ಅಮೆರಿಕ ಓಪನ್ ಟೆನಿಸ್: ಗ್ರ್ಯಾನ್‌ ಸ್ಲಾಮ್ ಪ್ರಶಸ್ತಿ ಗೆದ್ದ ನಡಾಲ್

ಟೆನ್ನಿಸ್ ಲೋಕದಲ್ಲಿ ಇತಿಹಾಸ ಬರೆದ ನಡಾಲ್. | Rafael Nadal | Oneindia Kannada

U.S. Open Rafael Nadal Wins Grand Slam Title

ನ್ಯೂಯಾರ್ಕ್, ಸೆಪ್ಟೆಂಬರ್ 09 : ಸ್ಪೇನ್‌ನ ರಫೆಲ್ ನಡಾಲ್ ಅಮೆರಿಕ ಓಪನ್ ಟೆನಿಸ್ ಟೂರ್ನಿಯ ಸಿಂಗಲ್ಸ್‌ನಲ್ಲಿ ಪ್ರಶಸ್ತಿಗೆ ಮುತ್ತಿಕ್ಕಿದ್ದಾರೆ. ಈ ಮೂಲಕ ನಡಾಲ್ 19ನೇ ಗ್ರ್ಯಾನ್‌ ಸ್ಲಾಮ್ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದಾರೆ.

ವಿಂಬಲ್ಡನ್ 2019: ರೋಚಕ ಕಾಳಗದಲ್ಲಿ ನಡಾಲ್ ಕೆಡವಿದ ರೋಜರ್ ಫೆಡರರ್ ವಿಂಬಲ್ಡನ್ 2019: ರೋಚಕ ಕಾಳಗದಲ್ಲಿ ನಡಾಲ್ ಕೆಡವಿದ ರೋಜರ್ ಫೆಡರರ್

ನ್ಯೂಯಾರ್ಕ್‌ನಲ್ಲಿ ನಡೆದ ಪಂದ್ಯದಲ್ಲಿ ರಷ್ಯಾದ ಡ್ಯಾನಿಲ್ ಮಡ್ವೆಡೆವ್ ಅವರನ್ನು ನಡಾಲ್ ಸೋಲಿಸಿದ್ದಾರೆ. ಮೆಡ್ವೆಡೆವ್ ವಿರುದ್ಧ ಉತ್ತಮ ಪ್ರದರ್ಶನ ನೀಡಿದ ನಡಾಲ್ 7-5, 6-3, 5-7, 4-6, 6-4 ಸೆಟ್‌ಗಳ ಅಂತರದಿಂದ ಗೆಲುವು ಸಾಧಿಸಿದರು.

"ನನ್ನ ಇಡೀ ಟೆನಿಸ್ ಜೀವನದಲ್ಲಿ ಇದೊಂದು ಭಾವನಾತ್ಮಕ ದಿನ. ರೋಚಕ ಫೈನಲ್, ಅತ್ಯುತ್ತಮ ಆಟ" ಎಂದು ನಡಾಲ್ ಪ್ರತಿಕ್ರಿಯೆ ನೀಡಿದ್ದಾರೆ.

33 ವರ್ಷದ ನಡಾಲ್ ಶುಕ್ರವಾರ ನಡೆದ ಸೆಮಿ ಫೈನಲ್ ಪಂದ್ಯದಲ್ಲಿ ಇಟಲಿಯ ಮ್ಯಾಟ್ಟೆಯೊ ಬೆರೆಟ್ಟಿನಿ ಅವರನ್ನು ಸೋಲಿಸಿ ಫೈನಲ್ ಪ್ರವೇಶಿಸಿದ್ದರು. ಫೈನಲ್ ಗೆಲ್ಲುವ ಮೂಲಕ ಅವರು 19ನೇ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಮುಡಿಗೇಡಿಸಿಕೊಂಡಿದ್ದಾರೆ.

ರಷ್ಯಾದ ಡ್ಯಾನಿಲ್ ಮಡ್ವೆಡೆವ್ ಮೊದಲ ಬಾರಿಗೆ ಗ್ರ್ಯಾನ್‌ ಸ್ಲಾಮ್ ಫೈನಲ್ ಪ್ರವೇಶಿಸಿದ್ದರು. ವಾಷಿಂಗ್ಟನ್ ಹಾಗೂ ಕೆನಡಾ ಓಪನ್ ಟೂರ್ನಿಗಳಲ್ಲಿ ರನ್ನರ್ ಅಪ್ ಆಗಿದ್ದರು. 14 ವರ್ಷಗಳ ಬಳಿಕ ಪುರುಷರ ಸಿಂಗಲ್ಸ್‌ನಲ್ಲಿ ಗ್ರ್ಯಾನ್‌ ಸ್ಲಾಮ್ ಪ್ರವೇಶಿಸಿದ ರಷ್ಯಾದ ಮೊದಲ ಆಟಗಾರ ಅವರಾಗಿದ್ದರು.