ಆಸ್ಟ್ರೇಲಿಯನ್ ಓಪನ್: 4ನೇ ದಿನ, ಟೂರ್ನಿಯಿಂದ ಹೊರಬಿದ್ದ ಮರ್ರೆ, ರಾಡುಕೇನು

ಆಸ್ಟ್ರೇಲಿಯನ್ ಓಪನ್‌ನ 4ನೇ ದಿನ ಕೂಡ ಕೆಲ ಪ್ರಮುಖ ಆಟಗಾರರು ಸೋಲುಕಂಡಿದ್ದಾರೆ. ಮಾಜಿ ವಿಶ್ವದ ನಂ.1 ಟೆನಿಸ್ ಆಟಗಾರ ಆ್ಯಂಡಿ ಮರ್ರೆ ಮತ್ತು ಯುಎಸ್ ಓಪನ್ ಚಾಂಪಿಯನ್ ಎಮ್ಮಾ ರಾಡುಕೇನು ಸೋಲನ್ನು ಅನುಭವಿಸಿ ಹೊರಬಿದ್ದಿದ್ದಾರೆ. ಇನ್ನು ಫ್ರಾನ್ಸ್‌ನ ಆಟಗಾರ್ತಿ ಅಲೈಜ್ ಕಾರ್ನೆಟ್ ಸ್ಪಾನಿಶ್ ಟೆನಿಸ್ ಪಟು ಗಾರ್ಬೈನ್ ಮುಗುರುಜಾ ಅವರಿಗೆ ಆಘಾತ ನೀಡಿದರು. ಮತ್ತೊಂದೆಡೆ ವಿಶ್ವದ ನಂ.2 ಆಟಗಾರ ಡೇನಿಯಲ್ ಮೆಡ್ವೆಡೆವ್ ಮತ್ತು ನಾಲ್ಕನೇ ಶ್ರೇಯಾಂಕದ ಸ್ಟೆಫಾನೋಸ್ ಸಿಟ್ಸಿಪಾಸ್ 4 ನೇ ಸುತ್ತಿಗೆ ಪ್ರವೇಶ ಪಡೆದುಕೊಂಡಿದ್ದಾರೆ.

ಸೋಲು ಅನುಭವಿಸಿದ ಎಮ್ಮಾ ರಾಡುಕೇನು: ವಿಶ್ವದ 18ನೇ ಶ್ರೇಯಾಂಕಿತ ಆಟಗಾರ್ತಿ ಮತ್ತು ಯುಎಸ್ ಓಪನ್ ಚಾಂಪಿಯನ್ ಎಮ್ಮಾ ರಾಡುಕೇನು ಆಸ್ಟ್ರೇಲಿಯನ್ ಓಪನ್‌ನಿಂದ ಹೊರಬಿದ್ದಿದ್ದಾರೆ. ಗುರುವಾರ ನಡೆದ ಎರಡನೇ ಸುತ್ತಿನಲ್ಲಿ ರಾಡುಕೇನು 98ನೇ ಶ್ರೇಯಾಂಕದ ಮಾಂಟೆನೆಗ್ರೊದ ಡಂಕಾ ಕೊವಿನಿಕ್ ವಿರುದ್ಧ ಸೋಲು ಕಂಡಿದ್ದಾರೆ. 19 ವರ್ಷದ ರಾಡುಕೇನು ಎರಡನೇ ಸೆಟ್‌ನಲ್ಲಿ ತಿರುಗೇಟು ನೀಡಿದ ಹೊರತಾಗಿಯೂ ಪಂದ್ಯದಲ್ಲಿ ಎದುರಾಳಿಯನ್ನು ಮೀರಿಸಲು ಸಾಧ್ಯವಾಗಲಿಲ್ಲ. ಅಂತಿಮವಾಗಿ 6-4, 4-6 ಮತ್ತು 6-3 ಅಂತರದಿಂದ ಕೋವಿನಿಕ್ ಗೆಲುವು ಸಾಧಿಸಿರು.

ಭಾರತ vs ದ.ಆಫ್ರಿಕಾ ಪ್ರಥಮ ಏಕದಿನ: ಸಚಿನ್ ಬೃಹತ್ ದಾಖಲೆ ಮುರಿದು ಹಾಕಿದ ವಿರಾಟ್ ಕೊಹ್ಲಿಭಾರತ vs ದ.ಆಫ್ರಿಕಾ ಪ್ರಥಮ ಏಕದಿನ: ಸಚಿನ್ ಬೃಹತ್ ದಾಖಲೆ ಮುರಿದು ಹಾಕಿದ ವಿರಾಟ್ ಕೊಹ್ಲಿ

ನಿರಾಸೆ ಅನುಭವಿಸಿದ ಆ್ಯಂಡಿ: ವಿಶ್ವದ ಮಾಜಿ ನಂ.1 ಟೆನಿಸಿಗ ಆ್ಯಂಡಿ ಆಸ್ಟ್ರೇಲಿಯನ್ ಓಪನ್ ಗೆಲ್ಲುವ ಕನಸು ಗುರುವಾರ ಅಂತ್ಯವಾಗಿದೆ. ಎರಡನೇ ಸುತ್ತಿನಲ್ಲಿ ಕ್ವಾಲಿಫೈಯರ್ ತಾರೊ ಡೇನಿಯಲ್ ವಿರುದ್ಧ ಭಾರೀ ಅಂತರದ ಸೋಲು ಅನುಭವಿಸಿದ್ದಾರೆ. ಈ ಪಂದ್ಯದಲ್ಲಿ ಆಂಡಿ ಮರ್ರೆ 6-4, 6-4 ಮತ್ತು 6-4 ನೇರ ಸೆಟ್‌ಗಳಿಂದ ಸೋಲು ಅನುಭವಿಸಿದರು. ಈ ಸೆಣೆಸಾಟ ಜಾನ್ ಕೇನ್ ಅರೆನಾದಲ್ಲಿ 2 ಗಂಟೆ 48 ನಿಮಿಷಗಳ ಕಾಲ ನಡೆಯಿತು. ಮೊದಲ ಸುತ್ತಿನಲ್ಲಿ ಮರ್ರೆ ನಿಕೊಲೊಜ್ ಬಸಿಲಾಶ್ವಿಲಿ ಅವರನ್ನು 6-1, 3-6, 6-4, 6-7 (5), 6-4 ಸೆಟ್‌ಗಳಿಂದ ಸೋಲಿಸಿ ಎರಡನೇ ಸುತ್ತಿಗೆ ತಲುಪಿದ್ದರು.

ದ.ಆಫ್ರಿಕಾ ವಿರುದ್ಧದ ಪ್ರಥಮ ಏಕದಿನ ಪಂದ್ಯದ ಸೋಲಿಗೆ ಕಾರಣ ಯಾರೆಂಬುದನ್ನು ಬಿಚ್ಚಿಟ್ಟ ನಾಯಕ ರಾಹುಲ್ದ.ಆಫ್ರಿಕಾ ವಿರುದ್ಧದ ಪ್ರಥಮ ಏಕದಿನ ಪಂದ್ಯದ ಸೋಲಿಗೆ ಕಾರಣ ಯಾರೆಂಬುದನ್ನು ಬಿಚ್ಚಿಟ್ಟ ನಾಯಕ ರಾಹುಲ್

ಮತ್ತೊಂದು ಪಂದ್ಯದಲ್ಲಿ ಸ್ಟೆಫಾನೊಸ್ ಸಿಟ್ಸಿಪಾಸ್ ಅರ್ಜೆಂಟೀನಾದ ಸೆಬಾಸ್ಟಿಯನ್ ಬೇಜ್ ಅವರನ್ನು ಕಠಿಣ ಹೋರಾಟದಲ್ಲಿ ಮಣಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಟೈಬ್ರೇಕರ್ ಕಂಡ ಈ ಪಂದ್ಯ ಸವಾಲಿನಿಂದ ಕೂಡಿತ್ತು. ಅಂತಿಮವಾಗಿ 7-6, 6-7, 6-3 ಮತ್ತು 6-4 ಅಂತರದಿಂದ ಸ್ಟೆಫಾನೊಸ್ ಸಿಟ್ಸಿಪಾಸ್ ಗೆಲುವು ಸಾಧಿಸಿದ್ದಾರೆ. ಮಾರ್ಗರೇಟ್ ಕೋರ್ಟ್ ಅರೆನಾದಲ್ಲಿ ನಡೆದ ಈ ಪಂದ್ಯ 3 ಗಂಟೆ 22 ನಿಮಿಷಗಳ ಕಾಲ ಈ ಕದನ ನಡೆಯಿತು. ಸಿಟ್ಸಿಪಾಸ್ ಮೊದಲ ಸುತ್ತಿನಲ್ಲಿ ಮಿಕಾಲೆ ಯೆಮರ್ ವಿರುದ್ಧ 6-2, 6-4, 6-3 ನೇರ ಸೆಟ್‌ಗಳಲ್ಲಿ ನೇರ ಗೆಲುವು ದಾಖಲಿಸಿದ್ದರು.

ಗಾರ್ಬೈನ್ ಮುಗುರುಜಾ ಹೋರಾಟ ಅಂತ್ಯ: ಇನ್ನು ಇಂದು ನಡೆದ ಮತ್ತೊಂದು ಸೆಣೆಸಾಟದಲ್ಲಿ ಅಲೈಜ್ ಕಾರ್ನೆಟ್ ಮೂರನೇ ಶ್ರೇಯಾಂಕದ ಮುಗುರುಜಾ ವಿರುದ್ಧ ಗೆಲುವು ಸಾಧಿಸಿದ್ದಾರೆ. ಈ ಪಂದ್ಯ ಒಂದು ಗಂಟೆ 27 ನಿಮಿಷಗಳಲ್ಲಿ ನಡೆದಿದ್ದು 6-3, 6-3 ಅಂತರದಲ್ಲಿ ಅಲೈಜ್ ಕಾರ್ನೆಟ್ ಜಯ ಸಾಧಿಸಿದ್ದಾರೆ.

For Quick Alerts
ALLOW NOTIFICATIONS
For Daily Alerts
Story first published: Thursday, January 20, 2022, 18:32 [IST]
Other articles published on Jan 20, 2022
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X