ಹೊಬರ್ಟ್, ಜನವರಿ 18: ಎರಡು ವರ್ಷಗಳ ಸುದೀರ್ಘ ಬ್ರೇಕ್ ಬಳಿಕ ಟೆನಿಸ್ ಅಂಗಳಕ್ಕೆ ಮರಳಿರುವ ಭಾರತದ ಸಾನಿಯಾ ಮಿರ್ಝಾ, ಡಬ್ಲ್ಯೂಟಿಎ ಹೊಬರ್ಟ್ ಇಂಟರ್ ನ್ಯಾಷನಲ್ ಟ್ರೋಫಿ ಟೂರ್ನಿಯ ಡಬಲ್ಸ್ ವಿಭಾಗದ ಪ್ರಶಸ್ತಿ ಜಯಿಸಿದ್ದಾರೆ. ಸಾನಿಯಾ-ನದಿಯಾ ಕಿಚೆನೋಕ್ ಜೋಡಿಗೆ ಡಬಲ್ಸ್ ವಿಭಾಗದ ಟ್ರೋಫಿ ಲಭಿಸಿದೆ.
ಹರ್ಭಜನ್ ಸಿಂಗ್ ದಾಖಲೆ ಮುರಿದು ಮಿನುಗಿದ ಕುಲದೀಪ್ ಯಾದವ್
ಶನಿವಾರ (ಜನವರಿ 18) ನಡೆದ ಡಬಲ್ಸ್ ಫೈನಲ್ನಲ್ಲಿ ಉಕ್ರೇನ್ ಆಟಗಾರ್ತಿ ನದಿಯಾ ಕಿಚೆನೋಕ್ ಮತ್ತು ಸಾನಿಯಾ ಮಿರ್ಝಾ ಜೋಡಿ, ಚೈನೀಸ್ನ ಶೂಯಿ ಪೆಂಗ್ ಮತ್ತು ಶುಯಿ ಜಾಂಗ್ ಜೋಡಿಯನ್ನು 6-4, 6-4ರ ಅಂತರದಿಂದ ಸೋಲಿಸಿ ಪ್ರಶಸ್ತಿ ಮುಡಿಗೇರಿಸಿಕೊಂಡಿತು.
Straight sets win 🤩
— WTA (@WTA) January 18, 2020
Nadiia Kichenok and @MirzaSania are your @HobartTennis Doubles Champions after defeating Peng/Zhang, 6-4, 6-4! pic.twitter.com/5rzrRbWcJp
ಇಂಡೋ-ಉಕ್ರೇನ್ ಮತ್ತು ಚೈನೀಸ್ ಆಟಗಾರ್ತಿಯರ ಮಧ್ಯೆ ಸುಮಾರು 1 ಗಂಟೆ 21 ನಿಮಿಷಗಳ ಕದನ ನಡೆಯಿತು. 33ರ ಹರೆಯದ ಸಾನಿಯಾ ತನ್ನ ಪುತ್ರ ಇಝಾನ್ ಜನಿಸಿದ ಬಳಿಕ ಆಡುತ್ತಿರುವ ಮೊದಲ ಟೆನಿಸ್ ಟೂರ್ನಿಯಿದು. ಮಾಜಿ ವಿಶ್ವ ನಂ.1 ಆಟಗಾರ್ತಿ ಸಾನಿಯಾಗೆ ಲಭಿಸುತ್ತಿರುವ 42ನೇ ಡಬ್ಲ್ಯೂಟಿಎ ಡಬಲ್ಸ್ ಪ್ರಶಸ್ತಿಯಿದು.