Satwiksairaj Guinness Record: ಬ್ಯಾಡ್ಮಿಂಟನ್‌ನಲ್ಲಿ ಗಿನ್ನಿಸ್‌ ದಾಖಲೆ ನಿರ್ಮಿಸಿದ ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿ

ಭಾರತದ ಸ್ಟಾರ್ ಬ್ಯಾಡ್ಮಿಂಟನ್ ಆಟಗಾರ ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿ ಅವರು 2023ರ ಕೊರಿಯಾ ಓಪನ್ ಬ್ಯಾಡ್ಮಿಂಟನ್ ಪಂದ್ಯಾವಳಿಯಲ್ಲಿ ಗಂಟೆಗೆ 565 ಕಿಮೀ ವೇಗದ ಬೆರಗುಗೊಳಿಸುವ ಶಾಟ್‌ನೊಂದಿಗೆ ದಶಕದ ಹಳೆಯ ಗಿನ್ನಿಸ್ ದಾಖಲೆಯನ್ನು ಅಳಿಸಿ ಹಾಕಿದರು.

ಮೇ 2013ರಲ್ಲಿ ಮಾಜಿ ಏಷ್ಯನ್ ಗೇಮ್ಸ್ ಡಬಲ್ಸ್ ಚಾಂಪಿಯನ್ ಮಲೇಷಿಯಾದ ಬ್ಯಾಡ್ಮಿಂಟನ್ ಆಟಗಾರ ಟಾನ್ ಬೂನ್ ಹಿಯಾಂಗ್ ಅವರು ನಿರ್ಮಿಸಿದ್ದ ಗಂಟೆಗೆ 493 ಕಿಮೀ ವೇಗದ ಶಾಟ್‌ನ ಹಿಂದಿನ ವಿಶ್ವ ದಾಖಲೆಯನ್ನು ಮೀರಿಸಲಾಗಿದೆ.

ಭಾರತದ ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿಯವರ ಹೊಡೆತವನ್ನು ಇತರ ಸನ್ನಿವೇಶಕ್ಕೆ ಹೋಲಿಸಿದರೆ, ಫಾರ್ಮುಲಾ 1 ಕಾರು ದಾಖಲಿಸಿದ ಅತಿ ವೇಗದ ವೇಗವು ಗಂಟೆಗೆ 397.48 ಕಿಮೀ ವೇಗ ಆಗಿದ್ದರೆ, ವೇಗದ ಟೆನಿಸ್ ಸರ್ವ್ ಗರಿಷ್ಠ ಗಂಟೆಗೆ 263 ಕಿಮೀ ವೇಗ ಆಗಿದೆ.

ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿ ಅವರ ಹೊಡೆತ ಈವರೆಗೆ ದಾಖಲಾದ ಅತಿ ವೇಗದ ಬ್ಯಾಡ್ಮಿಂಟನ್ ಸ್ಮ್ಯಾಶ್ ಆಗಿದೆ. ಮಹಿಳಾ ಬ್ಯಾಡ್ಮಿಂಟನ್ ದಾಖಲೆಯು ಗಂಟೆಗೆ 438 ಕಿಮೀ ವೇಗವನ್ನು ಮಲೇಷ್ಯಾದ ಪೀಲಿ ಟ್ಯಾನ್ ಅವರಿಗೆ ಸೇರಿದೆ.

ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿ ಮತ್ತು ಪಿಲಿ ಟ್ಯಾನ್ ಅವರ ವಿಶ್ವ ದಾಖಲೆಯ ಪ್ರಯತ್ನಗಳನ್ನು ಏಪ್ರಿಲ್ 14, 2023ರಂದು ಜಪಾನ್‌ನ ಸೈತಾಮಾದ ಸೋಕಾದಲ್ಲಿರುವ ಯೋನೆಕ್ಸ್ ಟೋಕಿಯೊ ಫ್ಯಾಕ್ಟರಿಯಲ್ಲಿ ಟೆಕ್ನಾಲಜಿ ನಿಯಂತ್ರಿತ ಪರಿಸ್ಥಿತಿಗಳಲ್ಲಿ ವೀಕ್ಷಿಸಲಾಯಿತು.

ಆ ದಿನದ ವೇಗ ಮಾಪನ ಫಲಿತಾಂಶಗಳ ಆಧಾರದ ಮೇಲೆ ಅಧಿಕೃತ ತೀರ್ಪುಗಾರರು ಗಿನ್ನೆಸ್ ವಿಶ್ವ ದಾಖಲೆಗಳಿಂದ ಅಂಕಗಳನ್ನು ನಂತರ ಪರಿಶೀಲಿಸಿದರು.

ಕ್ರೀಡೆಗಳಲ್ಲಿ ವೇಗವಾದ ಹೊಡೆತಗಳು

* ವೇಗದ ಬ್ಯಾಡ್ಮಿಂಟನ್ ಸ್ಮ್ಯಾಶ್: 565 ಕಿಮೀ/ಗಂಟೆಗೆ (351.1 mph)

* ವೇಗವಾದ F1 ಕಾರ್ ವೇಗ: 397.483 ಕಿಮೀ/ಗಂಟೆಗೆ (247.0 mph)

* ವೇಗದ ಗಾಲ್ಫ್ ಡ್ರೈವ್: 349.38 ಕಿಮೀ/ಗಂಟೆಗೆ (217.1 mph)

* ವೇಗದ ಟೆನಿಸ್ ಸರ್ವ್: 263 ಕಿಮೀ/ಗಂಟೆಗೆ (163.4 mph)

* ವೇಗವಾದ ಐಸ್ ಹಾಕಿ ಶಾಟ್: 177.5 ಕಿಮೀ/ಗಂಟೆಗೆ (110.3 mph)

* ವೇಗದ ಬೇಸ್‌ಬಾಲ್ ಪಿಚ್: 170.3 ಕಿಮೀ/ಗಂಟೆಗೆ (105.8 mph)

* ವೇಗದ ಫುಟ್ಬಾಲ್ ಶಾಟ್: 129 ಕಿಮೀ/ಗಂಟೆಗೆ (80.2 mph)

* ವೇಗದ ಟೇಬಲ್ ಟೆನ್ನಿಸ್ ಸ್ಮ್ಯಾಶ್: 116 ಕಿಮೀ/ಗಂಟೆಗೆ (72.1 mph)