ಏನಿದು 3ಟಿಸಿ ಸಾಲಿಡಾರಿಟಿ ಕಪ್?
3ಟಿಸಿ ಇದು ವಿಭಿನ್ನ ಮಾದರಿಯ ಕ್ರಿಕೆಟ್ ಪಂದ್ಯ. ಇಲ್ಲಿ ಮೂರು ಪಂದ್ಯಗಳು ತಲಾ 12 ಓವರ್ಗಳಂತೆ ಕಾದಾಡುತ್ತವೆ. ಪ್ರತೀ ತಂಡ 12 ಓವರ್ಗಳ ಇನ್ನಿಂಗ್ಸ್ ಆಡುತ್ತದೆಯೆಂದರೆ ಇದು ಒಟ್ಟಾರೆ 36 ಓವರ್ಗಳ ಪಂದ್ಯ. 12 ಓವರ್ಗಳನ್ನು ಮತ್ತೂ ತಲಾ 6ರಂತೆ ವಿಭಾಜಿಸಲಾಗಿದೆ.
ಹೆಚ್ಚು ರನ್ ಗಳಿಸಿದವರು ಫಸ್ಟ್ ಬ್ಯಾಟಿಂಗ್
ಪಂದ್ಯದ ಆರಂಭದಲ್ಲಿ ಎಲ್ಲಾ ತಂಡಗಳು 6 ಓವರ್ಗಳ ಇನ್ನಿಂಗ್ಸ್ ಆಡುತ್ತವೆ. ಆ ಬಳಿಕ ಮೊದಲ 6 ಓವರ್ಗಳಲ್ಲಿ ಹೆಚ್ಚು ರನ್ ಗಳಿಸಿದ ತಂಡ ಮೊದಲು ಬ್ಯಾಟಿಂಗ್ ಮಾಡುತ್ತದೆ. ಮತ್ತೆ ಸೆಕೆಂಡ್ ಹೈಯೆಸ್ಟ್ ಸ್ಟೋರರ್, ಆಮೇಲೆ ಮೂರನೇ ಹೆಚ್ಚು ರನ್ ಗಳಿಸಿದ ತಂಡ ಬ್ಯಾಟಿಂಗ್ ಮಾಡುತ್ತದೆ. 12 ಓವರ್ಗಳು ಮುಕ್ತಾಯವಾದಾಗ ಹೆಚ್ಚು ರನ್ ಗಳಿಸಿದ ತಂಡ ಚಿನ್ನ ಗೆಲ್ಲುತ್ತದೆ. ಉಳಿದ ತಂಡಗಳು ಬೆಳ್ಳಿ, ಕಂಚು ಗೆಲ್ಲುತ್ತವೆ.
ಈಗಲ್ ಟೋಟಲ್ ಸ್ಕೋರ್
ಚಿನ್ನಕ್ಕಾಗಿ ಈಗಲ್ಸ್, ಕೈಟ್ಸ್ ಮತ್ತು ಕಿಂಗ್ಫಿಶರ್ಸ್ ತಂಡಗಳು ಉತ್ತಮ ಪೈಪೋಟಿ ನಡೆಸಿದವು. ತಲಾ 12 ಓವರ್ಗಳ ಮುಕ್ತಾಯದ ಬಳಿಕ ಈಗಲ್ಸ್ 4 ವಿಕೆಟ್ ನಷ್ಟಕ್ಕೆ 160 ರನ್, ಕೈಟ್ಸ್ 3 ವಿಕೆಟ್ ಕಳೆದು 138 ರನ್ ಮತ್ತು ಕಿಂಗ್ಫಿಶರ್ಸ್ 5 ವಿಕೆಟ್ ನಷ್ಟಕ್ಕೆ 113 ರನ್ ಗಳಿಸಿ ಕ್ರಮವಾಗಿ ಚಿನ್ನ, ಬೆಳ್ಳಿ, ಕಂಚಿನ ಪದಕ ಗೆದ್ದುಕೊಂಡವು.
ಉತ್ತಮ ಆಟಕ್ಕಾಗಿ ಗಮನ ಸೆಳೆದವರು
ಪಂದ್ಯದ ಮೊದಲ 6 ಓವರ್ಗಳಲ್ಲಿ ಈಗಲ್ಸ್ 66 ರನ್ ಕಲೆ ಹಾಕಿತ್ತು. ಇನ್ನುಳಿದ 6 ಓವರ್ಗಳಲ್ಲಿ 94 ರನ್ ಬಾರಿಸಿದ್ದರಿಂದ ಒಟ್ಟು ರನ್ನಲ್ಲಿ ಈಗಲ್ಸ್ ಲೀಡ್ ಪಡೆಯಲು ಸಾಧ್ಯವಾಯ್ತು. ಪಂದ್ಯದಲ್ಲಿ ಏಡನ್ ಮಾರ್ಕ್ರಮ್, ಡ್ವೈನ್ ಪ್ರಿಟೋರಿಯಸ್ ಮತ್ತು ಜೆಜೆ ಸ್ಮಟ್ಸ್ ಉತ್ತಮ ಪ್ರದರ್ಶನಕ್ಕಾಗಿ ಚಿತ್ತ ತಮ್ಮತ್ತ ಹರಿಸಿಕೊಂಡರು.