ಚಿಯನ್ ಕೋಲ್ಮನ್ ಅವರಿಗೆ ಇದೆ. ಹೀಗಾಗಿ ಮುಂಬರುವ ಟೋಕಿಯೋ ಒಲಿಂಪಿಕ್ಸ್ಅನ್ನು ತಪ್ಪಿಸಿಕೊಳ್ಳುವ ಆತಂಕವನ್ನು ಎದುರಿಸುತ್ತಿದ್ದಾರೆ.
ಭಾರತ-ಶ್ರೀಲಂಕಾ ಫೈನಲ್ ಪಂದ್ಯದಲ್ಲಿ ಫಿಕ್ಸಿಂಗ್- ಲಂಕಾ ಮಾಜಿ ಕ್ರೀಡಾ ಸಚಿವ ಆರೋಪ
ಟೋಕಿಯೊ ಒಲಿಂಪಿಕ್ಸ್ 100 ಮೀಟರ್ ಓಟದ ಸ್ವರ್ಣ ಪದಕ ಆಕಾಂಕ್ಷಿಯಾಗಿರುವ ಅಮೆರಿಕದ ಅಥ್ಲೀಟ್ ಕೋಲ್ವುನ್ ಕಳೆದ 12 ತಿಂಗಳಲ್ಲಿ 3 ಬಾರಿ ಉದ್ದೀಪನ ಪರೀಕ್ಷೆ ತಪ್ಪಿಸಿಕೊಂಡಿದ್ದಾರೆ. ಈ ಹಿನ್ನೆಲೆಯಲ್ಲಿ ವಿಶ್ವ ಅಥ್ಲೆಟಿಕ್ಸ್ನ ಅಥ್ಲೆಟಿಕ್ ಇಂಟೆಗ್ರಿಟಿ ಯುನಿಟ್ನಿಂದ (ಎಐಯು) ಅಮಾನತು ಶಿಕ್ಷೆ ಎದುರಿಸಿದ್ದಾರೆ.
ಕಳೆದ ಡಿಸೆಂಬರ್ನಲ್ಲಿ ಸ್ಪರ್ಧೆ ಹೊರತಾದ ಡೋಪಿಂಗ್ ಪರೀಕ್ಷೆಗಾಗಿ ಕೋಲ್ವುನ್ ಮನೆಗೆ ಎಐಯು ಅಧಿಕಾರಿಗಳು ತೆರಳಿದ್ದರು. ಆದರೆ ಆ ಸಮಯದಲ್ಲಿ ಸಮೀಪದ ಮಾಲ್ಗೆ ಕ್ರಿಸ್ಮಸ್ ಶಾಪಿಂಗ್ಗಾಗಿ ತೆರಳಿದ್ದ ಕಾರಣ ಕೋಲ್ವುನ್ ಮನೆಯಲ್ಲಿರಲಿಲ್ಲ. 24 ವರ್ಷದ ಕೋಲ್ವುನ್ ಸರಣಿ ಟ್ವೀಟ್ಗಳ ಮೂಲಕ ಈ ವಿಷಯವನ್ನು ತಿಳಿಸಿದ್ದಾರೆ.
ವಿಶ್ವಕಪ್ನಲ್ಲಿ ಕಪಿಲ್ ದೇವ್ ಸ್ಫೋಟಕ ಬ್ಯಾಟಿಂಗ್ ನಡೆಸಿದ್ದ ದಿನವಿದು
ಒಂದು ಗಂಟೆ ಕಾಲ ಕೋಲ್ವುನ್ ಮನೆ ಎದುರಿದ್ದ ಎಐಯು ಅಧಿಕಾರಿಗಳು ಪ್ರತಿ 10 ನಿಮಿಷಕ್ಕೊಮ್ಮೆ ಕಾಲಿಂಗ್ ಬೆಲ್ ಒತ್ತಿದ್ದಾರೆ ಎಂದು ತಿಳಿಸಿದ್ದಾರೆ. ಆದರೆ ಆ ಸಮಯದಲ್ಲಿ ತಮಗೆ ಕರೆ ಯಾಕೆ ಮಾಡಲಿಲ್ಲ ಎಂದು ಕೋಲ್ವುನ್ ಪ್ರಶ್ನಿಸಿದ್ದಾರೆ. ಅವರು ಇದಕ್ಕೆ ಮುನ್ನ 2019ರ ಜನವರಿ 16 ಮತ್ತು ಏಪ್ರಿಲ್ 26ರಂದು ಡೋಪಿಂಗ್ ಟೆಸ್ಟ್ ತಪ್ಪಿಸಿಕೊಂಡಿದ್ದರು. ಆದರೆ ತಾನೆಂದೂ ನಿರ್ವಹಣೆ ಸುಧಾರಿಸಲು ಉದ್ದೀಪನ ಮದ್ದು ಸೇವಿಸಿಲ್ಲ ಎಂದು ಕೋಲ್ವುನ್ ಸ್ಪಷ್ಟಪಡಿಸಿದ್ದಾರೆ.