ಡೆಲ್ಲಿ ಡ್ಯಾಶರ್ಸ್ ಸೋಲಿಸಿ ಮುನ್ನಡೆ ಗಿಟ್ಟಿಸಿದ ಹೈದರಾಬಾದ್ ಹಂಟರ್ಸ್

ಬೆಂಗಳೂರು, ಜನವರಿ 10: ಭಾರತದ ಸ್ಟಾರ್ ಆಟಗಾರ್ತಿ ಪಿವಿ ಸಿಂಧು ಅವರ ಅಮೋಘ ಆಟದ ನೆರವಿನಿಂದ ಬೆಂಗಳೂರಿನ ಶ್ರೀ ಕಂಠೀರವ ಸ್ಟೇಡಿಯಂನಲ್ಲಿ ನಡೆದ ಪ್ರೀಮಿಯರ್ ಬ್ಯಾಡ್ಮಿಂಟನ್ ಲೀಗ್ ಪಂದ್ಯದಲ್ಲಿ ಡೆಲ್ಲಿ ಡ್ಯಾಶರ್ಸ್ ವಿರುದ್ಧ ಹೈದರಾಬಾದ್ ಹಂಟರ್ಸ್ 4-3ರ ಗೆಲುವನ್ನಾಚರಿಸಿದೆ.

ಈ ಪಂದ್ಯದ ಗೆಲುವಿನೊಂದಿಗೆ ಹಾಲಿ ಚಾಂಪಿಯನ್ ಹೈದರಾಬಾದ್ ಹಂಟರ್ಸ್ ತಂಡ ಒಟ್ಟು 24 ಪಾಯಿಂಟ್ಸ್‌ಗಳೊಂದಿಗೆ ಪಿವಿಎಲ್‌ 4ನೇ ಸೀಸನ್‌ನ ಪಾಯಿಂಟ್ ಟೇಬಲ್‌ನಲ್ಲಿ ಅಗ್ರ ಎರಡನೇ ಸ್ಥಾನವನ್ನು ಅಲಂಕರಿಸಿದೆ. ಮೊದಲ ಸ್ಥಾನದಲ್ಲಿ 25 ಅಂಕಗಳಿಸಿರುವ ಅವಧೆ ವಾರಿಯರ್ಸ್ ಇದೆ.

ವಿಶ್ವ ನಂ. 3 ಆಟಗಾರ್ತಿ ಸಿಂಧು ಎದುರು ವಿಶ್ವ ನಂ.32ನೇ ರಷ್ಯಾ ಆಟಗಾರ್ತಿ ಎವೆಜಿನಿಯ ಕೊಸೆಟ್ಸ್ಕಾಯ ಸುಲಭಬಾಗಿ ತಲೆಬಾಗಿದರು. ಸಿಂಧು ಪಂದ್ಯವನ್ನು 15-11, 15-9ರ ನೇರ ಸೆಟ್‌ನಿಂದ ಜಯಿಸಿದರು. ಇದರೊಂದಿಗೆ ಹೈದರಾಬಾದ್ ಒಂದರಲ್ಲಿ ಸೋತು ಐದು ಪಂದ್ಯಗಳನ್ನು ಗೆದ್ದಂತಾಗಿದೆ.