ಟೆಸ್ಟ್ ಕ್ರಿಕೆಟ್ ನಂ. 1 ಶ್ರೇಯಾಂಕ ಸಚಿನ್ ಬದಲಿಗೆ ಫೆಡರರ್!

ಬೆಂಗಳೂರು, ಜುಲೈ 10: ವಿಶ್ವದ ನಂ 2 ಶ್ರೇಯಾಂಕಿತ ಟೆನಿಸ್ ಆಟಗಾರ ರೋಜರ್ ಫೆಡರರ್ ಅವರಿಗೆ ಟೆಸ್ಟ್ ಕ್ರಿಕೆಟ್ ನ ಅಗ್ರ ಶ್ರೇಯಾಂಕ ಬಿರುದು ನೀಡಲಾಗಿದೆ. ಅರೇ! ಇದು ಹೇಗೆ ಸಾಧ್ಯ ಎನಿಸಬಹುದು.

ಆದರೆ, ವಿಂಬಲ್ಡನ್​ನ 4ನೇ ಸುತ್ತಿನ 16ನೇ ಪಂದ್ಯದಲ್ಲಿ ಎದುರಾಳಿ ಅಡ್ರಿಯಾನ್ ಮನ್ನಾರಿನೋ ಅವರನ್ನ 6-0, 7-5, 6-4 ಸೆಟ್​ಗಳಿಂದ ಮಣಿಸಿದರು. ಈ ಪಂದ್ಯದಲ್ಲಿ ಟೆನಿಸ್ ಚೆಂಡನ್ನು ಫೆಡರರ್ ಅಡಿದ ರೀತಿ ಈಗ ವೈರಲ್ ಆಗಿದೆ.

Ratings for @rogerfederer's forward defence, @ICC?#Wimbledon pic.twitter.com/VVAt2wHPa4

— Wimbledon (@Wimbledon) July 9, 2018

ಫೆಡರರ್ ಅವರು ಕ್ರಿಕೆಟ್ ಫಾರ್ವಡ್ ಡಿಫೆನ್ಸ್ ರೀತಿಯಲ್ಲಿ ಚೆಂಡನ್ನು ಎದುರಿಸಿದಂತೆ ಕಾಣುತ್ತದೆ. ಈ ದೃಶ್ಯವನ್ನು ಸೆರೆ ಹಿಡಿದು ವಿಂಬಲ್ಡನ್ ಅಧಿಕೃತ ಖಾತೆಯಿಂದ ಟ್ವೀಟ್ ಮಾಡಿ, ಹೇಗಿದೆ ಈ ಆಟ, ಏನು ರೇಟಿಂಗ್ ಕೊಡುತ್ತೀರಿ? ಎಂದು ಐಸಿಸಿಗೆ ಟ್ಯಾಗ್ ಮಾಡಲಾಗಿದೆ.

*sigh* ok... 👇 pic.twitter.com/KXnhaznxL8

— ICC (@ICC) July 9, 2018

ಇದಕ್ಕೆ ಉತ್ತರಿಸಿದ ಐಸಿಸಿ, ರೋಜರ್ ಫೆಡರರ್ ವಿಶ್ವದ ನಂ.1 ಟೆಸ್ಟ್ ಬ್ಯಾಟ್ಸ್​ಮನ್ ಎಂದು ಟ್ವೀಟ್ ಮಾಡಿದೆ. ಇದರ ಜತೆಗೆ ರೋಜರ್ ಫೆಡರರ್ ಹೊಡೆತವನ್ನ ಸಚಿನ್ ತೆಂಡೂಲ್ಕರ್ ಡಿಫೆನ್ಸಿವ್ ಶಾಟ್​ಗೆ ಹೋಲಿಕೆ ಮಾಡಲಾಗಲಾಗಿದೆ.

When greatness recognises greatness 👌 pic.twitter.com/UB2hJli5gw

— ICC (@ICC) July 9, 2018

ಯಾರು ಶ್ರೇಷ್ಠರು ಎಂಬ ಚರ್ಚೆ ನಡೆದಿದೆ. ಇದಲ್ಲದೆ, ಇಬ್ಬರು ದಿಗ್ಗಜರು ಸ್ಪೈಡರ್ ಮ್ಯಾನ್ ವೇಷ ತೊಟ್ಟು ಮುಖವಾಡ ಕಳಚಿ ನಿಂತ ಹಾಸ್ಯದ ಚಿತ್ರ ಟ್ವೀಟ್ ಮಾಡಲಾಗಿದೆ.

As always, great hand-eye co-ordination. @rogerfederer, let’s exchange notes on cricket and tennis after you win your 9th @Wimbledon title 😜👍 https://t.co/2TNUHGn1zK

— Sachin Tendulkar (@sachin_rt) July 10, 2018

ಇದೆಲ್ಲವನ್ನು ಗಮಿಸಿರುವ ಸಚಿನ್, ಟ್ವೀಟ್ ಮಾಡಿ, ವಿಂಬಲ್ಡನ್ ಗೆದ್ದು ಬನ್ನಿ, ಒಟ್ಟಿಗೆ ಎರಡು ಆಟಗಳ ಸಂಭ್ರಮಾಚರಣೆಯಲ್ಲಿ ತೊಡಗೋಣ ಎಂದಿದ್ದಾರೆ.