ಸಾಮಿ ವರ್ಣಭೇದ ಆರೋಪದ ಬೆನ್ನಲ್ಲೇ ವೈರಲ್ ಆಗ್ತಿದೆ ಇಶಾಂತ್ ಶರ್ಮಾ ಪೋಸ್ಟ್

ಮೆಚ್ಚುಗೆಯ ಮಾತು ಎಂದುಕೊಂಡಿದ್ದೆ

ಐಪಿಎಲ್‌ನಲ್ಲಿ ಸನ್ ರೈಸರ್ಸ್ ಹೈದರಾಬಾದ್‌ ತಂಡದ ಪರವಾಗಿ ಆಡುತ್ತಿದ್ದಾಗ ಕೆಲ ಸಹ ಆಟಗಾರರು ತನ್ನನ್ನು ಹಾಗೂ ಶ್ರೀಲಂಕಾದ ತಿಸರ ಪೆರೆರ ಅವರನ್ನು 'ಕಾಲೂ' ಎಂದು ಕರಿಯುತ್ತಿದ್ದರು. ಆದರೆ ನಾನು ಅದು ಮೆಚ್ಚುಗೆಯ ಮಾತು ಎಂದುಕೊಂಡಿದ್ದೆ. ಆದರೆ ಅದರ ಅರ್ಥ ಈಗಷ್ಟೇ ತಿಳಿಯಿತು. ನಾನು ತುಂಬಾ ಕೋಪಗೊಂಡಿದ್ದೇನೆ ಎಂದು ಸಾಮಿ ಬರೆದುಕೊಂಡಿದ್ದರು.

2014ರ ಫೋಟೋ ವೈರಲ್

ಈ ಮಧ್ಯೆ ಸಾಮಾಜಿಕ ಜಾಲತಾಣದಲ್ಲಿ ಹಳೆಯ ಪೋಸ್ಟ್ ಒಂದು ವೈರಲ್ ಆಗುತ್ತಿದೆ. ಇಶಾಂತ್ ಶರ್ಮಾ ತಂಡದ ಸಹ ಆಟಗಾರರ ಜೊತೆಗೆ ಇರುವ ಫೋಟೋವನ್ನು ಇನ್ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡದ್ದರು.2014ರಲ್ಲಿ ಹಂಚಿಕೊಂಡಿದ್ದ ಈ ಫೋಟೋ ಈಗ ಮುನ್ನೆಲೆಗೆ ಬಂದು ದೊಡ್ಡ ಚರ್ಚೆಗೆ ಕಾರಣವಾಗಿದೆ.

'ಕಾಲು' ಎಂದು ಕರೆದಿದ್ದ ಇಶಾಂತ್

ಇಶಾಂತ್ ಶರ್ಮಾ ಅಂದು ಹಂಚಿಕೊಂಡಿದ್ದ ಫೋಟೋಗೆ ಹಾಕಿದ್ದ ಅಡಿಬರಹ ಈಗ ಚರ್ಚೆಯ ಕೇಂದ್ರ ಬಿಂದು. ಇಶಾಂತ್ ಶರ್ಮಾ, ಭುವನೇಶ್ವರ್ ಕುಮಾರ್ ಡ್ಯಾರೆನ್ ಸಾಮಿ ಹಾಗೂ ಡೇಲ್ ಸ್ಟೇನ್ ಈ ಫೋಟೋದಲ್ಲಿದ್ದಾರೆ. ಆದರೆ ಡ್ಯಾರನ್ ಸಾಮಿ ಅವರನ್ನು ಇಶಾಂತ್ 'ಕಾಲು' ಎಂದು ಸಂಬೋಧಿಸಿರುವುದು ಬೆಳಕಿಗೆ ಬಂದಿದೆ. ಇದು ಮತ್ತೊಂದು ಹಂತದ ಚರ್ಚೆಗೆ ಕಾರಣವಾಗಿದೆ.

ಪಠಾಣ್, ಪಾರ್ಥೀವ್ ಪ್ರತಿಕ್ರಿಯೆ

ಡ್ಯಾರೆನ್ ಸಮಿ ಮಾಡಿದ್ದ ಈ ಆರೋಪಕ್ಕೆ ತಂಡದ ಸಹ ಆಟಗಾರರಾಗಿದ್ದ ಪಾರ್ಥೀವ್ ಪಟೇಲ್ ಮತ್ತು ಇರ್ಫಾನ್ ಪಠಾಣ್ ಪ್ರತಿಕ್ರಿಯಿಸಿ ಅಂತಾ ಬೆಳವಣಿಗೆ ಆಗಿದ್ದು ನಮ್ಮ ಕಿವಿಗೆ ಬಿದ್ದಿಲ್ಲ ಎಂದು ಹೇಳಿದ್ದರು. ಆದರೆ ಇರ್ಫಾನ್ ಜನಾಂಗೀಯ ನಿಂದನೆಗಳು ಭಾರತೀಯ ದೇಸಿ ಕ್ರಿಕೆಟ್‌ನಲ್ಲೂ ಇತ್ತು. ದಕ್ಷಿಣ ಭಾರತದ ಕ್ರಿಕೆಟಿಗರು ಇದಕ್ಕೆ ಒಳಗಾಗುತ್ತಿದ್ದದ್ದು ದೇಸಿ ಕ್ರಿಕೆಟ್‌ನಲ್ಲಿ ನನ್ನ ಗಮನಕ್ಕೆ ಬಂದಿತ್ತು ಎಂದಿದ್ದರು.