ಸ್ವಾತಂತ್ರ್ಯೋತ್ಸವ: ಹೆಮ್ಮೆಯೆನಿಸುವ ಭಾರತದ 5 ಸಕ್ರಿಯ ಕ್ರೀಡಾಪಟುಗಳು

1. ವಿರಾಟ್ ಕೊಹ್ಲಿ, ಕ್ರಿಕೆಟ್

* 2012ರಲ್ಲಿ ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶನಕ್ಕಾಗಿ ಕೊಹ್ಲಿಯನ್ನು ಐಸಿಸಿ ಏಕದಿನ ಆಟಗಾರ ಎಂದು ಹೆಸರಿಸಲಾಯಿತು.
* ಕೊಹ್ಲಿ 2012, 2014, & 2016ರಲ್ಲಿ ಐಸಿಸಿ ವಿಶ್ವ ಏಕದಿನ ಇಲೆವೆನ್‌ನ ಭಾಗವಾಗಿದ್ದರು.
* ವಿರಾಟ್ ಕೊಹ್ಲಿಗೆ 2013ರಲ್ಲಿ ಅರ್ಜುನ ಪ್ರಶಸ್ತಿ ನೀಡಲಾಯಿತು.
* ಕೊಹ್ಲಿಯನ್ನು 2011-2012 ಮತ್ತು 2013-2014ರ ಅಂತರರಾಷ್ಟ್ರೀಯ ಕ್ರಿಕೆಟಿಗ ಎಂದು ಹೆಸರಿಸಲಾಗಿತ್ತು.
* 2017ರಲ್ಲಿ ಕೊಹ್ಲಿಗೆ ಪದ್ಮಶ್ರೀ ಪ್ರಶಸ್ತಿ ಸಿಕ್ಕಿದೆ.

2. ಸುನಿಲ್ ಛೆಟ್ರಿ, ಫುಟ್ಬಾಲ್

* ಜೂನ್ 2017ರಲ್ಲಿ, ಕಿರ್ಗಿಸ್ತಾನ್ ವಿರುದ್ಧ ತನ್ನ 54ನೇ ಗೋಲ್ ಹೊಡೆದಾಗ, ಇಂಗ್ಲೆಂಡ್‌ನ ವೇಯ್ನ್ ರೂನೇ ಅವರನ್ನು ಹಿಂದಿಕ್ಕಿ ಸುನಿಲ್ ಛೆಟ್ರಿ ವಿಶ್ವದಾದ್ಯಂತದ ಸಕ್ರಿಯ ಆಟಗಾರರಲ್ಲಿ ನಾಲ್ಕನೇ ಅತಿ ಹೆಚ್ಚು ಗೋಲ್ ಸ್ಕೋರರ್ ಆಗಿ ಗುರುತಿಸಿಕೊಂಡಿದ್ದರು.
* ಆಗ ಛೆಟ್ರಿ ಯುಎಸ್ಎಯ ಕ್ಲಿಂಟ್ ಡೆಂಪ್ಸೆ, ಪೋರ್ಚುಗಲ್ನ ಕ್ರಿಸ್ಟಿಯಾನೊ ರೊನಾಲ್ಡೊ ಮತ್ತು ಅರ್ಜೆಂಟೀನಾದ ಲಿಯೋನೆಲ್ ಮೆಸ್ಸಿ ಅವರ ಹಿಂದೆ ಇದ್ದರು.
* ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ ಭಾರತದ ಸಾರ್ವಕಾಲಿಕ ಅತಿ ಹೆಚ್ಚು ಗೋಲು ಗಳಿಸಿದ ಆಟಗಾರ ಸನಿಲ್. ಅಲ್ಲದೆ, ಭಾರತೀಯರಲ್ಲಿ ದೇಶೀಯ ಲೀಗ್‌ನಲ್ಲಿ ಸಾರ್ವಕಾಲಿಕ ಅತಿ ಹೆಚ್ಚು ಗೋಲು ಗಳಿಸಿದ ಆಟಗಾರರೂ ಆಗಿದ್ದಾರೆ.
* 2011ರಲ್ಲಿ ಛೆಟ್ರಿ ಅರ್ಜುನ ಪ್ರಶಸ್ತಿಯನ್ನು ಗೆದ್ದರು. ಬಳಿಕ 2019ರಲ್ಲಿ ಅಖಿಲ ಭಾರತ ಫುಟ್ಬಾಲ್ ಫೆಡರೇಶನ್ (ಎಐಎಫ್ಎಫ್) ದೇಶದ ನಾಲ್ಕನೇ ಅತ್ಯುನ್ನತ ನಾಗರಿಕ ಪ್ರಶಸ್ತಿ - ಪದ್ಮಶ್ರೀ ಕೂಡ ಛೆಟ್ರಿಗೆ ಲಭಿಸಿದೆ.

3. ನೀರಜ್ ಚೋಪ್ರಾ, ಅಥ್ಲೆಟಿಕ್ಸ್

* ಪೋಲೆಂಡ್‌ನ ಬೈಡ್‌ಗೊಸ್ಜ್‌ನಲ್ಲಿ ನಡೆದ 2016ರ ಐಎಎಎಫ್ ವಿಶ್ವ ಯು-20 ಚಾಂಪಿಯನ್‌ಶಿಪ್‌ನಲ್ಲಿ ನೀರಜ್ ಚೋಪ್ರಾ ಜಾವೆಲಿನ್ ಥ್ರೋನಲ್ಲಿ ಚಿನ್ನದ ಪದಕ ಗೆದ್ದಿದ್ದಾರೆ. ಅಲ್ಲದೆ ಚೋಪ್ರಾ ವಿಶ್ವ ಜೂನಿಯರ್ ದಾಖಲೆಯನ್ನೂ ಸ್ಥಾಪಿಸಿದ್ದರು.
* 2016ರ ದಕ್ಷಿಣ ಏಷ್ಯಾ ಕ್ರೀಡಾಕೂಟದಲ್ಲಿ 82.23 ಮೀಟರ್ ಎಸೆತದಿಂದ ನೀರಜ್ ಚಿನ್ನದ ಪದಕ ಗೆದ್ದಿದ್ದರು.
* ನೀರಜ್ ಏಷ್ಯನ್ ಅಥ್ಲೆಟಿಕ್ ಚಾಂಪಿಯನ್‌ಶಿಪ್ 2017ರಲ್ಲಿ 85.23 ಮೀಟರ್ ಎಸೆತದಲ್ಲಿ ಬಂಗಾರ ಗೆದ್ದಿದ್ದಾರೆ.
* ನೀರಜ್ ಚೋಪ್ರಾ ಅವರು 2018ರ ಕಾಮನ್ವೆಲ್ತ್ ಕ್ರೀಡಾಕೂಟದಲ್ಲಿ ಪುರುಷರ ಜಾವೆಲಿನ್ ಥ್ರೋನಲ್ಲಿ 86.47 ಮೀಟರ್ ದೂರ ಸಾಧನೆಯ ಮೂಲಕ ಉತ್ತಮ ಪ್ರದರ್ಶನ ತೋರಿದ್ದರು.
* ಮೇ 2018ರಲ್ಲಿ, ದೋಹಾ ಡೈಮಂಡ್ ಲೀಗ್‌ನಲ್ಲಿ 87.43 ಮೀಟರ್ ದೂರ ಈಟಿ ಎಸೆದಿದ್ದ ಚೋಪ್ರಾ ಮತ್ತೆ ರಾಷ್ಟ್ರೀಯ ದಾಖಲೆಯನ್ನು ಮುರಿದಿದ್ದರು.

4. ಸೈನಾ ನೆಹ್ವಾಲ್, ಬ್ಯಾಡ್ಮಿಂಟನ್

* 2009ರಲ್ಲಿ ಸೈನಾ ನೆಹ್ವಾಲ್ ಅವರಿಗೆ ಅರ್ಜುನ ಪ್ರಶಸ್ತಿ ನೀಡಲಾಯಿತು. ಒಂದು ವರ್ಷದ ನಂತರ, ಭಾರತದ ನಾಲ್ಕನೇ ಅತ್ಯುನ್ನತ ನಾಗರಿಕ ಗೌರವ ಪದ್ಮಶ್ರೀ ಪ್ರಶಸ್ತಿಯನ್ನು ಭಾರತ ಸರ್ಕಾರ ಅವರಿಗೆ ನೀಡಿತ್ತು.
* 2009ರಲ್ಲಿ ಸೈನಾಗೆ ರಾಜೀವ್ ಗಾಂಧಿ ಖೇಲ್ ರತ್ನ ಪ್ರಶಸ್ತಿ ದೊರೆತಿದೆ.
* 2016ರಲ್ಲಿ ಭಾರತ ಸರ್ಕಾರ ಸೈನಾ ನೆಹವಾಲ್ ಅವರಿಗೆ ಪದ್ಮಭೂಷಣ ನೀಡಿತು. ಇದು ದೇಶದ 3ನೇ ಅತ್ಯುನ್ನತ ನಾಗರಿಕ ಗೌರವವಾಗಿದೆ.

5. ನಾನಿಯಾ ಮಿರ್ಝಾ, ಟೆನಿಸ್

* ಸಾನಿಯಾ ಅವರಿಗೆ 2004ರಲ್ಲಿ ಭಾರತ ಸರ್ಕಾರದಿಂದ ಅರ್ಜುನ ಪ್ರಶಸ್ತಿ ನೀಡಲಾಯಿತು.
* ಅಕ್ಟೋಬರ್ 2005ರಲ್ಲಿ ಟೈಮ್ ಅವರಿಂದ 'ಏಷ್ಯಾದ 50 ಹೀರೋಸ್'ನಲ್ಲಿ ಸಾನಿಯಾ ಅವರನ್ನು ಹೆಸರಿಸಲಾಯಿತು
* 2006ರಲ್ಲಿ, ಮಿರ್ಜಾ ಅವರಿಗೆ ಪದ್ಮಶ್ರೀ ಪ್ರಶಸ್ತಿ ನೀಡಲಾಯಿತು - ಇದು ಭಾರತದ 4ನೇ ಅತ್ಯುನ್ನತ ನಾಗರಿಕ ಗೌರವವಾಗಿದೆ.
* ಮಾರ್ಚ್ 2010ರಲ್ಲಿ, ದಿ ಎಕನಾಮಿಕ್ ಟೈಮ್ಸ್ ಮಿರ್ಜಾ ಅವರನ್ನು 'ಭಾರತ ಹೆಮ್ಮೆಪಡುವ 33 ಮಹಿಳೆಯರ' ಪಟ್ಟಿಯಲ್ಲಿ ಹೆಸರಿಸಿತ್ತು.
* 2015ರಲ್ಲಿ, ಸಾನಿಯಾಗೆ ರಾಜೀವ್ ಗಾಂಧಿ ಖೇಲ್ ರತ್ನ ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ಒಂದು ವರ್ಷದ ನಂತರ ಅವರಿಗೆ ಭಾರತದ 3ನೇ ಅತ್ಯುನ್ನತ ನಾಗರಿಕ ಗೌರವವಾದ ಪದ್ಮಭೂಷಣ ನೀಡಲಾಯಿತು.
* ಟೈಮ್ ನಿಯತಕಾಲಿಕೆಯ 2016ರ ವಿಶ್ವದ ಅತ್ಯಂತ ಪ್ರಭಾವಶಾಲಿ 100 ಜನರ ಪಟ್ಟಿಯಲ್ಲಿ ಮಿರ್ಝಾ ಹೆಸರಿಸಲ್ಪಟ್ಟಿದ್ದರು.