French Open Badminton: ಸಾತ್ವಿಕ್-ಚಿರಾಗ್ ಜೋಡಿಗೆ ಜಯ

ವಿಶ್ವದ ನಂ.1 ಪುರುಷರ ಡಬಲ್ಸ್ ಜೋಡಿ ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ ಫ್ರೆಂಚ್ ಓಪನ್ ಸೂಪರ್ 750 ಬ್ಯಾಡ್ಮಿಂಟನ್ ಟೂರ್ನಿಯನ್ನು ಗೆಲುವಿನೊಂದಿಗೆ ಆರಂಭಿಸಿದ್ದಾರೆ.

ಪುರುಷರ ಡಬಲ್ಸ್‌ ಪಂದ್ಯದಲ್ಲಿ, ಸಾತ್ವಿಕ್-ಚಿರಾಗ್ ಮಲೇಷ್ಯಾದ ಓಂಗ್ ಯು ಸಿನ್ ಮತ್ತು ಟಿಯೊ ಈ ಯೀ ಅವರನ್ನು ಎದುರಿಸಿದರು. ಈ ಪಂದ್ಯದಲ್ಲಿ ಸಾತ್ವಿಕ್-ಚಿರಾಗ್ ಜೋಡಿ ಏಕಪಕ್ಷೀಯ ಜಯ ಸಾಧಿಸಿದರು.

32ರ ಸುತ್ತಿನ ಪಂದ್ಯದಲ್ಲಿ ಸಾತ್ವಿಕ್-ಚಿರಾಗ್ ಜೋಡಿ ಮಲೇಷ್ಯಾ ಜೋಡಿಯನ್ನು ನೇರ ಸೆಟ್‌ಗಳಿಂದ ಸೋಲಿಸಿತು. ಸಾತ್ವಿಕ್‌ಸಾಯಿರಾಜ್‌ ರಂಕಿರೆಡ್ಡಿ ಮತ್ತು ಚಿರಾಗ್‌ ಶೆಟ್ಟಿ ಜೋಡಿ 21-13 ಮತ್ತು 24-23ರಲ್ಲಿ ಜಯ ಸಾಧಿಸಿತು. ಈ ಪಂದ್ಯವನ್ನು ಗೆಲ್ಲುವ ಮೂಲಕ ಸಾತ್ವಿಕ್-ಚಿರಾಗ್ 16ನೇ ಸುತ್ತಿಗೆ ಅರ್ಹತೆ ಪಡೆದಿದ್ದಾರೆ. ಭಾರತೀಯ ಜೋಡಿ 2022 ರಲ್ಲಿ ಫ್ರೆಂಚ್ ಓಪನ್ ಪ್ರಶಸ್ತಿಯನ್ನು ಗೆದ್ದಿತ್ತು ಮತ್ತು 2019 ರಲ್ಲಿ ರನ್ನರ್ ಅಪ್ ಆಗಿತ್ತು

ಪ್ರಬಲ ಸ್ಪರ್ಧಿ

ಸಾತ್ವಿಕ್ ಮತ್ತು ಚಿರಾಗ್ ಜೋಡಿ ಕಳೆದ ಮೂರು ಪ್ರಮುಖ ಈವೆಂಟ್‌ಗಳಲ್ಲಿ ಫೈನಲ್‌ನಲ್ಲಿ ಗೆಲ್ಲಲು ವಿಫಲವಾಗಿದೆ. ನವೆಂಬರ್‌ನಲ್ಲಿ ಚೀನಾ ಮಾಸ್ಟರ್ಸ್ ಸೂಪರ್ ಟೂರ್ನಿ, ಜನವರಿಯಲ್ಲಿ ಮಲೇಷ್ಯಾ ಓಪನ್ ಸೂಪರ್ ಟೂರ್ನಿ ಮತ್ತು ಇಂಡಿಯಾ ಓಪನ್ ಸೂಪರ್ ಟೂರ್ನಿ ಫೈನಲ್‌ನಲ್ಲಿ ಈ ಜೋಡಿ ಸೋಲನ್ನು ಎದುರಿಸಬೇಕಾಯಿತು.

ಫ್ರೆಂಚ್ ಓಪನ್‌ನಲ್ಲಿ ಭಾರತದ ಈ ಜೋಡಿ ಪ್ರಶಸ್ತಿಗೆ ಪ್ರಬಲ ಸ್ಪರ್ಧಿಯಾಗಿ ಹೊರಹೊಮ್ಮಿದೆ. ಫ್ರೆಂಚ್ ಓಪನ್ 2024 ಪ್ಯಾರಿಸ್ 2024 ಒಲಿಂಪಿಕ್ಸ್‌ಗೆ ಶಟ್ಲರ್‌ಗಳಿಗೆ ಅರ್ಹತಾ ಶ್ರೇಯಾಂಕಗಳನ್ನು ಒದಗಿಸುತ್ತದೆ. ಕಳೆದ ವರ್ಷ ಮೇ 1 ರಂದು ಬ್ಯಾಡ್ಮಿಂಟನ್‌ಗೆ ಅರ್ಹತಾ ವಿಂಡೋ ಆರಂಭವಾಗಿದೆ.