ಕೋಮ್ ಮನೆಗೆ ದಿಢೀರ್ ಭೇಟಿಕೊಟ್ಟು ಅಚ್ಚರಿ ಮೂಡಿಸಿದ ದೆಹಲಿ ಪೊಲೀಸರು!

ನವದೆಹಲಿ, ಮೇ 14: ಕೊರೊನಾವೈರಸ್‌ ಮಹಾಮಾರಿಯ ಈ ದಿನಗಳಲ್ಲಿ ಮಾನವೀಯ ಗುಣಕ್ಕಾಗಿ ಪೊಲೀಸರು ಜನರ ಮೆಚ್ಚುಗೆಗೆ ಪಾತ್ರರಾಗುತ್ತೇ ಇದ್ದಾರೆ. ಕೊರೊನಾವೈರಸ್ ವಿರುದ್ಧದ ಹೋರಾಟದಲ್ಲಿ ಪೊಲೀಸರು, ನರ್ಸ್‌ಗಳು, ಡಾಕ್ಟರ್‌ಗಳು ಮತ್ತು ಆಶಾ ಕಾರ್ಯಕರ್ತೆಯರ ಪಾತ್ರ ಮಹತ್ವದ್ದೆನಿಸಿದೆ.

ರೋಹಿತ್ ಶರ್ಮಾ ಸ್ಪೆಶಾಲಿಟಿ ಹೇಳಿದ ಯುವ ಬ್ಯಾಟ್ಸ್‌ಮನ್ ಪ್ರಿಯಂ ಗರ್ಗ್

ಕೊರೊನಾ ವಿರುದ್ಧದ ಹೋರಾಟಕ್ಕಾಗಿ ಅವಿರತವಾಗಿ ದುಡಿಯುತ್ತಿರುವ ದೆಹಲಿ ಪೊಲೀಸರು ದಿಢೀರನೆ ಮೇರಿ ಕೋಮ್‌ ಮನೆಗೆ ಭೇಟಿಕೊಟ್ಟು ಅಚ್ಚರಿ ಮೂಡಿಸಿದ್ದಾರೆ. ಬಾಕ್ಸಿಂಗ್‌ನಲ್ಲಿ ಆರು ಬಾರಿಯ ವಿಶ್ವ ಚಾಂಪಿಯನ್ ಮೇರಿ ಮನೆಗೆ ಕೇಕ್‌ನೊಂದಿಗೆ ಬಂದ ಪೊಲೀಸರು ಕೋಮ್ ಅವರ ಕಿರಿಯ ಪುತ್ರ ಪ್ರಿನ್ಸ್ ಕೋಮ್‌ನ ಹುಟ್ಟು ಹಬ್ಬದ ಸಂಭ್ರಮದಲ್ಲಿ ಪಾಲ್ಗೊಂಡರು.

ಕ್ರಿಕೆಟ್ ಪ್ರೇಮಿಗಳಿಗೆ ಸಿಹಿ ಸುದ್ದಿ: ಶೀಘ್ರ ನಡೆಯುವುದರಲ್ಲಿದೆ ವಿನ್ಸಿ ಟಿ10 ಲೀಗ್‌!

ತುಘಲಕ್ ರೋಡ್‌ ಪೊಲೀಸ್ ಸಿಬ್ಬಂದಿಯ ಅಚಾನಕ್ ಭೇಟಿಯಿಂದ ಅಚ್ಚರಿ ಸಹಿತ ಖುಷಿ ತೋರಿಕೊಂಡ ಮೇರಿ ಮತ್ತವರ ಕುಟುಂಬ ಪೊಲೀಸರನ್ನು ಆದರದಿಂದ ಬರಮಾಡಿಕೊಂಡಿತು. ಅನಂತರ ಕೋಮ್ ಪುತ್ರನ ಹುಟ್ಟುಹಬ್ಬವನ್ನು ಕೇಕ್ ಕತ್ತರಿಸುವ ಮೂಲಕ ಆಚರಿಸಲಾಯಿತು.

ಪಾಕಿಸ್ತಾನ ಏಕದಿನ ತಂಡದ ನಾಯಕನಾಗಿ ಬಾಬರ್ ಅಝಾಮ್ ನೇಮಕ

ಪೊಲೀಸರು ಭೇಟಿಕೊಟ್ಟು ಪುತ್ರನಿಗೆ ಹುಟ್ಟುಹಬ್ಬದ ಶುಭ ಕೋರಿದ ಖುಷಿಯನ್ನು ಮೇರಿ ಟ್ವೀಟ್ ಮೂಲಕ ತೋರಿಕೊಂಡಿದ್ದಾರೆ. 'ಪುತ್ರ ಪ್ರಿನ್ಸ್ ಕೋಮ್‌ನ ಹುಟ್ಟುಹಬ್ಬವನ್ನು ವಿಶೇಷವಾಗಿಸಿದ ದೆಹಲಿ ಪೊಲೀಸರಿಗೆ ಧನ್ಯವಾದಗಳು. ಕೊರೊನಾ ಹೋರಾಟದಲ್ಲಿನ ಮುಂಚೂಣಿ ಸೈನಿಕರು ನೀವು. ನಿಮ್ಮ ಕರ್ವವ್ಯ, ಬದ್ಧತೆಗೆ ಸೆಲ್ಯೂಟ್' ಎಂದು ಸಾಲುಗಳನ್ನು ಕೋಮ್ ಬರೆದುಕೊಂಡಿದ್ದಾರೆ.