ಅಚ್ಚರಿ ತಂದ ಅನುಷ್ಕಾ ಶೆಟ್ಟಿ ವಿವಾಹದ ಸುದ್ದಿ!
ಇದುವರೆಗೂ ಅನುಷ್ಕಾ ಶೆಟ್ಟಿ ಹೆಸರು ಯಾವ ಕ್ರಿಕೆಟ್ ಆಟಗಾರನ ಜೊತೆಯೂ ಕೇಳಿಬಂದಿಲ್ಲ. ಯಾವ ಪಾರ್ಟಿ, ಕಾರ್ಯಕ್ರಮ, ಡಿನ್ನರ್ ನಲ್ಲೂ ಕ್ರಿಕೆಟ್ ಆಟಗಾರನ ಜೊತೆ ಕಾಣಿಸಿಕೊಂಡಿಲ್ಲ. ಕ್ರಿಕೆಟ್ ಗೂ ನನಗೂ ಸಂಬಂಧವೇ ಇಲ್ಲ ಎಂಬಂತಿರುವ ಅನುಷ್ಕಾ ಶೆಟ್ಟಿ ಈಗ ಕ್ರಿಕೆಟ್ ಆಟಗಾರನ ಜೊತೆ ವಿವಾಹವಾಗಲಿದ್ದಾರೆ ಎಂಬ ಸುದ್ದಿ ನಿಜಕ್ಕೂ ಅಚ್ಚರಿ ತಂದಿದೆ.
ಯಾರು ಆ ಕ್ರಿಕೆಟ್ ಆಟಗಾರ?
ಉತ್ತರ ಭಾರತ ಮೂಲದ ಆಟಗಾರನ ಜೊತೆ ವಿವಾಹವಾಗಲು ಅನುಷ್ಕಾ ಶೆಟ್ಟಿ ತಯಾರಿ ನಡೆಸಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಆ ಆಟಗಾರ ಯಾರು ಎಂಬುದರ ಬಗ್ಗೆ ಸಣ್ಣ ಸುಳಿವು ಸಿಕ್ಕಿಲ್ಲ. ಉತ್ತರ ಭಾರತದ ಆಟಗಾರ ಯಾರಿರಬಹುದು ಎಂಬ ಹುಡುಕಾಟ ಈಗ ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚಾಗಿದೆ.
ಟೀಂ ಇಂಡಿಯಾದಲ್ಲಿ ಅಂತಹ ಹೆಸರು ಕಾಣ್ತಿಲ್ಲ
ಟೀಂ ಇಂಡಿಯಾದ ಆಟಗಾರ ಎಂದ ತಕ್ಷಣ, ಸದ್ಯದ ಭಾರತೀಯ ತಂಡದಲ್ಲಿ ಬ್ಯಾಚುಲರ್ ಆಗಿರುವ ಹಾಗೂ ಅನುಷ್ಕಾ ಶೆಟ್ಟಿ ವಯಸ್ಸಿಗೆ ಸರಿಹೋಗುವಂತಹ ಆಟಗಾರ ಯಾರಿದ್ದಾರೆ ಎಂದು ನೋಡಿದರೆ, ಯಾವ ಹೆಸರು ಕೂಡ ಕಾಣಿಸುತ್ತಿಲ್ಲ. ಒಂದು ವೇಳೆ ನಿವೃತ್ತಿ ಅಥವಾ ಒಂದೆರೆಡು ಪಂದ್ಯವಾಡಿ ತಂಡದಿಂದ ಹೊರಗುಳಿದಿರುವ ಆಟಗಾರ ಇರಬಹುದು ಎಂದು ನೋಡಿದರೂ ಅಲ್ಲಿಯೂ ಯಾವ ಹೆಸರು ಗೋಚರಿಸುತ್ತಿಲ್ಲ.
ಸದ್ಯಕ್ಕೆ ವದಂತಿ ಅಷ್ಟೇ!
ಅನುಷ್ಕಾ ಶೆಟ್ಟಿ ಮದುವೆ ಬಗ್ಗೆ ಅಧಿಕೃತ ಮಾಹಿತಿ ಇಲ್ಲ. ಹಾಗಾಗಿ, ಇದು ಕೇವಲ ವದಂತಿ ಅಷ್ಟೇ. ಸದ್ಯಕ್ಕೆ ನಿಶ್ಯಬ್ದಂ ಎಂಬ ಚಿತ್ರದಲ್ಲಿ ಅನುಷ್ಕಾ ನಟಿಸಿದ್ದು, ಬಿಡುಗಡೆಗೆ ಸಜ್ಜಾಗಿದೆ. ಅದಾದ ಬಳಿಕ ಯಾವ ಚಿತ್ರವೂ ಕೈಯಲ್ಲಿ ಇಲ್ಲ. ಅನುಷ್ಕಾ ಶೆಟ್ಟಿಗೆ ವಯಸ್ಸು 37 ದಾಟಿದೆ. ಮನೆಯಲ್ಲೂ ಮದುವೆ ಮಾಡಲು ಸಿದ್ಧತೆ ನಡೆಯುತ್ತಿದೆ. ಸದ್ಯದಲ್ಲಿ ಈ ಬಗ್ಗೆ ಏನಾದರೂ ಮಾಹಿತಿ ಸಿಗಬಹುದು. ಕಾದುನೋಡೋಣ.