ಗುದ್ದಾಡುತ್ತ ರಿಂಗ್‌ನಲ್ಲೇ ಅಸುನೀಗಿದ ಬಲ್ಗೇರಿಯನ್ ಬಾಕ್ಸರ್: ವೈರಲ್ ವಿಡಿಯೋ

ಸೋಫಿಯಾ, ಸೆಪ್ಟೆಂಬರ್ 25: ಬಾಕ್ಸಿಂಗ್‌ರಿಂಗ್‌ನಲ್ಲಿ ಕಾದಾಡುತ್ತಿದ್ದಾಗಲೇ ಕುಸಿದು ಬಿದ್ದು ಬಾಕ್ಸರ್ ಸಾವನ್ನಪ್ಪಿರುವ ಆಘಾತಕಾರಿ ಘಟನೆಯೊಂದು ನಡೆದಿದೆ. ಬಾಕ್ಸಿಂಗ್‌ ನಲ್ಲಿ ಕಾದಾಡುತ್ತಿದ್ದ ಬಲ್ಗೇರಿಯನ್ ಸ್ಪರ್ಧಿ ಬೋರಿಸ್ ಸ್ಟ್ಯಾಂಚೋವ್ ಹೀಗೆ ಸಾವನ್ನಪ್ಪಿರುವ ದುರ್ದೈವಿ.

ಅಲ್ಬೇನಿಯಾದಲ್ಲಿ ನಡೆಯುತ್ತಿದ್ದ ಬಾಕ್ಸಿಂಗ್‌ ಸ್ಪರ್ಧೆಯ 5ನೇ ಸುತ್ತಿನಲ್ಲಿ ಅರ್ದಿತ್ ಮುರ್ಜಾ ಎದುರು ಗುದ್ದಾಡುತ್ತಿದ್ದ ಸ್ಟ್ಯಾಂಚೋವ್ ಇದ್ದಕ್ಕಿದ್ದಂತೆ ಕುಸಿದು ಕೊನೆಯುಸಿರು ಬಿಟ್ಟಿದ್ದಾರೆ. ಆರಂಭದಲ್ಲಿ 21ರ ಹರೆಯದ ಇಸುಸ್ ವೆಲಿಕೋವ್ ಹೃದಯಾಘಾತದಿಂದ ಮೃತರಾಗಿದ್ದಾರೆ ಎನ್ನಲಾಗಿತ್ತು.

ಆದರೆ ವರದಿಯೊಂದರ ಪ್ರಕಾರ ತನ್ನ ಸಹೋದರ ಸಂಬಂಧಿ ವೆಲಿಕೋವ್ ಪರವಾನಗಿಯಲ್ಲಿ ಸ್ಪರ್ಧಿಸಿದ್ದ ಬೋರಿಸ್ ಸಾವನ್ನಪ್ಪಿದ್ದಾರೆ ಎನ್ನಲಾಗಿದೆ. ಕಳೆದ ವರ್ಷದಿಂದ ತನ್ನ ಸೋದರ ಸಂಬಂಧಿ ವೆಲಿಕೋವ್ ಬಾಕ್ಸಿಂಗ್ ಪರವಾನಗಿ ಮತ್ತು ವೈದ್ಯಕೀಯ ಸಿಬ್ಬಂದಿಯೊಂದಿಗೆ ರಿಂಗ್‌ಗೆ ಬರುತ್ತಿದ್ದ ಸ್ಟ್ಯಾಂಚೋವ್ ಅಸುನೀಗಿದ್ದಾರೆ ಎಂದು ಬ್ಯಾಡ್‌ ಲೆಫ್ಟ್‌ ಹೂಕ್ ವೆಬ್‌ಸೈಟ್‌ ವರದಿ ಹೇಳಿದೆ.