ಸ್ಫೋಟಕ ಸಿಕ್ಸ್‌ಗಳ ಚಚ್ಚಿ ನೂತನ ದಾಖಲೆ ಬರೆದ ಆ್ಯರನ್ ಫಿಂಚ್!

ಆಸ್ಟ್ರೇಲಿಯಾ ಪರ ಹೊಸ ದಾಖಲೆ

ನ್ಯೂಜಿಲೆಂಡ್ ವಿರುದ್ಧದ ನಾಲ್ಕನೇ ಟಿ20ಐ ಪಂದ್ಯದಲ್ಲಿ 4 ಸಿಕ್ಸರ್ ಬಾರಿಸುವುದರೊಂದಿಗೆ ಆ್ಯರನ್ ಫಿಂಚ್ ಹೊಸ ದಾಖಲೆ ನಿರ್ಮಿಸಿದ್ದಾರೆ. ಆಸ್ಟ್ರೇಲಿಯಾ ಪರ ಟಿ20ಐ ಕ್ರಿಕೆಟ್‌ನಲ್ಲಿ 100 ಸಿಕ್ಸರ್ ಬಾರಿಸಿದ ಮೊದಲನೇ ಬ್ಯಾಟ್ಸ್‌ಮನ್‌ ಎಂಬ ಹೆಗ್ಗಳಿಕೆಗೆ ಆ್ಯರನ್ ಫಿಂಚ್ ಪಾತ್ರರಾಗಿದ್ದಾರೆ.

ವಿಶ್ವದಲ್ಲಿ 6ನೇ ಬ್ಯಾಟ್ಸ್‌ಮನ್‌ ಫಿಂಚ್

ಅಂತಾರಾಷ್ಟ್ರೀಯ ಟಿ20ನಲ್ಲಿ 100ಕ್ಕೂ ಹೆಚ್ಚು ಸಿಕ್ಸರ್ ಬಾರಿಸಿದ ವಿಶ್ವದ 6ನೇ ಬ್ಯಾಟ್ಸ್‌ಮನ್‌ ಆಗಿ ಕೂಡ ಆ್ಯರನ್ ದಾಖಲೆ ಬರೆದಿದ್ದಾರೆ. ಈ ಪಟ್ಟಿಯಲ್ಲಿ ಈಗಾಗಲೇ ನ್ಯೂಜಿಲೆಂಡ್‌ನ ಮಾರ್ಟಿನ್ ಗಪ್ಟಿಲ್ (135 ಸಿಕ್ಸರ್), ಭಾರತದ ರೋಹಿತ್ ಶರ್ಮಾ (127), ಇಂಗ್ಲೆಂಡ್‌ನ ಇಯಾನ್ ಮಾರ್ಗನ್ (113), ನ್ಯೂಜಿಲೆಂಡ್‌ನ ಕಾಲಿನ್ ಮುನ್ರೋ (107), ವೆಸ್ಟ್‌ ಇಂಡೀಸ್‌ನ ಕ್ರಿಸ್ ಗೇಲ್ (105) ಇದ್ದಾರೆ.

ಪಂದ್ಯದ ಫಲಿತಾಂಶ/ಅಂಕಿ-ಅಂಶ

* ಒಟ್ಟು 70 ಟಿ20ಐ ಇನ್ನಿಂಗ್ಸ್‌ಗಳನ್ನಾಡಿರುವ ಆ್ಯರನ್ ಫಿಂಚ್ 172 ರನ್ ವೈಯಕ್ತಿಕ ಅತ್ಯಧಿಕ ರನ್‌ನೊಂದಿಗೆ 2310 ರನ್ ಬಾರಿಸಿದ್ದಾರೆ. ಇದರಲ್ಲಿ 2 ಶತಕ, 14 ಅರ್ಧ ಶತಕಗಳು ಸೇರಿವೆ.
* ಟಾಸ್ ಗೆದ್ದು ಬ್ಯಾಟಿಂಗ್‌ ಆಯ್ದುಕೊಂಡ ಆಸ್ಟ್ರೇಲಿಯಾ, ಆ್ಯರನ್ ಫಿಂಚ್ 79 ರನ್‌ನೊಂದಿಗೆ 20 ಓವರ್‌ಗೆ 6 ವಿಕೆಟ್ ಕಳೆದು 156 ರನ್‌ ಬಾರಿಸಿತ್ತು.
* ನ್ಯೂಜಿಲೆಂಡ್ ತಂಡ ಕೈಲ್ ಜೇಮಿಸನ್ 30, ಟಿಮ್ ಸೀಫರ್ಟ್ 19, ಡಿವಾನ್ ಕಾನ್ವೆ 17 ರನ್‌ನೊಂದಿಗೆ 18.5 ಓವರ್‌ಗೆ ಎಲ್ಲಾ ವಿಕೆಟ್ ಕಳೆದು 106 ರನ್ ಬಾರಿಸಿ 50 ರನ್‌ನಿಂದ ಶರಣಾಯ್ತು.