ವಿಶ್ವಶ್ರೇಷ್ಠ ಶಟ್ಲರ್ ಲೀ ಚೊಂಗ್ ಆಟವನ್ನೇ ಕೊನೆಗೊಳಿಸಿದ ಮಾರಕ ಖಾಯಿಲೆ!

ಕೌಲಾಲಂಪುರ್, ಜೂನ್ 13: ಆಡುತ್ತಾ ವಯಸ್ಸಾಗುತ್ತಾ ಹೋದಂತೆ ಕೈ ಸೋಲಲು ಶುರುವಾಗಿ ಆಟ ನಿಲ್ಲಿಸಬೇಕು ಅನ್ನಿಸಿದಾಗ ವಿಶ್ವಶ್ರೇಷ್ಠ ಆಟಗಾರನೊಬ್ಬ ನಿವೃತ್ತಿ ಘೋಷಿಸಿದರೆ ಅದಕ್ಕೊಂದು ಅರ್ಥವಿದೆ. ಆದರೆ ಆಡೋ ಹಂಬಲದಲ್ಲಿರುವಾಗಲೇ ಮಾರಕ ಖಾಯಿಲೆಯೊಂದು ಆಡದಂತೆ ತಡೆದರೆ? ಬ್ಯಾಡ್ಮಿಂಟನ್ ಆಟಗಾರ ಲೀ ಚೊಂಗ್ ವೈ ಇಂಥದ್ದೇ ದುರ್ವಿಧಿಗೆ ಗುರಿಯಾಗಿದ್ದಾರೆ.

ಮಲೇಷ್ಯಾದ ಸ್ಟಾರ್ ಆಟಗಾರ ಲೀ ಚೊಂಗ್ ವೈ ಅವರು ಬ್ಯಾಡ್ಮಿಂಟನ್ ವೃತ್ತಿ ಜೀವನಕ್ಕೆ ನಿವೃತ್ತಿ ಘೋಷಿಸಿದ್ದಾರೆ. ಮಾರಕ ಕ್ಯಾನ್ಸರ್ ಖಾಯಿಲೆಯಿಂದಾಗಿ ಲೀ ಚೊಂಗ್ ಬ್ಯಾಡ್ಮಿಂಟನ್ ರ್ಯಾಕೆಟ್ ಕೆಳಗಿಡುವಂತಾಗಿದೆ. ಗುರುವಾರ (ಜೂನ್ 13) ಲೀ ಚೊಂಗ್ ನಿವೃತ್ತಿ ಹೇಳಿದ್ದಾರೆ.

ನಿವೃತ್ತಿ ತಿಳಿಸಿ ಮಾತನಾಡಿದ ಲೀ ಚೊಂಗ್ ವೈ, 'ನಿವೃತ್ತಿ ಘೋಷಿಸಲು ಮನಸ್ಸು ಭಾರತವಾಗುತ್ತಿದೆ. ನಾನು ನಿಜಕ್ಕೂ ಈ ಆಟವನ್ನು ಪ್ರೀತಿಸುತ್ತಿದ್ದೆ. 19 ವರ್ಷಗಳ ನನ್ನ ವೃತ್ತಿ ಜೀವನದಲ್ಲಿ ಒಂದಿಲ್ಲೊಂದು ಕಾರಣಕ್ಕೆ ನನ್ನ ನೆರವಿಗೆ ನಿಂತ ಮಲೇಷಿಯನ್ನರಿಗೆ ನಾನು ಧನ್ಯವಾದಗಳನ್ನು ತಿಳಿಸುತ್ತಿದ್ದೇನೆ' ಎಂದರು.

ಮೂಗಿನ ಕ್ಯಾನ್ಸರ್‌ನಿಂದ ಬಳಲುತ್ತಿರುವ ಲೀ ಚೊಂಗ್‌ಗೆ 36ರ ಹರೆಯ. ಅವರಿಗೆ ಇಬ್ಬರು ಪುಟಾಣಿ ಮಕ್ಕಳಿದ್ದಾರೆ. ಖಾಯಿಲೆ ಆರಂಭಿಕ ಹಂತದಲ್ಲಿದ್ದಾಗ ತೈವಾನ್‌ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಲೀ ಚೊಂಗ್ ತಾನು ಬ್ಯಾಡ್ಮಿಂಟನ್ ಅಂಗಳಕ್ಕೆ ವಾಪಸ್ಸಾಗುವ ಭರವಸೆ ವ್ಯಕ್ತಪಡಿಸಿದ್ದರು. ಆದರೆ ಉಲ್ಬಣಿಸುತ್ತಿರುವ ಕ್ಯಾನ್ಸರ್ ಮಾರಿ ಮತ್ತೆ ಆಡಲು ಚೊಂಗ್ ವೈಗೆ ಅವಕಾಶವನ್ನೇ ನೀಡಲಿಲ್ಲ.

ಮಲೇಷ್ಯಾ ಓಪನ್ ಬ್ಯಾಡ್ಮಿಂಟನ್‌ನಲ್ಲಿ ಬರೋಬ್ಬರಿ 12 ಸಾರಿ ಚಾಂಪಿಯನ್ ಪ್ರಶಸ್ತಿ ಗೆದ್ದ ಹೆಗ್ಗಳಿಕೆಗೆ ಲೀ ಚೊಂಗ್ ವೈ ಪಾತ್ರರಾಗಿದ್ದರು. ಮೂರು ಸಾರಿ ಒಲಿಂಪಿಕ್ಸ್ ಬೆಳ್ಳಿ ಪದಕವನ್ನೂ ಜಯಿಸಿದ್ದರು. ಒಲಿಂಪಿಕ್ಸ್ ಬಂಗಾರ ಗೆಲ್ಲುವ ಆಸೆಯನ್ನಿಸಿರಿಕೊಂಡಿದ್ದ ಲೀ ಚೊಂಗ್ 2020ರ ಟೋಕಿಯೋ ಒಲಿಂಪಿಕ್ಸ್‌ನಲ್ಲಿ ಪಾಲ್ಗೊಳ್ಳಲು ಯೋಚಿಸಿದ್ದರು. ಆದರೆ...