ಲಂಡನ್: ವಿಶ್ವ ನಂ.1 ಆಟಗಾರ, ವಿಂಬಲ್ಡನ್ ನಲ್ಲಿ 5 ಬಾರಿ ಚಾಂಪಿಯನ್ ಎನಿಸಿರುವ ಸರ್ಬಿಯನ್ ಸ್ಟಾರ್ ಟೆನಿಸ್ ಆಟಗಾರ ನೊವಾಕ್ ಜೊಕೋವಿಕ್ 10ನೇ ಬಾರಿಗೆ ವಿಂಬಲ್ಡನ್ ನಲ್ಲಿ ಸೆಮಿಫೈನಲ್ ಪ್ರವೇಶಿಸಿದ್ದಾರೆ. ಬುಧವಾರ (ಜುಲೈ 7) ನಡೆದ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಹಂಗೆರಿಯ ಮಾರ್ಟನ್ ಫುಕ್ಸೊವಿಕ್ಸ್ ವಿರುದ್ಧ ನೇರಸೆಟ್ ಗೆಲುವು ದಾಖಲಿಸಿದ್ದಾರೆ.
ಸಾರ್ವಜನಿಕವಾಗಿ ಕ್ಷಮೆ ಯಾಚಿಸಿದ ಪಾಕ್ ಬ್ಯಾಟ್ಸ್ಮನ್ ಉಮರ್ ಅಕ್ಮಲ್
20ನೇ ಗ್ರ್ಯಾಂಡ್ಸ್ಲ್ಯಾಮ್ ದಾಖಲೆ ನಿರ್ಮಿಸಲಿರುವ ನೊವಾಕ್ ಜೊಕೋವಿಕ್, ಕ್ವಾರ್ಟರ್ ಫೈನಲ್ನಲ್ಲಿ ಮಾರ್ಟನ್ ಫುಕ್ಸೊವಿಕ್ಸ್ ಅವರನ್ನು 6-3, 6-4, 6-4ರ ಅಂತರದಿಂದ ಸೋಲಿಸಿದ್ದಾರೆ. ಸೆಮಿಫೈನಲ್ನಲ್ಲಿ ಜೊಕೋವಿಕ್ ಒಂದೋ ರಷ್ಯಾದ ಕರೆನ್ ಖಚನೋವ್ ಅವರನ್ನು ಅಥವಾ ಕೆನಡಾದ ಡೆನಿಸ್ ಶಪೋವೊಲೊವ್ ಅವರನ್ನು ಎದುರುಗೊಳ್ಳಲಿದ್ದಾರೆ.
ಸೆಮಿಫೈನಲ್ನಲ್ಲಿ ಜೊಕೋವಿಕ್ ಗೆದ್ದರೆ ಭಾನುವಾರ ನಡೆಯಲಿರುವ ಫೈನಲ್ ಪಂದ್ಯಕ್ಕೆ ಪ್ರವೇಶ ಗಿಟ್ಟಿಸಿಕೊಳ್ಳಲಿದ್ದಾರೆ. 34ರ ಹರೆಯದ ಜೊಕೋವಿಕ್ ಈ ಗೆಲುವಿನೊಂದಿಗೆ ಗ್ರಾಸ್ ಕೋರ್ಟ್ನಲ್ಲಿ 100ನೇ ಗೆಲುವು ದಾಖಲಿಸಿದ್ದಾರೆ. ಅಲ್ಲದೆ, ಇದು 41ನೇ ಬಾರಿಗೆ ಪ್ರಮುಖ ಟೂರ್ನಿಯೊಂದರಲ್ಲಿ ಕೊನೇ 4ನೇ ಸುತ್ತಿಗೆ ಪ್ರವೇಶಿಸಿದ್ದಾರೆ.
ಭಾರತ vs ಶ್ರೀಲಂಕಾ: ಪ್ರವಾಸ ಒಪ್ಪಂದಕ್ಕೆ 29 ಕ್ರಿಕೆಟರ್ ಸಹಿ, ಏಂಜಲೋ ಮ್ಯಾಥ್ಯೂಸ್ ನಕಾರ
ಟೆನಿಸ್ನಲ್ಲಿ ನಾಲ್ಕು ಪ್ರಮುಖ ಟೆನಿಸ್ ಟೂರ್ನಿಗಳಲ್ಲಿ ಒಂದಕ್ಕಿಂತ ಹೆಚ್ಚು ಬಾರಿ ಗೆದ್ದಿರುವ ಕೇವಲ ಮೂರನೇ ಆಟಗಾರ ನೊವಾಕ್ ಜೊಕೋವಿಕ್. ಕಳೆ ತಿಂಗಳು ಫ್ರೆಂಚ್ ಓಪನ್ನಲ್ಲಿ ಗೆಲ್ಲುವ ಮೂಲಕ ಜೊಕೋವಿಕ್ ಈ ದಾಖಲೆ ನಿರ್ಮಿಸಿದ್ದರು.