ವಿಚಾರವನ್ನು ಲಘುವಾಗಿ ತೆಗೆದುಕೊಳ್ಳಲಾರೆ
'ಯಾರ ಗಮನವನ್ನೂ ಹಾಳು ಮಾಡುವ ಉದ್ದೇಶ ನನ್ನದಾಗಿರಲಿಲ್ಲ. ನನ್ನ ಸಂದೇಶ ಇನ್ನೂ ಸ್ಪಷ್ಟವಾಗಿರಬೇಕಿತ್ತು. ನನ್ನ ಸಮಯ ಸರಿಯಿಲ್ಲ ಅನ್ನೋದನ್ನು ನಾನು ಸ್ವೀಕರಿಸುತ್ತೇನೆ. ಇನ್ನೂ ತುಂಬಾ ಮುಖ್ಯವಾಗಿ ನಾನು ನನ್ನ ಮಾನಸಿಕ ಆರೋಗ್ಯವನ್ನು ಹಾಳು ಮಾಡಿಕೊಳ್ಳಲು, ವಿಚಾರಗಳನ್ನು ಲಘುವಾಗಿ ತೆಗೆದುಕೊಳ್ಳಲು ಬಯಸಲಾರೆ,' ಎಂದು ಒಸಾಕಾ ತಿಳಿಸಿದ್ದಾರೆ.
ಮೊದಲ ಸುತ್ತಿನಲ್ಲಿ ಒಸಾಕಾಗೆ ಜಯ
ಫ್ರೆಂಚ್ ಓಪನ್ ಆರಂಭಿಕ ಸುದ್ದಿನಲ್ಲಿ ಒಸಾಕಾ ರೋಮ್ ಆಟಗಾರ್ತಿ ಪೆಟ್ರೀಷಿಯಾ ಮಾರಿಯಾ ಟಿಗ್ ಎದುರು 6-4, 7-6(4) ಜಯ ದಾಖಲಿಸಿದ್ದರು. ಆ ಬಳಿಕ ಕರೆಯಲಾದ ಸುದ್ದಿಗೋಷ್ಠಿಯಲ್ಲಿ ಒಸಾಕಾ ಪಾಲ್ಗೊಂಡಿರಲಿಲ್ಲ. ಇದಕ್ಕೆ, ನನ್ನ ಮನಸ್ಸು ಸರಿಯಿಲ್ಲ, ಸುದ್ದಿಗಾರರ ಪ್ರಶ್ನೆ ಕಿರಿ ಕಿರಿ ಅನ್ನಿಸುತ್ತದೆ ಎಂಬ ಕಾರಣ ನೀಡಿದ್ದರು.
ಆಯೋಜಕರಿಂದ ಎಚ್ಚರಿಕೆ
ಒಸಾಕಾ ಸುದ್ದಿಗೋಷ್ಠಿ ತಪ್ಪಿಸಿಕೊಂಡಿದ್ದು ಟೂರ್ನಿ ಆಯೋಜಕರ ಕೆಂಗಣ್ಣಿಗೆ ಕಾರಣವಾಗಿತ್ತು. ಫ್ರೆಂಚ್ ಓಪನ್ನಿಂದ ನಿನ್ನನ್ನು ಹೊರ ದಬ್ಬಬೇಕಾಗುತ್ತದೆ, ಭವಿಷ್ಯದಲ್ಲಿ ನೀನು ಪ್ರಮುಖ ಟೂರ್ನಿಗಳಿಂದ ಹೊರಗುಳಿಯಬೇಕಾಗುತ್ತದೆ ಎಂದು ಆಯೋಜಕರು ಎಚ್ಚರಿಸಿದ್ದರು. ಈ ಸವಾಲನ್ನು ದಿಟ್ಟವಾಗೇ ಸ್ವೀಕರಿಸಿರುವ ಒಸಾಕಾ ತಾನೇ ಟೂರ್ನಿಯಿಂದ ಹಿಂದೆ ಸರಿದಿದ್ದಾರೆ.