ಲಂಡನ್: ಬರೋಬ್ಬರಿ 41 ವರ್ಷಗಳಲ್ಲಿ ವಿಂಬಲ್ಡನ್ ಮಹಿಳಾ ಸಿಂಗಲ್ಸ್ ನಲ್ಲಿ ಫೈನಲ್ಗೆ ಪ್ರವೇಶಿಸಿದ ಆಸ್ಟ್ರೇಲಿಯಾದ ಮೊದಲ ಮಹಿಳೆಯಾಗಿ ಆ್ಯಶ್ಲೀ ಬಾರ್ಟಿ ಗುರುತಿಸಿಕೊಂಡಿದ್ದಾರೆ. ಗುರುವಾರ ನಡೆದ ವಿಂಬಲ್ಡನ್ ಸೆಮಿಫೈನಲ್ ಪಂದ್ಯದಲ್ಲಿ ಮಾಜಿ ಚಾಂಪಿಯನ್ ಜರ್ಮನಿಯ ಏಂಜೆಲಿಕ್ ಕೆರ್ಬರ್ ಸೋಲಿಸಿರುವ ಬಾರ್ಟಿ ಫೈನಲ್ಗೆ ಲಗ್ಗೆಯಿಟ್ಟಿದ್ದಾರೆ.
ಭಾರತ vs ಇಂಗ್ಲೆಂಡ್: ಗಾಯಾಳು ಶುಬ್ಮನ್ ಗಿಲ್ಗೆ ಬದಲಿ ಆಟಗಾರನೇಕಿಲ್ಲ?
ಸೆಮಿಫೈನಲ್ ಪಂದ್ಯದಲ್ಲಿ ಆ್ಯಶ್ಲೀ ಬಾರ್ಟಿ ಅವರು ಏಂಜೆಲಿಕ್ ಕೆರ್ಬರ್ ಅವರನ್ನು 6-3, 7-6(3)ರ ಅಂತರದಿಂದ ಸೋಲಿಸಿದ್ದಾರೆ. 25ರ ಹರೆಯದ ಬಾರ್ಟಿಗೂ ಮುನ್ನ ವಿಂಬಲ್ಡನ್ ಫೈನಲ್ನಲ್ಲಿ ಆಸ್ಟ್ರೇಲಿಯಾ ಪರ ಸ್ಪರ್ಧಿಸಿದ ದಾಖಲೆ ಇವಾನ್ನೆ ಗೂಲಾಗೊಂಗ್ ಹೆಸರಿನಲ್ಲಿದೆ.
ಒಟ್ಟು ಎರಡು ಬಾರಿ ವಿಂಬಲ್ಡನ್ ಪ್ರಶಸ್ತಿ ಗೆದ್ದಿರುವ ಇವಾನ್ನೆ ಗೂಲಾಗೊಂಗ್ 1980ರಲ್ಲಿ ಕೊನೇ ಬಾರಿ ವಿಂಬಲ್ಡನ್ ಫೈನಲ್ನಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದರು. ಅದಾಗಿ ಇದುವರೆಗೂ ವಿಂಬಲ್ಡನ್ ಫೈನಲ್ನಲ್ಲಿ ಆಸ್ಟ್ರೇಲಿಯಾದ ಮಹಿಳೆಯರ್ಯಾರೂ ಸ್ಪರ್ಧಿಸಿರಲಿಲ್ಲ.
ಆಸ್ಟ್ರೇಲಿಯಾ vs ವೆಸ್ಟ್ ಇಂಡೀಸ್: ಏಕದಿನ ಸರಣಿಗೆ ವಿಂಡೀಸ್ ತಂಡ ಆಯ್ಕೆ
ಫೈನಲ್ನಲ್ಲಿ ಬಾರ್ಟಿ ಒಂದೋ ಝೆಕ್ನ ಕರೋಲಿನಾ ಪ್ಲಿಸ್ಕೋವಾ ಅಥವಾ ಬೆಲಾರಸ್ನ ಆರ್ಯನಾ ಸಬಲೆಂಕಾ ಅವರ ಸವಾಲು ಸ್ವೀಕರಿಸಲಿದ್ದಾರೆ. ಈ ಪಂದ್ಯ ಶನಿವಾರ ನಡೆಯಲಿದೆ.