ಡ್ರಾಗಾಗಿ ಆಫ್ರಿಕಾ ಹೆಣಗಾಟ, 8 ವಿಕೆಟ್ ಕಿತ್ತರೆ ಭಾರತಕ್ಕೆ ಕಿರೀಟ

ನವದೆಹಲಿ, ಡಿಸೆಂಬರ್, 06: ನಾಲ್ಕನೇ ಟೆಸ್ಟ್ ನಲ್ಲಿ ದಕ್ಷಿಣ ಆಫ್ರಿಕಾಕ್ಕೆ ಗೆಲ್ಲಲು ಭಾರತ 481 ರನ್ ಗಳ ಬೃಹತ್ ಗುರಿ ನೀಡಿದೆ. ಬ್ಯಾಟಿಂಗ್ ಆರಂಭಿಸಿರುವ ಆಫ್ರಿಕಾ 72 ರನ್ ಗಳಿಗೆ 2 ವಿಕೆಟ್ ಕಳೆದುಕೊಂಡಿದೆ.

ಆಫ್ರಿಕಾ ಆಟಗಾರರು ನಿಧಾನಗತಿಯ ಆಟವನ್ನು ನೆಚ್ಚಿಕೊಂಡಿದ್ದು ಪಂದ್ಯವನ್ನು ಡ್ರಾ ಮಾಡಿಕೊಳ್ಳಲು ಹೋರಾಟ ನಡೆಸುತ್ತಿರುವಂತೆ ತೋರುತ್ತಿದೆ. ಭಾರತದ ಪರ ಎರಡು ಇನಿಂಗ್ಸ್ ನಲ್ಲಿ ಶತಕ ದಾಖಲು ಮಾಡಿದ ಅಜಿಂಕ್ಯ ರಹಾನೆ ಹೀರೋ ಆಗಿ ಹೊರಹೊಮ್ಮಿದ್ದು ದಿಗ್ಗಜರ ಸಾಲಿಗೆ ಸೇರಿದ್ದಾರೆ.[ದಿಗ್ಗಜರ ಸಾಲಿಗೆ ಸೇರಿದ ಅಜಿಂಕ್ಯ ರಹಾನೆ]

|

ಒಂದೆಡೆ 207 ಚೆಂಡು ಎದುರಿಸಿ ಹಶೀಮ್ ಆಮ್ಲಾ 23 ರನ್ ಗಳಿಸಿ ಆಡುತ್ತಿದ್ದಾರೆ. ಇನ್ನೊಂದೆಡೆ ಸ್ಫೋಟಕ ಆಟಕ್ಕೆ ಹೆಸರಾಗಿರುವ ಎ ಬಿ ಡಿವಿಲಿಯರ್ಸ್ 91 ಚೆಂಡು ಎದುರಿಸಿ 11 ರನ್ ಗಳಿಸಿ ಸೋಮವಾರಕ್ಕೆ ಆಟ ಕಾಯ್ದುಕೊಂಡಿದ್ದಾರೆ.[ಶಿಖರ್ ಧವನ್ ಕೋಪಗೊಂಡಿದ್ದು ಏಕೆ]

ಈಗಾಗಲೇ ಸರಣಿ ವಶ ಪಡಿಸಿಕೊಂಡಿರುವ ಭಾರತಕ್ಕೆ ಈ ಪಂದ್ಯವನ್ನು ಗೆಲ್ಲುವ ಅವಕಾಶವಿದೆ. ಭಾರತದ ಸ್ಪಿನ್ ದಾಳಿಗೆ ಆಫ್ರಿಕಾ ಬಲಿಯಾದರೆ ಸೋಮವಾರ ಟೀ ವಿರಾಮದ ವೇಳೆಗೆ ಜಯ ದಕ್ಕಲು ಸಾದ್ಯವಿದೆ.