ಬೆಲ್ಗ್ರೇಡ್, ಜೂನ್ 26: ವಿಶ್ವನಂ.1 ಟೆನಿಸ್ ಆಟಗಾರ ನೊವಾಕ್ ಜೊಕೋವಿಕ್ ಅವರ ಕೋಚ್, ದಂತಕತೆ ಇವಾನಿಸೆವಿಚ್ಗೆ ಕೊರೊನಾವೈರಸ್ ಪಾಸಿಟಿವ್ ಬಂದಿದೆ. ಕೊರೊನಾ ಸೋಂಕಿಗೆ ಇತ್ತೀಚೆಗೆ ಈಡಾದವರಾಗಿ ಕ್ರೊಯೇಷಿಯಾದ ಮಾಜಿ ಆಟಗಾರ ಇವಾನಿಸೆವಿಚ್ ಗುರುತಿಸಿಕೊಂಡಿದ್ದಾರೆ.
ಟೆನಿಸ್ ಟೂರ್ನಿ ಆಯೋಜಿಸಿದ್ದಕ್ಕೆ ಕ್ಷಮೆ ಯಾಚಿಸಿದ ನೊವಾಕ್ ಜೊಕೋವಿಕ್
ಸರ್ಬಿಯಾ ಮತ್ತು ಕೊಯೇಷಿಯಾದಲ್ಲಿ ನೊವಾಕ್ ಜೊಕೋವಿಕ್ ಆಯೋಜಿಸಿದ್ದ ಆ್ಯಂಡ್ರಿಯಾ ಟೂರ್ ಪ್ರದರ್ಶನ ಟೂರ್ನಿಯಲ್ಲಿ ಇವಾನಿಸೆವಿಚ್ ಕೂಡ ಭಾಗವಹಿಸಿದ್ದರು. ಆ್ಯಂಡ್ರಿಯಾ ಟೂರ್ನಿಯಲ್ಲಿ ಆಡಲು ಬಂದಿದ್ದ ಜೊಕೋವಿಕ್ ಅಲ್ಲದೆ ಗ್ರಿಗರ್ ಡಿಮಿಟ್ರೋವ್, ಬೊರ್ನಾ ಕೋರಿಕ್ ಮತ್ತು ವಿಕ್ಟರ್ ಟ್ರಾಯ್ಕಿ ಅವರಿಗೂ ಕೊರೊನಾ ಸೋಂಕು ತಗುಲಿತ್ತು.
ಕೆಲಸ ಕಳೆದುಕೊಂಡಿದ್ದ ಜೂನಿಯರ್ ಸಚಿನ್ ತೆಂಡೂಲ್ಕರ್ಗೆ ಕೊರೊನಾ ಪಾಸಿಟಿವ್
2001ರಲ್ಲಿ ವಿಂಬಲ್ಡನ್ ಪ್ರಶಸ್ತಿ ಗೆದ್ದಿದ್ದ ಇವಾನಿಸೆವಿಚ್ ಕಳೆದ 10 ದಿನಗಳಲ್ಲಿ ಎರಡು ಬಾರಿ ಕೊರೊನಾವೈರಸ್ ಪರೀಕ್ಷೆ ನಡೆಸಿದ್ದರು. ಅವರ ಫಲಿತಾಂಶ ನೆಗೆಟಿವ್ ಬಂದಿತ್ತು. ಆದರೆ ಈಗ ಪಾಸಿಟಿವ್ ಎಂದು ಬಂದಿದೆ ಎಂದು ಇವಾನಿಸೆವಿಚ್ ತಿಳಿಸಿದ್ದಾರೆ.
ಸಂಗಕ್ಕರ ಡ್ಯಾನ್ಸ್ ಕ್ಲಾಸ್ಗೆ ಸೇರಿಕೊಂಡಿದ್ದು ಯಾಕೆ ಗೊತ್ತಾ? ರಸೆಲ್ ಅರ್ನಾಲ್ಡ್ ಬಿಚ್ಚಿಟ್ಟಿದ್ದಾರೆ ಕಾರಣ!
'ನನ್ನೊಂದಿಗೆ ಯಾರೆಲ್ಲಾ ಸಂಪರ್ಕದಲ್ಲಿದ್ದರೋ ಅವರೆಲ್ಲರಿಗೆ ತಿಳಿಸುತ್ತಿದ್ದೇನೆ, ನನಗೆ ಕೊರೊನಾ ಪಾಸಿಟಿವ್ ಬಂದಿದೆ. ನೀವು ನಿಮ್ಮ ಮತ್ತು ನಿಮ್ಮ ಪ್ರೀತಿಪಾತ್ರರ ಬಗ್ಗೆ ಹೆಚ್ಚಿಗೆ ಕಾಳಜಿ ವಹಿಸಿ,' ಎಂದು ಇವಾನಿಸೆವಿಚ್ ಹೇಳಿದ್ದಾರೆ. ಪರೀಕ್ಷೆಗೆ ಮುನ್ನ ತನಗೆ ಯಾವುದೇ ರೋಗ ಲಕ್ಷಣಗಳಿರಲಿಲ್ಲ, ತಾನೀಗ ಸೆಲ್ಫ್ ಐಸೋಲೇಶನ್ನಲ್ಲಿರುವುದಾಗಿ ಗೋರನ್ ಮಾಹಿತಿ ನೀಡಿದ್ದಾರೆ.