ಎಂಎಸ್‌ಎಲ್‌: ಮತ್ತೆ ಕ್ರಿಕೆಟ್ ರಸದೌತಣ ಬಡಿಸಲಿದ್ದಾರೆ ಎಬಿ ಡಿ ವಿಲಿಯರ್ಸ್!

ಅಭ್ಯಾಸ ಪಂದ್ಯದಲ್ಲಿ ಎಬಿಡಿ ಅಬ್ಬರ

ಜೋಜಿ ಸ್ಟಾರ್ಸ್ ವಿರುದ್ಧ ಬುಧವಾರ (ನವೆಂಬರ್ 14) ನಡೆದ ಅಭ್ಯಾಸ ಪಂದ್ಯದಲ್ಲಿ ಎಬಿ ಡಿವಿಲಿಯರ್ಸ್ ಅಬ್ಬರದ ಬ್ಯಾಟಿಂಗ್ ಪ್ರದರ್ಶಿಸಿದ್ದರು. ನಿವೃತ್ತಿ ಹೇಳಿದ ಬಳಿಕ ಎಬಿಡಿ ಆಡಿದ ಮೊದಲ ಪಂದ್ಯವಿದು. ಈ ವೇಳೆ ಕೇವಲ 31 ಎಸೆತಗಳಲ್ಲಿ ವಿಲಿಯರ್ಸ್ 93 ರನ್ ಚಚ್ಚುವ ಮೂಲಕ ಟೂರ್ನಿಯಲ್ಲಿ ಕ್ರಿಕೆಟ್ ಪ್ರೇಮಿಗಳಿಗೆ ರಸದೌತಣ ಬಡಿಸುವ ಮುನ್ಸೂಚನೆ ನೀಡಿದ್ದರು. ಅದ್ಹಾಗೆ ಅಭ್ಯಾಸ ಪಂದ್ಯದಲ್ಲಿ ಎಬಿಡಿಯ ಸ್ಪಾರ್ಟನ್ಸ್ ತಂಡ ಜೋಜಿ ಸ್ಟಾರ್ಸ್ ತಂಡವನ್ನು 5 ರನ್ ನಿಂದ ಸೋಲಿಸಿತ್ತು.

ಕಾಯಲು ಸಾಧ್ಯವಿಲ್ಲ

ಲೀಗ್ ಕುರಿತು ಎಬಿಡಿ ವೆಬ್‌ಸೈಟ್‌ ಒಂದರಲ್ಲಿ ಮಾತನಾಡುತ್ತ, 'ಮಝನ್ಸಿ ಸೂಪರ್ ಲೀಗ್ ಪ್ರಾರಂಭವಾಗುವವರೆಗೂ ಕಾಯಲು ಸಾಧ್ಯವಿಲ್ಲ. ಅದಕ್ಕಾಗಿ ನಾನು ಈಗಾಗಲೇ ಜಿಮ್ ನಲ್ಲಿ ಶ್ರಮಿಸುತ್ತಿದ್ದೇನೆ. ನೆಟ್‌ ನಲ್ಲಿ ಅಭ್ಯಾಸ ಮಾಡುತ್ತಿದ್ದೇನೆ. ಮೈದಾನಕ್ಕಿಳಿಯುವ ಮೊದಲೇ ಫಿಟ್‌ ಆಗಿರಲು ಮಾಡಿಕೊಂಡ ವ್ಯವಸ್ಥೆಯಿದು' ಎಂದು ಕ್ರಿಕೆಟ್‌ಯೆಡೆಗಿನ ತನ್ನ ತುಡಿತವನ್ನು ತೋರಿಕೊಂಡಿದ್ದರು.

ಬೆಂಗಳೂರಿನ ನೆಚ್ಚಿನ ಆಟಗಾರ

ಆಕರ್ಷಣೀಯ ಇಂಡಿಯನ್ ಪ್ರೀಮಿಯರ್ ಲೀಗ್‌ ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಆಡುತ್ತಿದ್ದ ಮೆಚ್ಚಿನ ಆಟಗಾರ ಎಬಿಡಿ. ಕೊಹ್ಲಿಗೂ ಅಷ್ಟೇ ಆತ್ಮೀಯ ಗೆಳೆಯ. ಬೆಂಗಳೂರು ತಂಡ ಕಳೆದ ಐಪಿಎಲ್‌ನಲ್ಲಿ ನೀರಸ ಪ್ರದರ್ಶನ ನೀಡಿತ್ತಾದರೂ ಮೈದಾನಕ್ಕಿಳಿಯುವಾಗ ಪ್ರತೀಸಾರಿಯೂ ಮಿಸ್ಟರ್ 360 ಡಿಗ್ರಿ ಖ್ಯಾತಿಯ ಎಬಿಡಿ ಪ್ರಮುಖಾಕರ್ಷಣೆಯಾಗಿರುತ್ತಿದ್ದರು.

ಕೇಪ್ ಟೌನ್ ಬ್ಲಿಟ್ಜ್ ತಂಡ

ಎಂಎಸ್‌ಎಲ್‌ ಆರಂಭಿಕ ಪಂದ್ಯಕ್ಕಾಗಿ ಕೇಪ್ ಟೌನ್ ಬ್ಲಿಟ್ಜ್ ತಂಡ: ಡೇಲ್ ಸ್ಟೇಯ್ನ್, ಸ್ಯಾಮ್ಯುಯೆಲ್ ಬದ್ರಿ, ದಾಯಿದ್ ಮಲಾನ್, ಫಾರನ್ ಬೆಹಾರ್ಡಿಯನ್ (ಸಿ), ಕ್ವಿಂಟನ್ ಡಿ ಕೊಕ್ (ವಿ), ಡೇನ್ ಪೀಡ್ಟ್, ಆಸಿಫ್ ಅಲಿ, ಜಾಸನ್ ಸ್ಮಿತ್, ಅಂಡೈಲ್ ಫೆಹಲ್ಕ್ವೇವೊ, ಮಾಲುಸಿ ಸಿಬೋಟೊ, ಸಿಬೋನೆಲೋ ಮಖನ್ಯಾ, ಜಾರ್ಜ್ ಲಿಂಡೆ, ಫೆರಿಸ್ಕೋ ಆಡಮ್ಸ್, ಕೈಲ್ ವೆರ್ರೆನ್ನೆ, ಆರಿಚ್ ನಾರ್ಟ್ಜೆ, ಜನ್ಮನ್ ಮಲಾನ್.

ತ್ವಾನೆ ಸ್ಪಾರ್ಟನ್ಸ್ ತಂಡ

ಎಬಿ ಡಿ ವಿಲಿಯರ್ಸ್ (ಸಿ), ಸೀನ್ ವಿಲಿಯಮ್ಸ್, ಇಯಾನ್ ಮೋರ್ಗಾನ್, ರೋರಿ ಕ್ಲೆನ್ವೆಲ್ದ್ಟ್, ಡೀನ್ ಎಲ್ಗರ್, ಜೀವನ್ ಮೆಂಡಿಸ್, ರಾಬಿ ಫ್ರಿಲಿನ್ಕ್, ಆಂಡ್ರ್ಯೂ ಬಿರ್ಚ್, ಗಿಹಾಹ್ನ್ ಕ್ಲಾಯೆಟೆ (ವಿಕೆ), ಥುನಿಸ್ ಡೆ ಬ್ರುಯಿನ್, ಸಿಕಂದರ್ ರಾಝಾ, ಲುಂಗಿ ಎನ್ಗಿ, ಶಾನ್ ವಾನ್ ಬರ್ಗ್, ಎಲ್ಡ್ರೆಡ್ ಹಾಕೆನ್, ಟೋನಿ ಡಿ ಜೋರ್ಜಿ, ಲುಥೊ ಸಿಪಮ್ಲಾ.