ಚೈನೀಸ್ ಪ್ರಾಯೋಜಕತ್ವ ಕೊನೆಗೊಳಿಸುತ್ತಿಲ್ಲ: ಬಿಸಿಸಿಐ ಖಜಾಂಚಿ ಅರುಣ್

ದುಬಾರಿ ಶುಲ್ಕ ಪಾವತಿಸಲು ನೆರವು

ಬಿಸಿಸಿಐ ಸದ್ಯ ವಿವೋದಿಂದ ವಾರ್ಷಿಕವಾಗಿ 440 ಕೋ.ರೂ. ಗಳಿಸುತ್ತಿದೆ. ಈ ಗಳಿಕೆಯಿಂದಲೇ ಭಾರತದಲ್ಲಿ ಸರ್ಕಾರದ ದುಬಾರಿ ತೆರಿಗೆ ಪಾವತಿಸಿ ಐಪಿಎಲ್‌ನಂತ ಕ್ರೀಡಾಕೂಟಗಳನ್ನು ಆಯೋಜಿಸಲು ಸಾಧ್ಯವಾಗುತ್ತಿದೆ ಎಂದು ಧುಮಾಲ್ ಹೇಳಿದ್ದಾರೆ. ಬಿಸಿಸಿಐ ಮತ್ತು ವಿವೊದೊಂದಿಗಿನ ಐದು ವರ್ಷಗಳ ಈ ಒಪ್ಪಂದ 2022ಕ್ಕೆ ಕೊನೆಗೊಳ್ಳಲಿದೆ.

20 ಭಾರತೀಯ ಯೋಧರು ಹುತಾತ್ಮ

ಗಾಲ್ವಾನ್‌ನಲ್ಲಿ ಭಾರತ-ಚೀನಾ ಗಡಿ ಸಂಘರ್ಷ ತೀವ್ರಗೊಂಡಿದ್ದು, ಘಟನೆಯಲ್ಲಿ ಭಾರತದ ಸುಮಾರು 20 ಯೋಧರು ಹುತಾತ್ಮರಾಗಿದ್ದಾರೆ. ಹೀಗಾಗಿ ಚೀನಾ ಉತ್ಪನ್ನಗಳನ್ನು ಬಹಿಷ್ಕರಿಸಬೇಕು ಎಂಬ ಮಾತುಗಳು ಎಲ್ಲೆಡೆ ಕೇಳಿಬರುತ್ತಿವೆ. ಇದೇ ವಿಚಾರವಾಗಿ ಧುಮಾಲ್ ಪ್ರತಿಕ್ರಿಯಿಸಿದ್ದಾರೆ.

ವ್ಯತ್ಯಾಸವನ್ನು ಅರ್ಥಮಾಡಿಕೊಳ್ಳಬೇಕು

'ನೀವು ಭಾವನಾತ್ಮಕವಾಗಿ ಮಾತನಾಡುವಾಗ, ನೀವು ತಾರ್ಕಿಕತೆಯನ್ನು ಬಿಟ್ಟುಬಿಡುತ್ತೀರಿ. ಚೀನಾದ ಕಾರಣಕ್ಕಾಗಿ ಚೀನೀ ಕಂಪನಿಯನ್ನು ಬೆಂಬಲಿಸುವುದು ಅಥವಾ ಭಾರತದ ಕಾರಣವನ್ನು ಬೆಂಬಲಿಸಲು ಚೀನೀ ಕಂಪನಿಯಿಂದ ಸಹಾಯ ಪಡೆಯುವುದು ನಡುವಿನ ವ್ಯತ್ಯಾಸವನ್ನು ನಾವು ಅರ್ಥಮಾಡಿಕೊಳ್ಳಬೇಕು,' ಎಂದು ಪಿಟಿಐ ಜೊತೆಗೆ ಮಾತನಾಡುತ್ತ ಧುಮಾಲ್ ಹೇಳಿದ್ದಾರೆ.

ಭಾರತದ ಒಳಿತಿಗೆ ಚೀನಾ ಬೆಂಬಲಿಸಬೇಕು

'ಚೀನಾದ ಕಂಪೆನಿಗಳು ತಮ್ಮ ಉತ್ಪನ್ನಗಳನ್ನು ಭಾರತದಲ್ಲಿ ಮಾರಾಟ ಮಾಡಲು ನಾವು ಅನುಮತಿಸುವಾಗ, ಅವರು ಭಾರತೀಯ ಗ್ರಾಹಕರಿಂದ ಯಾವುದೇ ಹಣವನ್ನು ತೆಗೆದುಕೊಳ್ಳುತ್ತಾರೋ, ಅವರು ಅದರ ಒಂದು ಭಾಗವನ್ನು ಬಿಸಿಸಿಐಗೆ (ಬ್ರಾಂಡ್ ಪ್ರಚಾರವಾಗಿ) ಪಾವತಿಸುತ್ತಿದ್ದಾರೆ. ಬೋರ್ಡ್ ಆ ಹಣದ ಮೇಲೆ ಶೇಕಡಾ 42ರಷ್ಟು ತೆರಿಗೆಯನ್ನು ಭಾರತೀಯ ಸರ್ಕಾರಕ್ಕೆ ಪಾವತಿಸುತ್ತಿದೆ. ಹೀಗಾಗಿ ನಾವಿಲ್ಲಿ ಭಾರತದ ಕಾರಣಕ್ಕೆ ಚೀನಾ ಬೆಂಬಲಿಸಬೇಕಾಗುತ್ತದೆ, ಚೀನಾಕ್ಕೋಸ್ಕರ ಅಲ್ಲ,' ಎಂದು ಅರುಣ್ ವಾಸ್ತವ ವಿವರಿಸಿದರು.