|
ಕಣ್ಣು ಪಸೆಯಾಯ್ತು
ಕುಂಬ್ಳೆಯಿದ್ದ ಅದೇ ವಿಮಾನದಲ್ಲಿದ್ದ ಯುವತಿ 'ಕ್ರಿಕೆಟ್ ದಂತಕತೆ ಅನಿಲ್ ಕುಂಬ್ಳೆ, ನಾನಿರುವ ಬೆಂಗಳೂರು-ಮುಂಬೈ ವಿಮಾನದಲ್ಲಿದ್ದಾರೆ. ಅವರನ್ನೊಮ್ಮೆ ದಿಟ್ಟಿಸಿದೆ. ವೆಸ್ಟ್ ಇಂಡೀಸ್ ವಿರುದ್ಧದ ಪಂದ್ಯವೊಂದರಲ್ಲಿ ಕುಂಬ್ಳೆ ತಲೆಗೆ ಬ್ಯಾಂಡೇಜ್ ಕಟ್ಟಿಕೊಂಡೇ ಆಡಿದ್ದನ್ನು ನೆನಪಿಸಿಕೊಂಡಾಗ ಅದ್ಯಾಕೋ ಕಣ್ಣು ಪಸೆಯಾಯಿತು' ಎಂದು ಟ್ವೀಟ್ ಮಾಡಿದ್ದರು.
|
ಮಾತನಾಡಲೇಕೋ ಅಂಜಿಕೆ
ಮತ್ತೊಂದು ಟ್ವೀಟ್ ನಲ್ಲಿ ಅದೇ ಕುಂಬ್ಳೆ ಅಭಿಮಾನಿ ಸೋಹಿನಿ, 'ಕುಂಬ್ಳೆ ಇದ್ದೆಡೆಗೆ ಹೋಗಿ ಅವರಿಗೊಂದು ಹಾಯ್ ಮಾಡಬೇಕು. ಕ್ರಿಕೆಟ್ ಬಗೆಗಿನ ಸಿಹಿ ನೆನಪಿಗಳಿಗೆ, ಗೆಲುವುಗಳಿಗಾಗಿ ಧನ್ಯವಾದ ಹೇಳಬೇಕು ಅನ್ನಿಸುತ್ತಿದೆ. ಆದರೆ ಅದ್ಯಾಕೋ ಅಂಜಿಕೆಯಾಗುತ್ತಿದೆ' ಎಂದಿದ್ದರು.
|
ಸಂಕೋಚ ಬೇಡ, ಬನ್ನಿ ಹಾಯ್ ಅನ್ನಿ..
ಒಂದೇ ವಿಮಾನದಲ್ಲಿರುವ ಅಭಿಮಾನಿಯ ಚಡಪಡಿಕೆ, ತುಮುಲಭರಿತ ಟ್ವೀಟ್ ನೋಡಿದ ಕುಂಬ್ಳೆ, ಅಷ್ಟೇ ಆತ್ಮೀಯವಾಗಿ ಪ್ರತಿಕ್ರಿಯಿಸಿದ್ದಾರೆ. 'ಸಂಕೋಚ ಪಡಬೇಡಿ. ವಿಮಾನ ಟೇಕ್ ಆಫ್ ಆದ ಬಳಿಕ ಬಂದು ಹಾಯ್ ಹೇಳಿ' ಎಂದು ಟ್ವೀಟ್ ಮಾಡಿದ್ದರು.
|
ಬೋರ್ಡಿಂಗ್ ಪಾಸ್ ಗೆ ಅಂದ ಮೆತ್ತಿದೆ
ವಿಮಾನ ಟೇಕ್ ಆಫ್ ಆದ ಬಳಿಕ ಲೆಗ್ ಸ್ಪಿನ್ ಮಾಂತ್ರಿಕ ಅನಿಲ್ ಕುಂಬ್ಳೆ ಅವರನ್ನು ಅಭಿಮಾನಿ ಮಾತನಾಡಿಸಿದ್ದಷ್ಟೇ ಅಲ್ಲ, ಬೋರ್ಡಿಂಗ್ ಪಾಸ್ ನಲ್ಲಿ ಆಟೋಗ್ರಾಫ್ ಕೂಡ ತೆಗೆದುಕೊಂಡರು. ಆ ಬಳಿಕ ಟ್ವೀಟ್ ಮಾಡಿ, 'ನನ್ನ ಬೋರ್ಡಿಂಗ್ ಪಾಸ್ ಗೆ ಇನ್ನಷ್ಟು ಅಂದ ಮೆತ್ತಿಕೊಂಡಿದೆ. ಕುಂಬ್ಳೆಗೆ ಧನ್ಯವಾದಗಳು. ಒಂದು ದಿನ ನಿಮ್ಮಿಂದ ನಾನು ನಮ್ರತೆ ಕಲಿಯಬೇಕಿದೆ' ಎಂದಿದ್ದಾರೆ.