ಮ್ಯಾಡ್ರಿಡ್, ಮೇ 13: ವಿಶ್ವ ನಂ. 10ನೇ ಆಟಗಾರ್ತಿ ಜೆಕ್ ನ ಪೆಟ್ರಾ ಕ್ವಿಟೋವಾ ಅವರು ಮೂರನೇ ಬಾರಿಗೆ ಮ್ಯಾಡ್ರಿಡ್ ಓಪನ್ ಪ್ರಶಸ್ತಿ ತನ್ನದಾಗಿಸಿಕೊಂಡರು. ಶನಿವಾರ ನಡೆದ ಮ್ಯಾಡ್ರಿಡ್ ಓಪನ್ ಫೈನಲ್ ಸ್ಪರ್ಧೆಯಲ್ಲಿಅವರು ನೆದರ್ಲ್ಯಾಂಡ್ ನ ಕಿಕಿ ಬರ್ಟೆನ್ಸ್ ವಿರುದ್ಧ 7-6, (8/6), 4-6, 6-3ರ ದೀರ್ಘ ಕಾದಾಟದಲ್ಲಿ ಗೆಲುವಿನ ನಗು ಬೀರಿದರು.
ಕ್ವಿಟೋವಾ 2011 ಮತ್ತು 2015ರಲ್ಲೂ ಮ್ಯಾಡ್ರಿಡ್ ಚಾಂಪಿಯನ್ ಎನಿಸಿಕೊಂಡಿದ್ದರು. 2018ರ ಈ ಸಾಲಿನಲ್ಲಿ ಸೇಂಟ್ ಪೀಟರ್ ಬರ್ಗ್, ದೋಹಾ ಮತ್ತು ಕಳೆದವಾರ ಪ್ರೇಗ್ ನಲ್ಲೂ ಟೆನಿಸ್ ಚಾಂಪಿಯನ್ ಶಿಪ್ ಜಯಿಸಿರುವ ಅವರಿಗೆ ಇದು ಮೂರನೇ ಮ್ಯಾಡ್ರಿಡ್ ಓಪನ್ ಪ್ರಶಸ್ತಿಯಾಗಿದೆ.
No words. Just a big smile. Finalsssss ❤️😀 #MMOPEN18 pic.twitter.com/0zk2Ad0Z9F
— Petra Kvitova (@Petra_Kvitova) May 11, 2018
ಶ್ರೇಯಾಂಕಿತವಲ್ಲದ ಬೆರ್ಟೆನ್ಸ್ ಮತ್ತು ಕ್ವಿಟೋವಾ ನಡುವೆ ಸುಮಾರು 51 ನಿಮಿಷಗಳ ಕಾದಾಟ ನಡೆಯಿತು. ಹಿಂದಿನ ಪಂದ್ಯಗಳಲ್ಲಿ ಮಾಜಿ ವಿಶ್ವ ನಂ. 1 ಆಟಗಾರ್ತಿ ಮರಿಯಾ ಶರಪೋವಾ ಮತ್ತು ಕ್ಯಾರೋಲಿನ್ ವೋಜ್ನಿಯಾಕಿ ಅವರನ್ನು ಸೋಲಿಸಿ ಬೆರ್ಟೆನ್ಸ್ ಅಂತಿಮ ಸುತ್ತಿಗೆ ಪ್ರವೇಶ ಗಿಟ್ಟಿಸಿಕೊಂಡಿದ್ದರು.
Never. ever. give up. I left absolutely everything on the court today. Thank you Madrid for the most unforgettable week and to my fans for always being with me ❤️ #MMOPEN18 pic.twitter.com/ESwzdsDnPr
— Petra Kvitova (@Petra_Kvitova) May 12, 2018
ಬೆರ್ಟೆನ್ಸ್ ಎದುರಿನ ಕೊಂಚ ಪ್ರಾಯಾಸಕರವಾದ ಮತ್ತು ಸವಾಲಿನ ಈ ಪಂದ್ಯದಲ್ಲಿ ಪ್ರಶಸ್ತಿ ಜಯಸಿದ ಬಳಿಕ ಕ್ವಿಟೋವಾ ವೃತ್ತಿ ಜೀವನದಲ್ಲಿ ಒಟ್ಟು 24 ಚಾಂಪಿಯನ್ ಶಿಪ್ ಗಳನ್ನು ಗೆದ್ದಂತಾಗಿದೆ.