ಆರ್‌ಸಿಬಿ ಸೋಲಿನ ಬೆನ್ನಲ್ಲೇ ಇದೇನು ಹರಿದಾಡುತ್ತಿರುವ ಹೊಸ ಸುದ್ದಿ

ಐಪಿಎಲ್ ಹರಾಜು

ಐಪಿಎಲ್ ಹರಾಜಿನಲ್ಲಿ ಇಪ್ಪತ್ತು ಲಕ್ಷಕ್ಕೆ ದೇವದತ್ ಪಡಿಕ್ಕಲ್ , ರಾಯಲ್ ಚಾಲೆಂಜರ್ಸ್ ಪಾಲಾಗಿದ್ದರು. ಇಪ್ಪತ್ತು ವರ್ಷದ ಪಡಿಕ್ಕಲ್, ಹಾಲೀ ಸರಣಿಯ ಮೂಲಕ ಐಪಿಎಲ್ ಗೆ ಪಾದಾರ್ಪಣೆ ಮಾಡಿದ್ದಾರೆ. ಆಡಿದ ಮೊದಲ ಪಂದ್ಯದಲ್ಲೇ ಅರ್ಧ ಶತಕ ಬಾರಿಸುವ ಮೂಲಕ ಎಲ್ಲರ ಗಮನ ಸೆಳಿದಿದ್ದರು.

ಬೆಂಗಳೂರು ವರ್ಸಸ್ ಪಂಜಾಬ್

ಮೊದಲ ಪಂದ್ಯದಲ್ಲಿ ಬೆಂಗಳೂರು ತಂಡ, ಸನ್ ರೈಸರ್ಸ್ ಹೈದರಾಬಾದ್ ತಂಡದ ವಿರುದ್ದ ಹತ್ತು ರನ್ ಗಳ ಜಯ ಸಾಧಿಸಿತ್ತು. ಪಡಿಕ್ಕಲ್ ಆ ಪಂದ್ಯದಲ್ಲಿ 56 ರನ್ ಗಳಿಸಿದ್ದರು. ಇದಾದ ನಂತರದ ಪಂದ್ಯದಲ್ಲಿ ಆರ್‌ಸಿಬಿ ತಂಡ, ಪಂಜಾಬ್ ವಿರುದ್ದ 97 ರನ್ ಗಳಿಂದ ಸೋಲು ಅನುಭವಿಸಿತ್ತು. ಈ ಪಂದ್ಯದಲ್ಲಿ ಪಡಿಕ್ಕಲ್ ಹೊಡೆದದ್ದು ಕೇವಲ ಒಂದು ರನ್.

ಮುಂಬೈ ತಂಡದ ವಿರುದ್ದ ಆರ್‌ಸಿಬಿ

ಇದಾದ ನಂತರ ಮುಂಬೈ ತಂಡದ ವಿರುದ್ದ ಆರ್‌ಸಿಬಿ ಸೂಪರ್ ಓವರ್ ನಲ್ಲಿ ಜಯ ಸಾಧಿಸಿತ್ತು. ಈ ಪಂದ್ಯದಲ್ಲಿ 54 ರನ್ ಅನ್ನು, ನಂತರ ರಾಜಸ್ಥಾನ ವಿರುದ್ದ ಎಂಟು ವಿಕೆಟ್ ಗಳಿಂದ ಗೆಲುವು ಸಾಧಿಸಿತ್ತು. ಆ ಪಂದ್ಯದಲ್ಲೂ ಮಿಂಚಿದ್ದ ಪಡಿಕ್ಕಲ್ 63 ರನ್ ಹೊಡೆದಿದ್ದರು.

ಪಡಿಕ್ಕಲ್ ಬೇಗ ಔಟಾದರೆ, ಟಿವಿ ಆಫ್ ಮಾಡೋದು ಒಳ್ಳೆಯದು

ಈಗ, ಸೋಮವಾರದ ಪಂದ್ಯದಲ್ಲಿ ಡೆಲ್ಲಿ ವಿರುದ್ದ ಬೆಂಗಳೂರು ತಂಡ ಸೋತಿತ್ತು. ಈ ಪಂದ್ಯದಲ್ಲಿ ಪಡಿಕ್ಕಲ್ ಹೊಡೆದದ್ದು ಕೇವಲ ನಾಲ್ಕು ರನ್. ಅಲ್ಲಿಗೆ, ಪಡಿಕ್ಕಲ್ ಆಡುವ ಪಂದ್ಯವನ್ನು ಮಾತ್ರ ಆರ್‌ಸಿಬಿ ಗೆಲ್ಲುತ್ತದೆ. ಇಲ್ಲಾಂದರೆ ಬೆಂಗಳೂರು ತಂಡ ಸೋಲುತ್ತದೆ. ಹಾಗಾಗಿ, ಪಡಿಕ್ಕಲ್ ಬೇಗ ಔಟಾದರೆ, ಟಿವಿ ಆಫ್ ಮಾಡೋದು ಒಳ್ಳೆಯದು ಎನ್ನುವ ವ್ಯಂಗ್ಯಭರಿತ ಚರ್ಚೆ, ಸಾಮಾಜಿಕ ತಾಣದಲ್ಲಿ ನಡೆಯುತ್ತಿದೆ.