ಹಾಂಗ್ ಕಾಂಗ್, ನವೆಂಬರ್ 27: ಹಾಂಗ್ ಕಾಂಗ್ ಓಪನ್ ಬಾಡ್ಮಿಂಟನ್ ಟೂರ್ನಮೆಂಟ್ ನ ಅಂತಿಮ ಹಣಾಹಣಿಯಲ್ಲಿ ಭಾರತ ಹೆಮ್ಮೆಯ ಆಟಗಾರ್ತಿ ಪಿವಿ ಸಿಂಧು ಅವರು ಸೋಲು ಕಂಡಿದ್ದಾರೆ. ಚೈನೀಸ್ ತೈಪೆಯ ಸ್ಪರ್ಧಿ ಗೆಲುವು ಸಾಧಿಸಿ ಪ್ರಶಸ್ತಿಗೆ ಮುತ್ತಿಟ್ಟಿದ್ದಾರೆ.
ಒಲಿಂಪಿಕ್ಸ್ ಬೆಳ್ಳಿ ಪದಕ ವಿಜೇತೆ ಪಿವಿ ಸಿಂಧು ಅವರು ನಾಲ್ಕನೇ ಸೀಡೆಡ್ ನ ಚೈನೀಸ್ ತೈಪೆಯ ತಾಯಿ ತ್ಸು ಯಿಂಗ್ ಅವರ ವಿರುದ್ಧ 15-21, 17-21 ಅಂತರದಲ್ಲಿ ಸೋಲು ಕಂಡರು.
ಹಾಂಗ್ ಕಾಂಗ್ ನ ಚೆಯುಂಗ್ ಗ್ಯಾನ್ ಯಿ ವಿರುದ್ಧ ಗೆದ್ದು ಸಿಂಧು ಫೈನಲ್ ಹಂತ ಪ್ರವೇಶಿಸಿದ್ದರು. ಚೀನಾ ಓಪನ್ ಸೂಪರ್ ಸರಣಿ ಪ್ರಶಸ್ತಿ ಗೆದ್ದಿರುವ ಸಿಂಧು ಅವರು ಹಾಂಗ್ ಕಾಂಗ್ ಓಪನ್ ಗೆಲ್ಲುವ ನಿರೀಕ್ಷೆ ಹುಸಿಯಾಗಿದೆ.
ಇನ್ನೊಂದೆಡೆ ಭಾರತದ ಸಮೀರ್ ವರ್ಮ ಅವರು ಮೂರನೇ ಸೀಡೆಡ್ ನ ಜೋರ್ಗೆಂಗ್ಸೆನ್ ವಿರುದ್ಧ ಗೆದ್ದು ಫೈನಲ್ ಪ್ರವೇಶಿಸಿದ್ದಾರೆ.