ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
For Quick Alerts
ALLOW NOTIFICATIONS  
For Daily Alerts

ಟೆನಿಸ್‌: ರೋಜರ್‌ ಫೆಡರರ್‌ ಕಿರೀಟಕ್ಕೆ ಮತ್ತೊಂದು ಗರಿ

Federer Records 1200th Match Win In Madrid

ಮ್ಯಾಡ್ರಿಡ್‌, ಮೇ 10: ಸ್ವಿಸ್‌ ಮಾಸ್ಟರ್‌ ರೋಜರ್‌ ಫೆಡರರ್‌ ಅವರ ದಾಖಲೆಗಳ ಕಿರೀಟಕ್ಕೆ ಮತ್ತೊಂದು ಗರಿ ಸೇರ್ಪಡೆಯಾಗಿದ್ದು, ಆಧುನಿಕ ಯುಗದ ಟೆನಿಸ್‌ನಲ್ಲಿ 1,200 ಪಂದ್ಯಗಳನ್ನು ಗೆದ್ದ ಎರಡನೇ ಆಟಗಾರ ಎಂಬ ಹೆಗ್ಗಳಿಕೆ ಪಡೆದಿದ್ದಾರೆ.

 3 ವರ್ಷಗಳ ಬಳಿಕ ಕ್ಲೇ ಕೋಟ್‌ಗೆ ಮರಳಿದ ಫೆಡರರ್‌ ಮಾಡಿದ್ದೇನು? 3 ವರ್ಷಗಳ ಬಳಿಕ ಕ್ಲೇ ಕೋಟ್‌ಗೆ ಮರಳಿದ ಫೆಡರರ್‌ ಮಾಡಿದ್ದೇನು?

ಇಲ್ಲಿ ನಡೆಯುತ್ತಿರುವ ಮ್ಯಾಡ್ರಿಡ್‌ ಓಪನ್‌ ಟೆನಿಸ್‌ ಟೂರ್ನಿಯ ಪುರುಷರ ಸಿಂಗಲ್ಸ್‌ ವಿಭಾಗದಲ್ಲಿ ಬುಧವಾರ ತಡರಾತ್ರಿ ನಡೆದ ಪ್ರಿಕ್ವಾರ್ಟರ್‌ಫೈನಲ್ಸ್‌ ಪಂದ್ಯದಲ್ಲಿ ಅದ್ಭುತ ಆಟವಾಡಿದ 37 ವರ್ಷದ ರೋಜರ್‌, ಫ್ರಾನ್ಸ್‌ನ ಅನುಭವಿ ಆಟಗಾರ ಗೇಲ್‌ ಮೊನ್ಫಿಲ್ಸ್‌ ಅವರನ್ನು ಮಣಿಸಿ ಈ ಸಾಧನೆ ಮಾಡಿದರು.

 ಟೆನಿಸ್‌: ವಿಂಬಲ್ಡನ್‌ನಲ್ಲಿ ಮೊದಲ ಸುತ್ತಿನಲ್ಲಿ ಸೋತರೂ 40 ಲಕ್ಷ ರೂ. ಬಹುಮಾನ! ಟೆನಿಸ್‌: ವಿಂಬಲ್ಡನ್‌ನಲ್ಲಿ ಮೊದಲ ಸುತ್ತಿನಲ್ಲಿ ಸೋತರೂ 40 ಲಕ್ಷ ರೂ. ಬಹುಮಾನ!

ಈ ಮೂಲಕ ಸಾರ್ವಕಾಲಿಕ ಅತಿಹೆಚ್ಚು ಪಂದ್ಯಗಳನ್ನು ಗೆದ್ದವರ ಪೈಕಿ ರೋಜರ್‌ ತಮ್ಮ 2ನೇ ಸ್ಥಾನವನ್ನು ಮತ್ತಷ್ಟು ಭದ್ರ ಪಡಿಸಿಕೊಂಡಿದ್ದಾರೆ. ಅಮೆರಿಕದ ಜಿಮಿ ಕಾನರ್ಸ್‌ ಮಾತ್ರವೇ ಈ ಪಟ್ಟಿಯಲ್ಲಿ ಫೆಡರರ್‌ಗಿಂತಲೂ ಮುಂದಿದ್ದಾರೆ. ಕಾನರ್ಸ್‌ ಅತಿ ಹೆಚ್ಚು ಎಟಿಪಿ ಟ್ರೋಫಿಗಳನ್ನು(109) ಗೆದ್ದವರ ಪೈಕಿಯೂ ಅಗ್ರಸ್ತಾನದಲ್ಲಿದ್ದಿದ್ದು, ಫೆಡರರ್‌ (101) ನಂತರದ ಸ್ಥಾನದಲ್ಲಿದ್ದಾರೆ.

 ಹೊಟ್ಟೆನೋವು ನನ್ನನ್ನು ಮ್ಯಾಡ್ರಿಡ್ ಓಪನ್‌ನಿಂದ ತಡೆಯಲಾರದು: ನಡಾಲ್ ಹೊಟ್ಟೆನೋವು ನನ್ನನ್ನು ಮ್ಯಾಡ್ರಿಡ್ ಓಪನ್‌ನಿಂದ ತಡೆಯಲಾರದು: ನಡಾಲ್

ಬರೋಬ್ಬರಿ 3 ವರ್ಷಗಳ ಬಳಿಕ ಕ್ಲೇ ಕೋರ್ಟ್‌ ಟೆನಿಸ್‌ಗೆ ಮರಳಿರುವ 20 ಗ್ರ್ಯಾನ್‌ ಸ್ಲ್ಯಾಮ್‌ ಸಿಂಗಲ್ಸ್‌ ಪ್ರಶಸ್ತಿಗಳ ಒಡೆಯ ರೋಜರ್‌ ಫೆಡರರ್‌, ಅಂತಿಮ 16ರ ಘಟ್ಟದಲ್ಲಿ 15ನೇ ಶ್ರೇಯಾಂಕಿತ ಆಟಗಾರ ಮೊನ್ಫಿಲ್ಸ್‌ ಎದುರು ಪ್ರಬಲ ಪೈಪೋಟಿ ನಡೆಸಿ 6-0, 4-6, 7-6(7/3) ಅಂತರದ ಸೆಟ್‌ಗಳ ಜಯ ದಾಖಲಿಸಿದರು.

ಟೂರ್ನಿಯಲ್ಲಿನಾಲ್ಕನೇ ಶ್ರೇಯಾಂಕ ಹೊಂದಿರುವ ರೋಜರ್‌, ಇದೀಗ ಕ್ವಾರ್ಟರ್‌ಫೈನಲ್ಸ್‌ ಪಂದ್ಯದಲ್ಲಿ 5ನೇ ಶ್ರೇಯಾಂಕಿತ ಆಟಗಾರ ಆಸ್ಟ್ರಿಯಾದ ಡಾಮಿನಿಕ್‌ ಥೀಮ್‌ ಅವರ ಕಠಿಣ ಸವಾಲನ್ನು ಎದುರಿಸಲಿದ್ದಾರೆ.

ಆಧುನಿಕ ಯುಗದ ಟೆನಿಸ್‌ನಲ್ಲಿ ಅತಿ ಹೆಚ್ಚು ಪಂದ್ಯಗಳನ್ನು ಗೆದ್ದವರು (ಟಾಪ್‌ 5)
1. ಜಿಮ್ಮಿ ಕಾನರ್ಸ್‌ (ಅಮೆರಿಕ) 1,274
2. ರೋಜರ್‌ ಫೆಡರರ್‌ (ಸ್ವಿಜರ್ಲೆಂಡ್‌) 1,200*
3. ಇವಾನ್‌ ಲೆಂಡ್ಲ್‌ (ಝೆಕ್‌/ಅಮೆರಿಕ) 1,068
4. ಗ್ಯುಲೆರ್ಮೊ ವಿಲಾಸ್‌ (ಅರ್ಜೆಂಟೀನಾ) 949
5. ರಫೇಲ್‌ ನಡಾಲ್‌ (ಸ್ಪೇನ್‌) 936*



ರೋಜರ್‌ ಫೆಡರರ್‌ ಮಹತ್ವದ ಮೈಲುಗಲ್ಲು
1ನೇ ಗೆಲುವು: ವರ್ಷ: 1998 (ಟೌಲೋಸ್‌ ಟೂರ್ನಿ)
100ನೇ ಗೆಲುವು: ವರ್ಷ: 2001 (ಬಸೆಲ್‌ ಓಪನ್‌)
500ನೇ ಗೆಲುವು: ವರ್ಷ: 2007 (ಮಾಂಟೆ ಕಾರ್ಲೊ ಮಾಸ್ಟರ್ಸ್‌)
1000ನೇ ಗೆಲುವು: ವರ್ಷ: 2015 (ಬ್ರಿಸ್ಬೇನ್‌ ಓಪನ್‌)
1200ನೇ ಗೆಲುವು: ವರ್ಷ: 2019 (ಮ್ಯಾಡ್ರಿಡ್‌ ಓಪನ್‌)

Story first published: Friday, May 10, 2019, 14:12 [IST]
Other articles published on May 10, 2019
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X