ಮೇರಿ ಕೋಮ್-ನಿಖಾತ್ ಝರೀನ್ ಕುತೂಹಲಕಾರಿ ಕಾಳಗ ಡಿಸೆಂಬರ್‌ನಲ್ಲಿ!

ಮೂಗು ತೂರಿಸಿದ ಝರೀನ್

ಅಸಲಿಗೆ ಟೋಕಿಯೋ ಒಲಿಂಪಿಕ್ಸ್‌ನ 51ಕೆಜಿ ವಿಭಾಗದ ಸ್ಪರ್ಧೆಗೆ ಮೇರಿ ಹೆಸರು ಸೂಚಿಸಲಾಗಿತ್ತು. ಬಾಕ್ಸಿಂಗ್‌ನಲ್ಲಿ ಮೇರಿ ಕೋಮ್ ಅವರ ಹಿಂದಿನ ಸಾಧನೆ, ಇತ್ತೀಚಿನ ಫಾರ್ಮ್ ಪರಿಗಣಿಸಿ ಕೋಮ್‌ಗೆ ಅರ್ಹತೆ ನೀಡಲಾಗಿತ್ತು. ಆದರೆ ಇದಕ್ಕೆ ಮೂಗು ತೂರಿಸಿರುವ ಝರೀನ್, ಮೇರಿಯನ್ನು ಸೋಲಿಸುವುದಾಗಿ ಹೇಳಿಕೊಂಡಿದ್ದರು. ಕ್ರೀಡಾ ಸಚಿವ ಕಿರೆನ್ ರಿಜಿಜುಗೆ ಈ ಬಗ್ಗೆ ಪತ್ರವೂ ಬರೆದಿದ್ದರು.

ಗುದ್ದಾಟಕ್ಕೆ ಮೇರಿ ಒಪ್ಪಿಗೆ

ಹುಮ್ಮಸ್ಸಿನಲ್ಲಿರುವ 23ರ ಹರೆಯದ ಝರೀನ್ ಜೊತೆಗಿನ ಕಾದಾಟಕ್ಕೆ 36ರ ಹರೆಯದ ಅನುಭವಿ ಬಾಕ್ಸರ್ ಮೇರಿ ಕೋಮ್ ಒಪ್ಪಿದ್ದಾರೆ. ಇತ್ತೀಚೆಗೆ ನಡೆದ ಬಾಕ್ಸಿಂಗ್ ವರ್ಲ್ಡ್ ಚಾಂಪಿಯನ್‌ಷಿಪ್‌ 2019ರಲ್ಲಿ ಕೋಮ್ ಕಂಚಿನ ಪದಕ ಜಯಿಸಿದ್ದರು.

ಭಾರತದ ಹೆಮ್ಮೆ ಮೇರಿ

ವಯಸ್ಸಿನ ಅಡ್ಡಿಯಿದ್ದರೂ ಇಲ್ಲೀವರೆಗೂ ಭಾರತ ಪರ ಗುದ್ದಾಡುತ್ತಲೇ ದೇಶಕ್ಕೆ ಹೆಮ್ಮೆ ತರುತ್ತಿರುವವರು ಮೇರಿ. ಡಿಸೆಂಬರ್ ಕಾಳಗದಲ್ಲಿ ಮೇರಿ ಸೋಲಲಿ-ಗೆಲ್ಲಲಿ ಆಕೆ ಭಾರತದ ಯಾವತ್ತಿಗೂ ಭಾರತ ಶ್ರೇಷ್ಠ ಬಾಕ್ಸರ್ ಎನ್ನುವುದರಲ್ಲಿ ಎರಡು ಮಾತಿಲ್ಲ.

ವಿಶ್ವ ನಂ.1 ಬಾಕ್ಸರ್ ಕೋಮ್

ವಿಶ್ವ ಚಾಂಪಿಯನ್‌ಷಿಪ್‌ನ ಪದಕಗಳ ಲೆಕ್ಕಾಚಾರದಲ್ಲಿ ಮೇರಿ, ಪುರುಷರ ಮತ್ತು ಮಹಿಳಾ ವಿಭಾಗದಲ್ಲಿ ವಿಶ್ವ ನಂ.1 ಬಾಕ್ಸರ್ ಆಗಿ ಕಾಣಿಸುತ್ತಾರೆ. ಕೋಮ್ ಒಟ್ಟಿಗೆ 6 ಚಿನ್ನ, 1 ಬೆಳ್ಳಿ ಮತ್ತು 1 ಕಂಚಿನ ಪದಕ ಗೆದ್ದಿದ್ದಾರೆ. ಇನ್ನು ಪುರುಷರ ವಿಭಾಗದ ಯಶಸ್ವಿ ಬಾಕ್ಸರ್ ಕೂಬಾದ ಫೆಲಿಕ್ಸ್ ಸಾವನ್ ವಿಶ್ವ ಚಾಂಪಿಯನ್‌ಷಿಪ್‌ನಲ್ಲಿ 6 ಬಂಗಾರ, 1 ಬೆಳ್ಳಿ ಪದಕ ಗೆದ್ದ ದಾಖಲೆ ಹೊಂದಿದ್ದಾರೆ.