ಸ್ನೇಹಿತೆ ಮೆರ್ಟೆನ್ಸ್ ಮಣಿಸಿ ಲಿಂಝ್ ಓಪನ್ ಪ್ರಶಸ್ತಿ ಗೆದ್ದ ಸಬಲೆಂಕಾ

Aryna Sabalenka beat Elise Mertens to win Linz Open

ವಿಯೆನ್ನಾ: ಆಸ್ಟ್ರಿಯಾದಲ್ಲಿ ಭಾನುವಾರ (ನವೆಂಬರ್ 15) ನಡೆದ ಲಿಂಝ್ ಓಪನ್ ಟೆನಿಸ್ ಟೂರ್ನಿಯಲ್ಲಿ ತನ್ನ ನೆಚ್ಚಿನ ಸ್ನೇಹಿತೆ, ದೀರ್ಘ ಕಾಲದ ಡಬಲ್ಸ್ ಜೊತೆಗಾತಿ ಎಲೈಸ್ ಮೆರ್ಟೆನ್ಸ್ ಅವರನ್ನು ಸೋಲಿಸಿರುವ ಆರ್ಯನಾ ಸಬಲೆಂಕಾ ಅವರು ಚಾಂಪಿಯನ್ ಆಗಿ ಹೊರ ಹೊಮ್ಮಿದ್ದಾರೆ.

ಭಾರತ vs ಆಸೀಸ್: ಅಡಿಲೇಡ್‌ನಲ್ಲಿ ಕೊರೊನಾ ಭೀತಿ, ಪೈನ್ ಕ್ವಾರಂಟೈನ್ ಭಾರತ vs ಆಸೀಸ್: ಅಡಿಲೇಡ್‌ನಲ್ಲಿ ಕೊರೊನಾ ಭೀತಿ, ಪೈನ್ ಕ್ವಾರಂಟೈನ್

ಭಾನುವಾರ ನಡೆದ ಫೈನಲ್ ಪಂದ್ಯದಲ್ಲಿ ಬೆಲ್ಜಿಯಂ ಆಟಗಾರ್ತಿ ಎಲೈಸ್ ಮೆರ್ಟೆನ್ಸ್ ಅವರನ್ನು ಬೆಲಾರಸ್ ಬಲಿಷ್ಠೆ ಆರ್ಯನಾ ಸಬಲೆಂಕಾ ಅವರು 7-5, 6-2ರ ನೇರ ಸೆಟ್‌ನಿಂದ ಸೋಲಿಸಿದರು. ಪಂದ್ಯದ ಆರಂಭದಲ್ಲೇ ಮುನ್ನಡೆ ಸಾಧಿಸಿದ ಆರ್ಯನಾ ಫಲಿತಾಂಶವನ್ನು ತನ್ನೆಡೆ ತಂದುಕೊಂಡರು.

ಈ ವರ್ಷ ಒಸ್ಟ್ರಾವಾ ಮತ್ತು ಕತಾರ್ ಪ್ರಶಸ್ತಿಗಳನ್ನು ಜಯಿಸಿರುವ ವಿಶ್ವ ನಂ.10ನೇ ಶ್ರೇಯಾಂಕಿತೆ ಆರ್ಯನಾ ಸಬಲೆಂಕಾ, ಎದುರಾಳಿ ಎಲೈಸ್ ಮೆರ್ಟೆನ್ಸ್‌ಗೆ ವಿಶ್ವಾಸ ಹೆಚ್ಚಿಸಿಕೊಳ್ಳಲು ಅವಕಾಶವೇ ನೀಡಲಿಲ್ಲ. ದ್ವಿತೀಯ ಸೆಟ್‌ನಲ್ಲೂ ಮೆರ್ಟೆನ್ಸ್‌ಗೆ ಚಾನ್ಸ್ ನೀಡಲಿಲ್ಲ.

ಐಪಿಎಲ್ 2021: ರಣಜಿಗೆ ಮುನ್ನ ಮುಷ್ತಾಕ್ ಅಲಿ ನಡೆಸುವ ಸಾಧ್ಯತೆ ಐಪಿಎಲ್ 2021: ರಣಜಿಗೆ ಮುನ್ನ ಮುಷ್ತಾಕ್ ಅಲಿ ನಡೆಸುವ ಸಾಧ್ಯತೆ

ಪಂದ್ಯ ಗೆದ್ದ ಬಳಿಕ ಮೆರ್ಟೆನ್ಸ್ ಟ್ವೀಟ್ ಮಾಡಿದ್ದಾರೆ. 'ಸರಿ, ಈಗಲೂ ನಾವು ಸ್ನೇಹಿತೆಯರು. ಜೊತೆಗಾತಿ ಸಬಲೆಂಕಾಗೆ ಶುಭಾಶಯಗಳು,' ಎಂದು ಟ್ವೀಟಿನಲ್ಲಿ ಮೆರ್ಟೆನ್ಸ್ ಬರೆದುಕೊಂಡಿದ್ದಾರೆ.