ಲಂಡನ್: ಸರ್ಬಿಯಾ ಬಲಿಷ್ಠ ನೊವಾಕ್ ಜೊಕೋವಿಕ್ ತನ್ನ ವೃತ್ತಿ ಜೀವನದ 30ನೇ ಗ್ರ್ಯಾನ್ಸ್ಲ್ಯಾಮ್ ಫೈನಲ್ಗೆ ಪ್ರವೇಶಿಸಿದ್ದಾರೆ. ಶುಕ್ರವಾರ (ಜುಲೈ 9) ನಡೆದ ವಿಂಬಲ್ಡನ್ ಸೆಮಿಫೈನಲ್ ಪಂದ್ಯದಲ್ಲಿ ಕೆನಡಾದ ಡೆನಿಸ್ ಶಪೋವೊಲೊವ್ ಸೋಲಿಸಿರುವ ಜೊಕೋವಿಕ್ ಈ ವಿಶೇಷ ಮೈಲಿಗಲ್ಲು ಸ್ಥಾಪಿಸಿದ್ದಾರೆ.
ಇಂಗ್ಲೆಂಡ್ ವಿರುದ್ಧ ಪಾಕ್ನ ಹೀನಾಯ ಸೋಲಿಗೆ ಶಾಹಿದ್ ಅಫ್ರಿದಿ ಪ್ರತಿಕ್ರಿಯೆ
ಸೆಮಿಫೈನಲ್ನಲ್ಲಿ ನೊವಾಕ್ ಜೊಕೋವಿಕ್ ಅವರು ಡೆನಿಸ್ ಶಪೋವೊಲೊವ್ ವಿರುದ್ಧ 7-6 (7/3), 7-5, 7-5ರ ಜಯ ಗಳಿಸಿದ್ದಾರೆ. ವಿಶ್ವ ನಂ. 1 ಜೊಕೋವಿಕ್ಗೆ ಇದು 7ನೇ ವಿಂಬಲ್ಡನ್ ಫೈನಲ್ ಪಂದ್ಯ. ವಿಂಬಲ್ಡನ್ನಲ್ಲಿ ಜೊಕೋವಿಕ್ ಒಟ್ಟು ಐದು ಬಾರಿ ಚಾಂಪಿಯನ್ ಎನಿಸಿದ್ದಾರೆ.
ಫೈನಲ್ನಲ್ಲಿ ಜೊಕೋವಿಕ್ ಗೆದ್ದರೆ 6ನೇ ವಿಂಬಲ್ಡನ್, 20ನೇ ಗ್ರ್ಯಾನ್ಸ್ಲ್ಯಾಮ್ ವಿಜಯದ ದಾಖಲೆ ನಿರ್ಮಿಸಲಿದ್ದಾರೆ. 20 ಗ್ರ್ಯಾನ್ಸ್ಲ್ಯಾಮ್ ಗೆದ್ದರೆ ಈ ದಾಖಲೆ ಪಟ್ಟಿಯಲ್ಲಿರುವ ದಂತಕತೆಗಳಾದ ರೋಜರ್ ಫೆಡರರ್, ರಾಫೆಲ್ ನಡಾಲ್ ಸಾಲಿಗೆ ಜೊಕೋವಿಕ್ ಕೂಡ ಸೇರಿಕೊಳ್ಳಲಿದ್ದಾರೆ.
ಭಾರತ vs ಶ್ರೀಲಂಕಾ: 3 ಪಂದ್ಯಗಳ ಏಕದಿನ ಸರಣಿಯ ವೇಳಾಪಟ್ಟಿ ಬದಲು!
ಭಾನುವಾರ ನಡೆಯುವ ಫೈನಲ್ನಲ್ಲಿ ಜೊಕೋವಿಕ್ ಅವರು ಮ್ಯಾಟಿಯೊ ಬೆರೆಟ್ಟಿನಿ ಸವಾಲು ಸ್ವೀಕರಿಸಲಿದ್ದಾರೆ.