ಜಕಾರ್ತಾ, ಆಗಸ್ಟ್ 19: ಭಾರತ ಪುರುಷರ ಬ್ಯಾಡ್ಮಿಂಟನ್ ತಂಡ ಮತ್ತು ಟೆನಿಸ್ ಮಿಶ್ರ ಡಬಲ್ಸ್ ತಂಡ ಇಂಡೋನೇಷ್ಯಾ ಏಷ್ಯನ್ ಗೇಮ್ಸ್ ನಲ್ಲಿ ಮುನ್ನಡೆ ಸಾಧಿಸಿದೆ. ಆದರೆ ಎರಡು ಬಾರಿ ಒಲಿಂಪಿಕ್ಸ್ ಪದಕ ಗೆದ್ದಿದ ರಸ್ಲರ್ ಸುಶೀಲ್ ಕುಮಾರ್ ಕುಮಾರ್ ಆರಂಭಿಕ ಪಂದ್ಯದಲ್ಲಿ ಸೋಲನುಭವಿಸಿದ್ದಾರೆ.
ಏಷ್ಯನ್ ಗೇಮ್ಸ್: ಶೂಟಿಂಗ್ ನಲ್ಲಿ ಅಪೂರ್ವಿ-ರವಿಕುಮಾರ್ ಗೆ ಕಂಚು
ಅನುಭವಿ ಆಟಗಾರ, ಡಬಲ್ಸ್ ಪರಿಣಿತ ಲಿಯಾಂಡರ್ ಪೇಸ್ ಸ್ಪರ್ಧೆಯಿಂದ ಹೊರಗುಳಿದ ಹೊರತಾಗಿಯೂ ದಿವಿಜ್ ಶರಣ್ ಮತ್ತು ಕರ್ಮಾನ್ ಕೌರ್ ಅವರನ್ನೊಳಗೊಂಡ ಭಾರತದ ಟೆನಿಸ್ ಮಿಶ್ರ ಡಬಲ್ಸ್ ತಂಡ ಫಿಲಿಪೈನ್ಸ್ ನ ಆಲ್ಬರ್ಟೊ ಜೂನಿಯರ್ ಲಿಮ್ ಮತ್ತು ಮರಿಯನ್ ಜೇಡ್ ಕ್ಯಾಪಡೋಸಿಯಾ ಜೋಡಿಯನ್ನು 6-4, 6-4ರಿಂದ ಹಿಮ್ಮೆಟ್ಟಿಸಿ ಅಂತಿಮ 16ರ ಸುತ್ತಿಗೆ ಪ್ರವೇಶಿಸಿದೆ.
Asian Games 2018
— Doordarshan Sports (@ddsportschannel) August 19, 2018
Tennis: Indian mixed doubles pair of Divij Sharan and Karman Kaur Thandi defeatsPhilippines' Alberto Jr Lim and Marian Jade Capadocia 6-4, 6-4 in the opening round. #AsianGames2018#AsianGames pic.twitter.com/u42IxN23W8
ಪುರುಷರ ಬ್ಯಾಡ್ಮಿಂಟನ್ ತಂಡ ಸ್ಪರ್ಧೆಯಲ್ಲಿ ಭಾರತ ತಂಡ ಮಾಲ್ಡೀವ್ಸ್ ತಂಡವನ್ನು ಸೋಲಿಸಿ ಮುಂದಿನ ಹಂತಕ್ಕೆ ಪ್ರವೇಶಿಸಿದೆ. ಕ್ವಾರ್ಟರ್ ಫೈನಲ್ಸ್ ಪಂದ್ಯದಲ್ಲಿ ಭಾರತ ಆತಿಥೇಯ ಇಂಡೋನೇಷ್ಯಾವನ್ನು ಎದುರುಗೊಳ್ಳಲಿದೆ.
ಪುರುಷರ ರಸ್ಲಿಂಗ್ ವಿಭಾಗದ ಮೊದಲ ಸುತ್ತಿನ ಸ್ಪರ್ಧೆಯಲ್ಲಿ ಸುಶೀಲ್ ಕುಮಾರ್ ಅವರು ಬಹ್ರೇನ್ ನ ಆದಮ್ ಬಟಿರೊವ್ ಅವರೆದುರು ಸೋಲನುಭವಿಸಿದ್ದಾರೆ. ಆದರೆ ಇನ್ನೊಬ್ಬ ಸ್ಪರ್ಧಿ ಭಜರಂಗ್ ಪೂನಿಯಾ ಅವರು ಉಜ್ಬೇಕಿಸ್ತಾನ್ ನ ಸಿರೋಜಿದ್ದೀನ್ ಅವರೆದುರು 13-3ರ ಗೆಲುವು ದಾಖಲಿಸಿ ಮುನ್ನಡೆದಿದ್ದಾರೆ.