ನವದೆಹಲಿ, ಮಾರ್ಚ್ 2: ಭಾರತದ ಬ್ಯಾಡ್ಮಿಂಟನ್ ಡಬಲ್ಸ್ಗೆ ತರಬೇತುದಾರರಾಗಿದ್ದ ಮಲೇಷ್ಯನ್ ಕೋಚ್ ತಾನ್ ಕಿಮ್ ಹರ್ ಅವರು ತನ್ನ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ. ವೈಯಕ್ತಿಕ ಕಾರಣಕ್ಕೆ ಕೋಚ್ ಸ್ಥಾನದಿಂದ ಕೆಳಗಿಳಿಯುತ್ತಿರುವುದಾಗಿ ಕಿಮ್ ಹರ್ ಹೇಳಿಕೊಂಡಿದ್ದಾರೆ.
ಐಪಿಎಲ್ನಿಂದ 2019ರ ವಿಶ್ವಕಪ್ಗೆ ಲಾಭವಾಗಲಿದೆ: ಎಂಎಸ್ಕೆ ಪ್ರಸಾದ್
47ರ ಹರೆಯದ ತಾನ್ ಕಿಮ್ ಹರ್ ಒಂದೂವರೆ ವರ್ಷಗಳ ಕಾಲ ರಾಷ್ಟ್ರೀಯ ಬ್ಯಾಡ್ಮಿಂಟನ್ ಡಬಲ್ಸ್ ಕೋಚ್ ಆಗಿ ಸೇವೆ ಸಲ್ಲಿಸಿದ್ದರು. 2020ರ ಟೋಕಿಯೋ ಒಲಿಂಪಿಕ್ಸ್ ಬಳಿಕ ಬ್ಯಾಡ್ಮಿಂಟನ್ ಅಸೋಸಿಯೇಷನ್ ಆಫ್ ಇಂಡಿಯಾ (ಬಿಎಐ)ದೊಂದಿಗಿನ ಅವರ ಒಪ್ಪಂದ ಮುಗಿಯುವುದರಲ್ಲಿತ್ತು. ಆದರೆ ಕಾಲಾವಧಿಗೂ ಮುನ್ನವೇ ತಾನ್ ಕಿಮ್ ರಾಜೀನಾಮೆ ನೀಡಿದ್ದಾರೆ.
🏸🇮🇳 Malaysia's Tan Kim Her has stepped down from his post as India's doubles badminton coach.
— Badminton Sportwalk 🏸 (@badmintonbySW) March 2, 2019
Photo by Telegana Today | #TanKimHer #BadmintonIndia #Badminton #Sportwalk pic.twitter.com/kx51bg2iJb
'ಹೌದು. ತಾನ್ ಕಿಮ್ ಹರ್ ಅವರು ಡಬಲ್ಸ್ ಕೋಚ್ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ. ಸುಮಾರು ಒಂದು ತಿಂಗಳ ಮುಂಚೆಯೇ ಈ ನಿರ್ಧಾರವನ್ನು ಅವರು ತಿಳಿಸಿದ್ದರು. ಕೌಟುಂಬಿಕ ಕಾರಣದಿಂದಾಗಿ ತಾನ್ ಕಿಮ್ ಅವರು ಸೀನಿಯರ್ ನ್ಯಾಷನಲ್ಸ್ ಟೂರ್ನಿಯ ವೇಳೆ ಭಾರತದಿಂದ ತವರಿಗೆ ತೆರಳಿದ್ದರು' ಎಂದು ಬಿಎಐ ಕಾರ್ಯದರ್ಶಿ ಓಮರ್ ರಶೀದ್ ಮಾಹಿತಿ ನೀಡಿದ್ದಾರೆ.