ಪೋಖಾರಾ, ಡಿಸೆಂಬರ್ 03: ನೇಪಾಳದ ಪೊಖಾರಾದ ನಡೆದ ಮಹಿಳಾ ಟಿ20 ಪಂದ್ಯದಲ್ಲಿ ಸೋಮವಾರದಂದು ಅಂಜಲಿ ಚಾಂದ್ ಹೊಸ ಇತಿಹಾಸ ನಿರ್ಮಿಸಿದರು. ಮಾಲ್ಡಿವ್ಸ್ ಮಹಿಳಾ ಕ್ರಿಕೆಟ್ ತಂಡದ ವಿರುದ್ಧದ ಪಂದ್ಯದಲ್ಲಿ ಒಂದೇ ಒಂದು ರನ್ ನೀಡದೆ 6 ವಿಕೆಟ್ ಕಬಳಿಸಿ ಮಹಿಳಾ ಟಿ20 ಕ್ರಿಕೆಟ್ ನಲ್ಲಿ ಹೊಸ ದಾಖಲೆ ಬರೆದಿದ್ದಾರೆ. ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ಈ ರೀತಿ ಸಾಧನೆ ಮಾಡಿದ ಮೊದಲ ಕ್ರಿಕೆಟರ್ ಎನಿಸಿಕೊಂಡಿದ್ದಾರೆ.
ಸೌತ್ ಏಷ್ಯನ್ ಗೇಮ್ಸ್ ಟೂರ್ನಿಯ ಮೊದಲ ಪಂದ್ಯದಲ್ಲಿ ಟಾಸ್ ಗೆದ್ದ ಮೊದಲು ಬ್ಯಾಟಿಂಗ್ ಮಾಡಿದ ಮಾಲ್ಡೀವ್ಸ್, 10.1 ಓವರ್ ಗೆ 16 ರನ್ ಗೆ ಆಲ್ ಔಟಾಗಿತ್ತು. ನಂತರ ನೇಪಾಳ ಈ ಪಂದ್ಯವನ್ನು 0.5 ಓವರ್ ಗಳಲ್ಲಿ 17ರನ್ ಗಳಿಸುವ ಮೂಲಕ 10 ವಿಕೆಟ್ ಗಳ ಜಯ ದಾಖಲಿಸಿತು. ಇದಕ್ಕೂ ಮುನ್ನ ಪಂದ್ಯದಲ್ಲಿ 2.1 ಓವರ್ ಬೌಲಿಂಗ್ ಮಾಡಿದ ಅಂಜಲಿ ಚಾಂದ್ 2 ಮೇಡನ್ ಸಹಿತ 6 ವಿಕೆಟ್ ಪಡೆದಿದ್ದಾರೆ.
WORLD RECORD ALERT ⚠
— Nepal Cricket (@Nepal_Cricket) December 2, 2019
Nepal’s #AnjaliChand has taken 6-0 against @maldivescricket in ongoing 13th #SAG2019, 2.1-2-0-6 is the best bowling figures in Women’s T20Is.
Maldives: 16/10 at 10.1 overs
Nepal: 17/0 at 0.5 overs
Nepal won Maldives by 10 wickets with 115 balls remaining. pic.twitter.com/VBNTXXBeXo
ಅಂಜಲಿಗೂ ಮುನ್ನ ಮಲೇಷಿಯಾದ ಮಾಸ್ ಎಲಿಸಾ ಅವರು ಚೀನಾ ಮಹಿಳಾ ತಂಡದ ವಿರುದ್ಧ ಜನವರಿಯಲ್ಲಿ ನಡೆದ ಪಂದ್ಯದಲ್ಲಿ 4 ಓವರ್ ಗಳಲ್ಲಿ 3 ರನ್ನಿತ್ತು 6 ವಿಕೆಟ್ ಗಳಿಸಿದ ಸಾಧನೆ ಮಾಡಿದ್ದರು.
ಈಗ 24 ವರ್ಷ ವಯಸ್ಸಿನ ಅಂಜಲಿ 2.1 ಓವರ್ ಗಳಲ್ಲಿ 2 ಮೇಡನ್ ಒಂದು ರನ್ ನೀಡದೆ 6 ವಿಕೆಟ್ ಕಿತ್ತು ದಾಖಲೆ ಬರೆದಿದ್ದಾರೆ. ಅಂಜಲಿ ಜೊತೆಗೆ ಕರುಣಾ ಭಂಡಾರಿ 2/4 ಗಳಿಸಿದರೆ, ಇನ್ನಿಬ್ಬರು ರನೌಟ್ ಆದರು. ಮಾಲ್ಡೀವ್ಸ್ ಪರ ಇಬ್ಬರು ಎರಡಂಕಿ ಸ್ಕೋರ್ ಮಾಡಿದರೆ, 8 ಮಂದಿ ಆಟಗಾರ್ತಿಯರು ಶೂನ್ಯಕ್ಕೆ ಔಟಾದರು.
🏔️🏟️🇳🇵
— Nepal Cricket (@Nepal_Cricket) December 2, 2019
Congratulations to #AnjaliChand who has created #WorldRecord in T20 International format at her debut by picking up 6 wickets conceding no runs in her spell. Her bowling figure of 2.1-2-0-6 against Maldives in the #SAG2019 is the best bowling figure in T20I format. 👏🏻 pic.twitter.com/vUkedf7Lc1
ರನ್ ಚೇಸ್ ನಲಿ ನೇಪಾಳದ ಆರಂಭಿಕ ಆಟಗಾರ್ತಿ ಕಾಜಲ್ ಶ್ರೇಷ್ಠ 13ರನ್ ಗಳಿಸಿ ಅಜೇಯರಾಗಿ ಉಳಿದರು. ಮಿಕ್ಕವು ಇತರೆ ರನ್(2 ವೈಡ್, 1 ಲೆಗ್ ಬೈ ಒಂದು ನೋಬಾಲ್) ಆಗಿ ಬಂದವು.
5 ಎಸೆತಗಳಲ್ಲಿ ಗೆಲುವು ಸಾಧಿಸಿದ ನೇಪಾಳ ತ್ವರಿತ ಗತಿಯಲ್ಲಿ ಪಂದ್ಯ ಗೆದ್ದ ದಾಖಲೆಯಿಂದ ಸ್ವಲ್ಪದರಲ್ಲಿ ವಂಚಿತವಾಯಿತು. ಜುಲೈ 2019ರಲ್ಲಿ Rwanda ಹಾಗೂ ತಾಂಜೇನಿಯಾ ತಂಡವು ಮಾಲಿ ತಂಡವನ್ನು 4 ಎಸೆತಗಳಲ್ಲಿ ಸೋಲಿಸಿದ್ದು ದಾಖಲೆಯಾಗಿ ಉಳಿದಿದೆ.