IND vs AUS: ವಿರಾಟ್ ಕೊಹ್ಲಿ ಗ್ರಾಫ್ ಕುಸಿತ; ಏನಿದು ಅನಗತ್ಯ ದಾಖಲೆ?

ಬಾರ್ಡರ್ ಗವಾಸ್ಕರ್ ಟ್ರೋಫಿ ಟೆಸ್ಟ್ ಸರಣಿಯಲ್ಲಿ ರೋಹಿತ್ ಶರ್ಮಾ ಮತ್ತು ವಿರಾಟ್‌ ಕೊಹ್ಲಿ ಮಂಕಾಗಿದ್ದಾರೆ.
ನಾಯಕನಾಗಿದ್ದರೂ ರೋಹಿತ್ ಶರ್ಮಾ ಸಿಡ್ನಿ ಟೆಸ್ಟ್‌ನಿಂದ ಹೊರಬಿದ್ದಿದ್ದಾರೆ. ಮತ್ತೊಂದೆಡೆ ಬ್ಯಾಟ್ ತುಕ್ಕು ಹಿಡಿದಂತೆ ಕಾಣುತ್ತಿರುವ ವಿರಾಟ್ ಕೊಹ್ಲಿ ಟೀಕೆಗಾರರಿಗೆ ಟಾರ್ಗೆಟ್ ಆಗಿದ್ದಾರೆ. ಸಿಡ್ನಿ ಟೆಸ್ಟ್ ಭಾರತದ ಮೊದಲ ಇನ್ನಿಂಗ್ಸ್ ಅನಗತ್ಯ ದಾಖಲೆಯೊಂದನ್ನು ಮಾಡಿದ್ದಾರೆ. ಕೊಹ್ಲಿ ಅವರ ಬ್ಯಾಟಿಂಗ್ ಸರಾಸರಿಯು ವೇಗದ ಬೌಲರ್ ಜಸ್ಪ್ರೀತ್ ಬುಮ್ರಾ ಅವರಿಗಿಂತ ಕಡಿಮೆಯಿದೆ.

ಆಸ್ಟ್ರೇಲಿಯಾ ಪ್ರವಾಸದಲ್ಲಿ ವಿರಾಟ್ ಕೊಹ್ಲಿಯ ಕೊನೆಗೊಳ್ಳುವಂತೆ ತೋರುತ್ತಿದೆ. ಏಕೆಂದರೆ ಪರ್ತ್ ಟೆಸ್ಟ್‌ನಲ್ಲಿ ಸಿಡಿಸಿದ ಶತಕದ ನಂತರ ಕೊಹ್ಲಿ ಸಂಪೂರ್ಣವಾಗಿ ತಬ್ಬಿಬ್ಬಾಗಿದ್ದಾರೆ. ಹೆಚ್ಚು ಹೊತ್ತು ಕ್ರೀಸ್‌ನಲ್ಲಿ ನಿಂತು ರನ್ ಗಳಿಸಲು ಕೊಹ್ಲಿ ಹಿಂದೇಟು ಹಾಕುತ್ತಿದ್ದಾರೆ. ಬಾರ್ಡರ್-ಗವಾಸ್ಕರ್ ಟ್ರೋಫಿ ಟೆಸ್ಟ್ ಸರಣಿಯಲ್ಲಿ ಆರನೇ ಬಾರಿಗೆ ವಿರಾಟ್ ಕೊಹ್ಲಿ ಹೊರಗಿನ ಚೆಂಡನ್ನು ಆಡಲು ಹೋಗಿ ಔಟಾಗಿದ್ದಾರೆ.

ಸಿಡ್ನಿ ಟೆಸ್ಟ್ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಅವರು 68 ಎಸೆತಗಳನ್ನು ಎದುರಿಸಿ ತಾಳ್ಮೆಯುತ ಆಟವಾಡಿದರು. ಈ ಮೂಲಕ 17 ರನ್ ಗಳಿಸಿದರು. ಆದರೆ ಎಂದಿನಂತೆ ಆಸ್ಟ್ರೇಲಿಯಾ ಪರ ಪಾದರ್ಪಣೆ ಪಂದ್ಯವಾಡುತ್ತಿರುವ ವೇಗಿ ಬ್ಯೂ ವೆಬ್‌ಸ್ಟರ್ 6ನೇ ಸ್ಟಂಪ್‌ನ ಎರಡನೇ ಎಸೆತದಲ್ಲಿ ಸ್ಲಿಪ್‌ನಲ್ಲಿ ಸುಲಭ ಕ್ಯಾಚ್ ನೀಡಿ ಕೊಹ್ಲಿ ಔಟಾದರು. ಈ ಮೂಲಕ ಕೊಹ್ಲಿ ನಾಚಿಕೆಗೇಡಿನ ದಾಖಲೆಯನ್ನು ದಾಖಲಿಸಿದರು. 2024ರ ಆರಂಭದಿಂದ ಇಲ್ಲಿಯವರೆಗೆ, ಟೆಸ್ಟ್ ಕ್ರಿಕೆಟ್‌ನಲ್ಲಿ ಕೊಹ್ಲಿ ಅವರ ಮೊದಲ ಇನ್ನಿಂಗ್ಸ್ ಬ್ಯಾಟಿಂಗ್ ಸರಾಸರಿ ಬುಮ್ರಾಗಿಂತ ಕಡಿಮೆ ದಾಖಲಾಗಿದೆ. ಒಂದು ವರ್ಷದಲ್ಲಿ ಮೊದಲ ಇನಿಂಗ್ಸ್‌ನಲ್ಲಿ ಅತಿ ಕಡಿಮೆ ಸರಾಸರಿ ಹೊಂದಿರುವ ಬೌಲರ್‌ಗಳ ಪಟ್ಟಿಯಲ್ಲಿ ಕೊಹ್ಲಿ ಬಂದಿದ್ದಾರೆ.

ಟೆಸ್ಟ್ ಕ್ರಿಕೆಟ್‌ನಲ್ಲಿ 2024 ರ ಆರಂಭದಿಂದಲೂ ಕಡಿಮೆ ಮೊದಲ ಇನ್ನಿಂಗ್ಸ್ ಕಡಿಮೆ ಸರಾಸರಿಯ ದಕ್ಷಿಣ ಆಫ್ರಿಕಾದ ಕೇಶವ ಮಹಾರಾಜ್ 5.4 ಅನ್ನು ಹೊಂದಿದ್ದಾರೆ. ನಂತರ ವಿರಾಟ್ ಕೊಹ್ಲಿ 7 ಸರಾಸರಿಯನ್ನು ಗಳಿಸಿದ್ದಾರೆ. ಮೂರನೇ ಸ್ಥಾನದಲ್ಲಿ ಜಸ್ಪ್ರೀತ್ ಬುಮ್ರಾ 8 ಸರಾಸರಿಯನ್ನು ಹೊಂದಿದ್ದರೆ, ಇಂಗ್ಲೆಂಡ್‌ನ ಶೋಯೆಬ್ ಬಶೀರ್ 8.3 ಅನ್ನು ಕಲೆ ಹಾಕಿದ್ದಾರೆ.

ಸಿಡ್ನಿ ಟೆಸ್ಟ್‌ನಿಂದ ರೋಹಿತ್ ಶರ್ಮಾ ಅವರನ್ನು ಕೈಬಿಟ್ಟ ನಂತರ ನಿವೃತ್ತಿಯ ಮಾತುಗಳು ಜೋರಾಗಿವೆ. ವರದಿಗಳ ಪ್ರಕಾರ, ಹಿಟ್‌ಮ್ಯಾನ್ ಆಯ್ಕೆಗಾರರ ​​ಯೋಜನೆಯಲ್ಲಿಲ್ಲ. ಆದರೆ ವಿರಾಟ್ ಕೊಹ್ಲಿಗೆ ತನ್ನನ್ನು ತಾನು ಸಾಬೀತುಪಡಿಸಲು ಇನ್ನೂ ಒಂದು ಇನ್ನಿಂಗ್ಸ್ ಇದೆ. ಇದರಲ್ಲೂ ರನ್ ಮಷಿನ್ ಬ್ಯಾಟ್ ಕೆಲಸ ಮಾಡದಿದ್ದರೆ ಅವರ ಫಾರ್ಮ್ ಮೇಲೆ ಪ್ರಶ್ನೆಗಳು ಬರುವುದು ಖಂಡಿತ.