Ambati Rayudu ರಾಜಕೀಯ ಬಿಟ್ಟ ಕಾರಣ ರಿವೀಲ್: ಮುಂಬೈ ಇಂಡಿಯನ್ಸ್‌ ಜೆರ್ಸಿಯಲ್ಲಿ ಕಣಕ್ಕೆ

ಇತ್ತೀಚೆಗಷ್ಟೇ ಭಾರತದ ಮಾಜಿ ಕ್ರಿಕೆಟಿಗ ಅಂಬಟಿ ರಾಯುಡು ರಾಜಕೀಯಕ್ಕೆ ಎಂಟ್ರಿ ನೀಡಿ ದಿಢೀರನೇ ಬ್ರೇಕ್ ತೆಗೆದುಕೊಂಡಿತು.ಡಿಸೆಂಬರ್‌ನಲ್ಲಿ ಅಂಬಟಿ ರಾಯುಡು ಆಂಧ್ರಪ್ರದೇಶದ ಯುವಜನ ಶ್ರಮಿಕ ರೈತ ಕಾಂಗ್ರೆಸ್ ಪಕ್ಷ (ವೈಎಸ್‌ಆರ್‌ಸಿಪಿ) ಸೇರಿದ್ದರು.

ಪಕ್ಷ ಸೇರಿದ್ದ 9 ದಿನಗಳ ನಂತರ ಅಂಬಟಿ ರಾಯುಡು ಪಕ್ಷವನ್ನು ಬಿಟ್ಟು ಆಶ್ಚರ್ಯಚಕಿರನ್ನಾಗಿ ಮಾಡಿದ್ದರು. ಜಗನ್‌ ಮೋಹನ್‌ ರೆಡ್ಡಿ ಅವರ ಪಕ್ಷವನ್ನು ಬಿಟ್ಟ ಅಂಬಟಿ ರಾಯುಡು ರಾಜಕೀಯದಿಂದ ವಿರಾಮ ತೆಗೆದುಕೊಳ್ಳುವದಾಗಿ ತಿಳಿಸಿದ್ದಾರ. ವೈಎಸ್‌ಆರ್‌ಸಿಪಿ ಪಕ್ಷವನ್ನು ತೊರೆಯಲು ನಿರ್ಧರಿಸಿದ್ದೇನೆ ಮತ್ತು ಸ್ವಲ್ಪ ಸಮಯದವರೆಗೆ ರಾಜಕೀಯದಿಂದ ದೂರವಿರಲು ನಿರ್ಧರಿಸಿದ್ದೇನೆ ಎಂದು ಅಂಬಟಿ ರಾಯುಡು ತಮ್ಮ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ.

ಅಂಬಟಿ ಮುಂದೇನು?

ಮತ್ತೊಮ್ಮೆ ಅಂಬಟಿ ರಾಯುಡು ಕ್ರಿಕೆಟ್ ಮೈದಾನದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅಂಬಟಿ ರಾಯುಡು ಯುಎಇ ಲೀಗ್ ILT20 ನಲ್ಲಿ ಆಡಲಿದ್ದಾರೆ. ಅಂಬಟಿ ರಾಯುಡು ಈ ಲೀಗ್‌ನಲ್ಲಿ ಮುಂಬೈ ಇಂಡಿಯನ್ಸ್ ಪ್ರತಿನಿಧಿಸಲಿದ್ದಾರೆ. ಈ ಬಗ್ಗೆ ಅಂಬಟಿ ರಾಯುಡು ಪೋಸ್ಟ್ ಮಾಡಿದ್ದಾರೆ.

ಈ ಪೋಸ್ಟ್‌ನಲ್ಲಿ, ಅಂಬಟಿ ರಾಯುಡು ಮುಂಬೈ ಜನವರಿ 20 ರಿಂದ ದುಬೈನಲ್ಲಿ ಮುಂಬರುವ ಐಎಲ್‌ಟಿ 20 ನಲ್ಲಿ ಮುಂಬೈ ಇಂಡಿಯನ್ಸ್ ಪರ ಆಡಲಿದ್ದಾರೆ ಎಂದು ಬರೆದಿದ್ದಾರೆ. ವೃತ್ತಿಪರ ಕ್ರೀಡೆಗಳನ್ನು ಆಡುವಾಗ ನಾನು ರಾಜಕೀಯದಲ್ಲಿ ಇರುವು ಸರಿ ಅನಿಸಲಿಲ್ಲ.

ಇತ್ತೀಚಿಗೆ ರಾಜಕೀಯದಿಂದ ಬ್ರೇಕ್ ಪಡೆಯುವುದಾಗಿ ಹೇಳಿದ್ದ ಅಂಬಟಿ ರಾಯುಡು ಅವರ ನಿರ್ಧಾರವು ಎಲ್ಲರಿಗೂ ಆಶ್ಚರ್ಯವನ್ನುಂಟು ಮಾಡಿತ್ತು. ಏಕೆಂದರೆ ಅವರು ಕೇವಲ 9 ದಿನಗಳ ಹಿಂದೆ ರಾಜಕೀಯಕ್ಕೆ ಸೇರಿದ್ದರು.

ಅಂಬಟಿ ಯುಟರ್ನ್‌!

ಟೀಂ ಇಂಡಿಯಾದ ಮಾಜಿ ಕ್ರಿಕೆಟಿಗ ಅಂಬಟಿ ರಾಯುಡು ಅಂತರಾಷ್ಟ್ರೀಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದಾರೆ. ಐಪಿಎಲ್ 2023 ರ ನಂತರ, ಅವರು ಈ ಲೀಗ್‌ನಿಂದಲೂ ನಿವೃತ್ತಿ ಘೋಷಿಸಿದ್ದರು. ಐಪಿಎಲ್‌ನಿಂದ ನಿವೃತ್ತಿಯ ನಂತರ, ರಾಯುಡು ಸಿಪಿಎಲ್‌ನಲ್ಲಿ ಕೆಲವು ಪಂದ್ಯಗಳಲ್ಲಿ ಕಾಣಿಸಿಕೊಂಡಿದ್ದರು. ಆದರೆ ಶೀಘ್ರದಲ್ಲೇ ಅವರು ವೈಯಕ್ತಿಕ ಕಾರಣಗಳನ್ನು ಉಲ್ಲೇಖಿಸಿ ಈ ಲೀಗ್‌ನಿಂದ ತಮ್ಮ ಹೆಸರನ್ನು ಹಿಂತೆಗೆದುಕೊಂಡಿದ್ದರು. ನಂತರ ಅವರ ಕ್ರಿಕೆಟ್ ವೃತ್ತಿಜೀವನವು ಮುಗಿದಿದೆ ಎಂದು ಪರಿಗಣಿಸಲಾಗಿತ್ತು ಆದರೆ ಈಗ ಅವರು ಐಎಲ್‌ಟಿ 20 ಲೀಗ್‌ನಲ್ಲಿ ಆಡಲು ನಿರ್ಧರಿಸಿದ್ದಾರೆ.

ILT20 ವೇಳಾಪಟ್ಟಿ ಏನು?

ILT20 ಜನವರಿ 19 ರಿಂದ ಪ್ರಾರಂಭವಾಗುತ್ತದೆ. ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿ ಎಂಐ ಎಮಿರೇಟ್ಸ್ ತನ್ನ ಮೊದಲ ಪಂದ್ಯವನ್ನು ದುಬೈ ಕ್ಯಾಪಿಟಲ್ಸ್ ವಿರುದ್ಧ ಜನವರಿ 20 ರಂದು ಆಡಲಿದೆ. ಈ ಟೂರ್ನಿಯಲ್ಲಿ 6 ತಂಡಗಳು ಭಾಗವಹಿಸಲಿದ್ದು, ಒಟ್ಟು 34 ಪಂದ್ಯಗಳು ಋತುವಿನಲ್ಲಿ ನಡೆಯಲಿವೆ. ILT20 ಫೈನಲ್ ಪಂದ್ಯ ಫೆಬ್ರವರಿ 17 ರಂದು ನಡೆಯಲಿದೆ. ಅಂಬಟಿ ರಾಯುಡು ಹೊರತುಪಡಿಸಿ, ಎಂಐ ಎಮಿರೇಟ್ಸ್ ಕೀರಾನ್ ಪೊಲಾರ್ಡ್, ಡ್ವೇನ್ ಬ್ರಾವೋ, ಟ್ರೆಂಟ್ ಬೌಲ್ಟ್, ಕೋರಿ ಆಂಡರ್ಸನ್ ಮತ್ತು ಕುಸಾಲ್ ಪೆರೆರಾ ಅವರಂತಹ ಆಟಗಾರರನ್ನು ಹೊಂದಿರುತ್ತಾರೆ.

ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ಅಂಬಟಿ ರಾಯುಡು ತಮ್ಮದೇ ಛಾಪು ಮೂಡಿಸಿದ ಆಟಗಾರ. ಚೆನ್ನೈ ಸೂಪರ್‌ ಕಿಂಗ್ಸ್‌ ಯಶಸ್ಸಿನ ಹಿಂದೆ ಅಂಬಟಿ ಶ್ರಮವಿದೆ. ರಾಯುಡು 204 ಐಪಿಎಲ್‌ ಪಂದ್ಯಗಳಲ್ಲಿ 127.54ರ ಸ್ಟ್ರೈಕ್ ರೇಟ್‌ನಲ್ಲಿ 3409 ರನ್ ಸಿಡಿಸಿದ್ದಾರೆ. ಈ ವೇಳೆ ಅಂಬಟಿ ರಾಯುಡು 1 ಶತಕ ಹಾಗೂ 22 ಅರ್ಧಶತಕ ಬಾರಿಸಿದ್ದಾರೆ.