ಲಂಡನ್, ಜೂನ್ 26: ಲಂಡನ್ನಲ್ಲಿ ನಡೆಯುತ್ತಿರುವ ವಿಂಬಲ್ಡನ್ ಕ್ವಾಲಿಫೈಯರ್ ಟೆನಿಸ್ ಟೂರ್ನಿಯಲ್ಲಿಯಲ್ಲಿ ಭಾರತದ ಸ್ಟಾರ್ ಟೆನಿಸ್ ಆಟಗಾರ್ತಿ ಅಂಕಿತಾ ರೈನಾ ದ್ವಿತೀಯ ಸುತ್ತಿಗೆ ಲಗ್ಗೆಯಿಟ್ಟಿದ್ದಾರೆ. ಟರ್ಕಿ ಆಟಗಾರ್ತಿ ಕಾಗ್ಲಾ ಬೈಯುಕಾಕೆ ಸೋಲಿಸಿ ರೈನಾ ಮುನ್ನಡೆ ಗಿಟ್ಟಿಸಿಕೊಂಡರು.
ಕುತೂಹಲಕಾರಿ ಸ್ಟೋರಿಗಳು, ಅಂಕಿ-ಅಂಶಗಳು 'ಐಸಿಸಿ ಕ್ರಿಕೆಟ್ ವಿಶ್ವಕಪ್ 2019' ವಿಶೇಷ ಮುಖಪುಟದಲ್ಲಿವೆ
ಮಂಗಳವಾರ (ಜೂನ್ 25) ನಡೆದ ಮಹಿಳಾ ಸಿಂಗಲ್ಸ್ ಸ್ಪರ್ಧೆಯಲ್ಲಿ ವಿಮೆನ್ಸ್ ಟೆನಿಸ್ ಅಸೋಸಿಯೇಷನ್ನಲ್ಲಿ 171ನೇ ಶ್ರೇಯಾಂಕಿತೆ, 26ರ ಹರೆಯದ ಅಂಕಿತಾ, ಟರ್ಕಿ ಸ್ಪರ್ಧಿ ಬೈಯುಕಾಕೆ ಎದುರು 6-4, 6-3ರ ನೇರ ಸೆಟ್ ಗೆಲುವು ದಾಖಲಿಸಿದರು.
ಸ್ವಿಸ್ ಮಾಸ್ಟರ್ ರೋಜರ್ ಫೆಡರರ್ ಮುಡಿಗೆ 10ನೇ ಹ್ಯಾಲೆ ಓಪನ್ ಗರಿ!
ಆರಂಭದಲ್ಲಿ ರೈನಾ ಮೊದಲ ಬ್ರೇಕ್ ವೇಳೆ 2-0 ಮುನ್ನಡೆ ಸಾಧಿಸಿದ್ದರು. ಪಂದ್ಯ ಮುಂದುವರಿದಂತೆ ಎದುರಾಳಿ 3 ಅಂಕ ಗಳಿಸುವಲ್ಲಿ ಸಫಲರಾದರು. ಈ ತಿಂಗಳಾರಂಭದಲ್ಲಿ ಪಂದ್ಯವೊಂದರಲ್ಲಿ ಅಂಕಿತಾ ರೈನಾ ವಿಂಬಲ್ಡನ್ ಫೈನಲಿಸ್ಟ್ ಜರ್ಮನ್ ಆಟಗಾರ್ತಿ ಸಬೈನ್ ಲಿಸಿಕಿ ಎದುರು ಗೆಲುವು ದಾಖಲಿಸಿ ಗಮನ ಸೆಳೆದಿದ್ದರು.