ಚೀನಾ ಓಪನ್: ಪ್ರಿ-ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ ಸಿಂಧು, ಸೈನಾ ಹೊರಕ್ಕೆ

ಬೀಜಿಂಗ್, ಸೆಪ್ಟೆಂಬರ್ 18: ಒಲಿಂಪಿಕ್ ಮತ್ತು ವರ್ಲ್ಡ್ ಚಾಂಪಿಯನ್ ಶಿಪ್ ನಲ್ಲಿ ಬೆಳ್ಳಿ ಪದಕ ವಿಜೇತ ಭಾರತದ ಸ್ಟಾರ್ ಆಟಗಾರ್ತಿ ಪಿವಿ ಸಿಂಧು ಅವರು ಚೀನಾ ಓಪನ್ ಬ್ಯಾಡ್ಮಿಂಟನ್ ಪಂದ್ಯಾವಳಿಯಲ್ಲಿ ಪ್ರಿ-ಕ್ವಾರ್ಟರ್ ಫೈನಲ್ ಗೆ ಪ್ರವೇಶಿಸಿದ್ದಾರೆ.

ಮಂಗಳವಾರ ಚೀನಾದ ಕ್ಸಿನ್ ಚೆಂಗ್ ಜಿಮ್ಮ್ಯಾಷಿಯಂ ಒಲಿಂಪಿಕ್ ಸ್ಪೋರ್ಟ್ಸ್ ಸೆಂಟರ್ ನಲ್ಲಿ ನಡೆದ ಮೊದಲ ಸುತ್ತಿನ ಪಂದ್ಯದಲ್ಲಿ ವಿಶ್ವ ನಂ. 3 ಆಟಗಾರ್ತಿ ಸಿಂಧು ಅವರು ವಿಶ್ವ 39ನೇ ಶ್ರೇಯಾಂಕಿತೆ ಜಪಾನ್ ನ ಸಯೇನ ಕವಾಕಮಿ ಅವರನ್ನು 21-15, 21-13 ಅಂತರದಿಂದ ಸೋಲಿಸಿದರು.

ಆರಂಭದಿಂದಲೂ ಉತ್ತಮ ಆಟ ಪ್ರದರ್ಶಿಸಿದ ಸಿಂಧು ಜಪಾನ್ ಆಟಗಾರ್ತಿ ವಿರುದ್ಧ ಸುಲಭ ಮುನ್ನಡೆ ಸಾಧಿಸಿದರು. ಆದರೆ ಭಾರತದ ಮತ್ತೊಬ್ಬ ಆಟಗಾರ್ತಿ ಸೈನಾ ನೆಹ್ವಾಲ್ ಅವರು ಸೌತ್ ಕೊರಿಯಾದ ಸುಂಜಿ ಹ್ಯುನ್ ಎದುರು 20-22, 21-8, 21-14 ಅಂತರದಿಂದ ಸೋಲುವ ಮೂಲಕ ಪಂದ್ಯಾವಳಿಯಿಂದ ಹೊರ ಬಿದ್ದಿದ್ದಾರೆ.