ಫ್ರೆಂಚ್ ಓಪನ್ 2019: ವಿಶ್ವದಾಖಲೆ ಹಾದಿಯಲ್ಲಿ ಸೆರೆನಾ ವಿಲಿಯಮ್ಸ್!

ಪ್ಯಾರಿಸ್, ಮೇ 31: ಜಪಾನ್‌ನ ಕುರುಮಿ ನಾರ ಅವರನ್ನು ಸುಲಭವಾಗಿ ಹಿಮ್ಮೆಟ್ಟಿಸಿರುವ ಸೆರೆನಾ ವಿಲಿಯಮ್ಸ್ ಫ್ರೆಂಚ್ ಓಪನ್ 2019ರ ಮಹಿಳಾ ಸಿಂಗಲ್ಸ್ ನಲ್ಲಿ ಮೂರನೇ ಸುತ್ತಿಗೆ ಲಗ್ಗೆಯಿಟ್ಟಿದ್ದಾರೆ. ಆಸ್ಟ್ರೇಲಿಯಾದ ಮಾರ್ಗರೆಟ್ ಕೋರ್ಟ್ ಬಳಿಕ 23 ಗ್ರ್ಯಾಂಡ್‌ಸ್ಲ್ಯಾಮ್ ದಾಖಲೆ ಹೊಂದಿರುವ ಸೆರೆನಾ, ಮತ್ತೊಂದು ಗ್ರ್ಯಾಂಡ್‌ಸ್ಲ್ಯಾಮ್ ಪ್ರಶಸ್ತಿ ಮೂಲಕ ವಿಶ್ವ ದಾಖಲೆ ಸರಿದೂಗಿಸುವ ನಿರೀಕ್ಷೆ ಮೂಡಿಸಿದ್ದಾರೆ.

ಫ್ರೆಂಚ್ ಓಪನ್: ಟೆನಿಸ್ ಜಗತ್ತಿನಲ್ಲಿ ವಿಶೇಷ ದಾಖಲೆ ಬರೆದ ಸೆರೆನಾ ವಿಲಿಯಮ್ಸ್

ವಿಶ್ವ ಶ್ರೇಯಾಂಕದಲ್ಲಿ 10ನೇ ಸ್ಥಾನದಲ್ಲಿರುವ ಸೆರೆನಾ 2017ರ ಬಳಿಕ ಇದೇ ಮೊದಲ ಬಾರಿಗೆ ಪ್ರತಿಷ್ಠಿತ ಟೂರ್ನಿಯಲ್ಲಿ ಗಮನಾರ್ಹ ಮುನ್ನಡೆ ಗಿಟ್ಟಿಸಿದ್ದಾರೆ. ಗುರುವಾರ (ಮೇ 30) ನಡೆದ ದ್ವಿತೀಯ ಸುತ್ತಿನ ಪಂದ್ಯದಲ್ಲಿ ಅಮೆರಿಕಾ ಆಟಗಾರ್ತಿ ಸೆರೆನಾ, ಕುರುಮಿ ವಿರುದ್ಧ 6-3, 6-2ರ ನೇರ ಸೆಟ್ ಗೆಲುವು ದಾಖಲಿಸಿದರು.

If Serena Williams can secure a tournament win at the #RolandGarros tournament, she will equal the record for most Grand Slam titles by a female tennis player in history - 24. pic.twitter.com/VQvLpiXLmk

— SuperSport🏏 (@SuperSportTV) May 25, 2019

ದ್ವಿತೀಯ ಸುತ್ತಿನ ಸ್ಪರ್ಧೆಯಲ್ಲಿ ಸೆರೆನಾ ಹೆಚ್ಚು ಬಲ ಪ್ರಯೋಗಿಸುವ ಗೋಜಿಗೆ ಹೋಗದೆ ಸುಲಭವಾಗಿ ಮುನ್ನಡೆ ಸಾಧಿಸಿದ್ದಾರೆ. ಮುಂದಿನ ಸುತ್ತಿನಲ್ಲಿ ಸೆರೆನಾ, ಅಮೆರಿಕಾದವರೇ ಆದ ಸೋಫಿಯಾ ಕೆನಿನ್ ಸವಾಲು ಸ್ವೀಕರಿಸಲಿದ್ದಾರೆ.