ಲಂಡನ್, ಜುಲೈ 15: ರೋಜರ್ ಫೆಡರರ್ಗಿಂತ ತಾನು ಬಲಶಾಲಿಯೆಂದು ನೊವಾಕ್ ಜೊಕೋವಿಕ್ ಮತ್ತೊಮ್ಮೆ ಸಾಭೀತುಪಡಿಸಿದ್ದಾರೆ. ಭಾನುವಾರ (ಜುಲೈ 14) ನಡೆದ ವಿಂಬಲ್ಡನ್ ಫೈನಲ್ ರೋಚಕ ಪಂದ್ಯದಲ್ಲಿ ಸ್ವಿಸ್ ಮಾಸ್ಟರ್ ಫೆಡರರ್ ಮಣಿಸಿ ಸರ್ಬಿಯಾ ಬಲಿಷ್ಠ ಜೊಕೋವಿಕ್ 5ನೇ ವಿಂಬಲ್ಡನ್ ಪ್ರಶಸ್ತಿ ಜಯಿಸಿದ್ದಾರೆ.
ಸೂಪರ್ ಗೇಮ್ : ಒಂದು ಕಪ್. ಒಂದು ಗೆಲುವು, ಎರಡು ತಂಡ ಚಾಂಪಿಯನ್ಸ್
ಟೆನಿಸ್ ಇತಿಹಾಸದಲ್ಲಿ ಸುದೀರ್ಘ ಕಾಳವಾಗಿ ಗುರುತಿಸಿಕೊಂಡ ಇಬ್ಬರ ಕದನ 5 ಸೆಟ್ಗಳವರೆಗೆ ಮುಂದುವರೆಯಿತು. ಅಂತಿಮವಾಗಿ ಟೈಬ್ರೇಕರ್ ಮೂಲಕ ಜೊಕೋವಿಕ್ ಮೇಲುಗೈ ಸಾಧಿಸಿದರು. ಫೆಡರರ್ ಅವರನ್ನು ಜೊಕೋವಿಕ್ 7-6(5) 1-6 7-6(4) 4-6 13-12(3)ರ ಅಂತರದಿಂದ ಸೋಲಿಸಿ ವಿಂಬಲ್ಡನ್ ಚಾಂಪಿಯನ್ ಪಟ್ಟ ಉಳಿಸಿಕೊಂಡರು.
A match for the ages…
— Wimbledon (@Wimbledon) July 14, 2019
The moment @DjokerNole retained his crown to become #Wimbledon champion for a fifth time after a historic men’s singles final#JoinTheStory pic.twitter.com/zDQlEBviMD
ಈ ಜಯದೊಂದಿಗೆ ಜೊಕೋವಿಕ್ 16ನೇ ಗ್ರ್ಯಾಂಡ್ಸ್ಲ್ಯಾಮ್ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ. ಪ್ರಶಸ್ತಿ ಸುತ್ತಿನ ಸೋಲು ಫೆಡರರ್ ಅವರ 9ನೇ ವಿಂಬಲ್ಡನ್ ಆಸೆಗೆ ತಣ್ಣೀರೆರಚಿದೆ. ಅಲ್ಲದೆ 37ನೇ ಹರೆಯದ ಫೆಡರರ್ ಈ ಪಂದ್ಯದಲ್ಲಿ ಜಯ ದಾಖಲಿಸಿದ್ದರೆ, ಟೆನಿಸ್ ವೃತ್ತಿ ಜೀವನದಲ್ಲಿ ವಿಂಬಲ್ಡನ್ ಜಯಿಸಿದ ಅತೀ ಹಿರಿಯ ಆಟಗಾರನಾಗಿ ಗುರುತಿಸಿಕೊಳ್ಳುವುದರಲ್ಲಿದ್ದರು.