ಅದ್ಭುತ ಕಥೆ ಒದಗಿಸಬಲ್ಲಂತ ಕಟ್ಟುಕತೆ
ಹೀಗೆ ಯಾವುದೇ ಭಾರತೀಯ ಸಿನಿಮಾಕ್ಕೆ ಅದ್ಭುತ ಕಥೆ ಒದಗಿಸಬಲ್ಲಂತ ರಸವತ್ತಾದ ಹಿನ್ನಲೆಯೊಂದಿಗೆ ಕೇನ್ ಅವರನ್ನು ರೆಸ್ಲಿಂಗ್ ಅಂಗಳಕ್ಕೆ ಪರಿಚಯಿಸಲಾಗಿದೆ. ಆದರೆ, ಇದೆಲ್ಲವೂ ಕಟ್ಟುಕಥೆ. ಅಂಡರ್ ಟೇಕರ್(ಮಾರ್ಕ್ ಕಲವೇ) ಗೂ ಕೇನ್ ಗೂ ಸಂಬಂಧವೇ ಇಲ್ಲ.
ಆದರೆ, ಕೇನ್ ಅವರ ನಿಜವಾದ ಹೆಸರು ಗ್ಲೇನ್ ಜಾಕೋಬ್ಸ್(51). ಇತ್ತೀಚೆಗೆ ನಡೆದ ನಾಕ್ಸ್ ಕೌಂಟಿ ಚುನಾವಣೆಯಲ್ಲಿ ರಿಪಬ್ಲಿಕನ್ ಪಕ್ಷದಿಂದ ಸ್ಪರ್ಧಿಸಿ, ಡೆಮಾಕ್ರೆಟಿಕ್ ಪಕ್ಷದ ಎದುರಾಳಿ ಲಿಂಡಾ ಹನ್ನೆ ಅವರ ವಿರುದ್ಧ 2-1 ಅಂತರದಿಂದ ಜಯಗಳಿಸಿದರು.
|
ಕೇನ್ ಅಭಿಮಾನಿಗಳು ಖುಷ್
WWE 'ರೆಸ್ಲಿಂಗ್ ಸ್ಟಾರ್' ಕೇನ್ ಅವರು ನಾಕ್ಸ್ ಕೌಂಟಿ ಮೇಯರ್ ಆಗಿ ಆಯ್ಕೆಯಾಗಿರುವುದಕ್ಕೆ ಅವರ ಅಭಿಮಾನಿಗಳು ಹರ್ಷ ವ್ಯಕ್ತಪಡಿಸಿ, ವಿವಿಧ ರೀತಿಯಲ್ಲಿ ಟ್ವೀಟ್ ಮಾಡಿ ಶುಭ ಹಾರೈಸಿದ್ದಾರೆ.
|
ರೆಸ್ಲಿಂಗ್ ಸ್ಟಾರ್, ಆಕ್ಷನ್ ಹೀರೋಗಳು
ಕೇನ್ ಅವರು ಈಗ ನಾಕ್ಸ್ ಕೌಂಟಿ ಮೇಯರ್ ಆಗಿದ್ದಾರೆ. ಇವರಿಗೂ ಮುನ್ನ ಡಬ್ಲ್ಯೂಡಬ್ಲ್ಯೂಇ ದಿಗ್ಗಜ ಡೊನಾಲ್ಡ್ ಟ್ರಂಪ್ ಅವರು ಅಮೆರಿಕದ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ನಟ ಅರ್ನಾಲ್ಡ್ ಸ್ವಾರ್ಜೆನೆಗರ್ ಕ್ಯಾಲಿಫೋರ್ನಿಯಾದ ರಾಜ್ಯಪಾಲರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಸ್ಟೀವನ್ ಸೀಗಲ್ ಅವರು ರಷ್ಯಾಕ್ಕೆ ಅಮೆರಿಕದ ವಿಶೇಷ ರಾಯಭಾರಿಯಾಗಿದ್ದಾರೆ.
|
ಕೇನ್ ಬದುಕಿನ ಬಗ್ಗೆ ನಾನಾ ಕಥೆಗಳು
ಕೇನ್ ಹಿನ್ನೆಲೆ ಬಗ್ಗೆ ನಾನಾ ಕಥೆಗಳು ಇವೆ. ಆದರೆ, ಅದೆಲ್ಲವು ಊಹಾಪೋಹಾ ಕತೆಗಳು. ಆದರೆ, 7 ಅಡಿ ಎತ್ತರ ಅಜಾನುಬಾಹು ಗ್ಲೆನ್ ಥಾಮಸ್ ಜಾಕಬ್ಸ್ ಅವರು ರಿಪಬ್ಲಿಕನ್ ಪಕ್ಷದ ರಾಜಕಾರಣಿ, ಕ್ರಿಸ್ಟಲ್ ಗೌನ್ಸ್ ಅವರ ಪತಿ, ಇಬ್ಬರು ಹೆಣ್ಣು ಮಕ್ಕಳ ತಂದೆ. ಆದರೆ, ರಿಂಗ್ ನಲ್ಲಿ ಅಂಗಸ್ ಕಿಂಗ್, ಬ್ರೂಸಿಯರ್ ಮಾಸ್ಟಿನೋ, ಕ್ರಿಸ್ಮಸ್ ಕ್ರೀಚರ್, ಡೀಸೆಲ್, ಡೂಮ್ಸ್ ಡೇ, ಐಸಾಕ್ ಯಾಂಕೆಮ್, ಕೇನ್, ಮೈಕ್ ಉನಾಬಾಂಬ್. ಇತ್ಯಾದಿ ಹೆಸರುಗಳಿಂದ ಜನಪ್ರಿಯ.