Ashes 2023: ಮೊದಲ ಟೆಸ್ಟ್ ಪಂದ್ಯದಿಂದ ಮಿಚೆಲ್ ಸ್ಟಾರ್ಕ್ ಕೈಬಿಟ್ಟ ಬಗ್ಗೆ ರಿಕಿ ಪಾಂಟಿಂಗ್ ಅಚ್ಚರಿ!

ಬಹು ನಿರೀಕ್ಷಿತ ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ತಂಡಗಳ ನಡುವಿನ ಐದು ಪಂದ್ಯಗಳ 2023ರ ಆಶಸ್ ಟೆಸ್ಟ್ ಸರಣಿ ಜೂನ್ 16ರಂದು ಬರ್ಮಿಂಗ್‌ಹ್ಯಾಮ್‌ನ ಎಡ್ಜ್‌ಬಾಸ್ಟನ್‌ನಲ್ಲಿ ಆರಂಭವಾಗಿದೆ.

ಇಂಗ್ಲೆಂಡ್ ನಾಯಕ ಬೆನ್ ಸ್ಟೋಕ್ಸ್ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಇಂಗ್ಲೆಂಡ್ ಆರಂಭಿಕ ಬ್ಯಾಟರ್ ಝಾಕ್ ಕ್ರಾಲಿ ಅವರು ಆಸ್ಟ್ರೇಲಿಯಾದ ನಾಯಕ ಪ್ಯಾಟ್ ಕಮಿನ್ಸ್ ವಿರುದ್ಧ ಪಂದ್ಯದ ಮೊದಲ ಎಸೆತದಲ್ಲಿಯೇ ಬೌಂಡರಿ ಗಳಿಸುವ ಮೂಲಕ ಆಸ್ಟ್ರೇಲಿಯಾ ತಂಡವನ್ನು ತಮ್ಮ "ಬಜ್‌ಬಾಲ್' ಆಟದ ಶೈಲಿಗೆ ಸ್ವಾಗತಿಸಿದರು.

ಆಶ್ಚರ್ಯದಿಂದಲೇ ಇಂಗ್ಲೆಂಡ್ ಬ್ಯಾಟಿಂಗ್ ದಾಳಿಯನ್ನು ಗಮನಿಸಿದ ಪ್ಯಾಟ್ ಕಮ್ಮಿನ್ಸ್ ಅವರು ಸ್ಲಿಪ್‌ನಿಂದ ಒಬ್ಬ ಫೀಲ್ಡರ್‌ನನ್ನು ತೆಗೆದು ಬೌಂಡರಿ ಲೈನ್‌ನಲ್ಲಿ ಹಾಕಿದಾಗ ಕೆಲವು ಕ್ಷೇತ್ರ ಬದಲಾವಣೆಗಳೊಂದಿಗೆ ತಕ್ಷಣವೇ ಪ್ರತಿಕ್ರಿಯಿಸಿದರು.

ಪಂದ್ಯದ ಕೇವಲ ಮೂರನೇ ಓವರ್‌ನಲ್ಲಿ ಆಸ್ಟ್ರೇಲಿಯಾ ಸ್ಲಿಪ್‌ನಲ್ಲಿ ಕೇವಲ ಇಬ್ಬರು ಮತ್ತು ಬೌಂಡರಿಯಲ್ಲಿ ಮೂರು ಆಟಗಾರರನ್ನು ಹೊಂದಿತ್ತು. ಪ್ರವಾಸಿ ತಂಡದ ತಂತ್ರಗಳನ್ನು ಕಾಮೆಂಟರಿ ಬಾಕ್ಸ್‌ನಲ್ಲಿ ಟೀಕಿಸಿದ ಆಸ್ಟ್ರೇಲಿಯಾದ ಮಾಜಿ ನಾಯಕ ರಿಕಿ ಪಾಂಟಿಂಗ್ ಅವರಿಗೆ ರಕ್ಷಣಾತ್ಮಕ ತಂತ್ರವು ಸರಿಯಾಗಿ ಹಿಡಿಸಲಿಲ್ಲ.

"ಆಸ್ಟ್ರೇಲಿಯಾ ತಂಡ ತಕ್ಷಣವೇ ರಕ್ಷಣಾತ್ಮಕವಾಗಿ ಹೋಗಿದ್ದಾರೆ. ನಾನು ಒಪ್ಪಿಕೊಳ್ಳಲೇಬೇಕು, ನಾನು ಆರಂಭದ ಆಯ್ಕೆಯಾಗಿ ಡೀಪ್ ಬ್ಯಾಕ್ ಪಾಯಿಂಟ್‌ನ ದೊಡ್ಡ ಅಭಿಮಾನಿಯಲ್ಲ. ನನ್ನ ಮಟ್ಟಿಗೆ ಹೇಳುವುದಾದರೆ ಪ್ಯಾಟ್ ಕಮ್ಮಿನ್ಸ್ ಅವರ ಅತ್ಯುತ್ತಮ ಬಾಲ್‌ಗೆ ತುಂಬಾ ಸುಲಭವಾಗಿ ರನ್ ಗಳಿಸಲಾಗಿದೆ," ಎಂದು ಸ್ಕೈ ಸ್ಪೋರ್ಟ್ಸ್ ಕ್ರಿಕೆಟ್ ಕವರೇಜ್‌ನಲ್ಲಿ ರಿಕಿ ಪಾಂಟಿಂಗ್ ಹೇಳಿದರು.

ಇದೇ ವೇಳೆ ರಿಕಿ ಪಾಂಟಿಂಗ್ ಅವರು ಆಸ್ಟ್ರೇಲಿಯಾ ತಂಡದ ಸ್ಟಾರ್ ಎಡಗೈ ವೇಗಿ ಮಿಚೆಲ್ ಸ್ಟಾರ್ಕ್ ಅವರನ್ನು ಮೊದಲ ಟೆಸ್ಟ್‌ ಪಂದ್ಯಕ್ಕೆ ಕೈಬಿಟ್ಟಿದ್ದರ ಕುರಿತು ಪ್ರತಿಕ್ರಿಯಿಸಿದರು. ಆಸೀಸ್ ತಂಡದ ಈ ಲೋಪದಿಂದ ಆಶ್ಚರ್ಯವಾಗಿದೆ ಎಂದು ಹೇಳಿದರು.

"ನಾನು ಸ್ವಲ್ಪ ಆಶ್ಚರ್ಯಗೊಂಡಿದ್ದೇನೆ ಎಂಬುದನ್ನು ಒಪ್ಪಿಕೊಳ್ಳಬೇಕು. ಮಿಚೆಲ್ ಸ್ಟಾರ್ಕ್ ಕಳೆದ ವಾರ ಭಾರತ ವಿರುದ್ಧ ಅತ್ಯುತ್ತಮವಾಗಿರಲಿಲ್ಲ, ಅದರ ಬಗ್ಗೆ ಯಾವುದೇ ಸಂದೇಹವಿಲ್ಲ. ಪ್ಯಾಟ್ ಕಮ್ಮಿನ್ಸ್ ಅವರಂತೆ ಮಿಚೆಲ್ ಸ್ಟಾರ್ಕ್ ಲಯದಿಂದ ಸ್ವಲ್ಪವೂ ಹೊರಗುಳಿಯಲು ಮೂರು ತಿಂಗಳು ಕ್ರಿಕೆಟ್ ಆಡದೆ, ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್‌ನಲ್ಲಿ ಆಡಿದರು," ಎಂದು ಆಸ್ಟ್ರೇಲಿಯಾ ಮಾಜಿ ನಾಯಕ ರಿಕಿ ಪಾಂಟಿಂಗ್ ತಿಳಿಸಿದರು.

ಮೊದಲ ಸೆಷನ್‌ನಲ್ಲಿ ಆಸ್ಟ್ರೇಲಿಯಾ ತಂಡ ಇಂಗ್ಲೆಂಡ್‌ನ 3 ವಿಕೆಟ್‌ ಕಬಳಿಸಿತು

ಗಮನಾರ್ಹ ಅಂಶವೆಂದರೆ, ಗಾಯದ ಕಾರಣ 2023ರ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್‌ ಪಂದ್ಯವನ್ನು ತಪ್ಪಿಸಿಕೊಂಡ ಜೋಶ್ ಹೇಜಲ್‌ವುಡ್‌ಗೆ ಅವಕಾಶ ಮಾಡಿಕೊಡಲು ಮಿಚೆಲ್ ಸ್ಟಾರ್ಕ್ ಬೆಂಚ್ ಕಾಯಿಸಬೇಕಾಯಿತು.

ಇದೇ ವೇಳೆ, ಮೊದಲ ಆಶಸ್ ಟೆಸ್ಟ್‌ ಪಂದ್ಯದ ಮೊದಲ ಅವಧಿಯು ಸಂಪೂರ್ಣ ರೋಚಕತೆಯಿಂದ ಕೂಡಿತ್ತು. ಏಕೆಂದರೆ ಇಂಗ್ಲೆಂಡ್ ತಂಡ ತನ್ನ ಆಕ್ರಮಣಕಾರಿ ಶೈಲಿಯ ಬ್ಯಾಟಿಂಗ್‌ನಿಂದ 4.5ಕ್ಕಿಂತ ಹೆಚ್ಚು ರನ್‌ರೇಟ್ ಗಳಿಸಿತು.

ಆ ಬಳಿಕ ಝಾಕ್ ಕ್ರಾಲಿ (61), ಬೆನ್ ಡಕೆಟ್ (12) ಮತ್ತು ಆಲಿ ಪೋಪ್ (31) ಅವರ ವಿಕೆಟ್ ಪಡೆಯುವ ಮೂಲಕ ಆಸ್ಟ್ರೇಲಿಯಾ ಮೂರು ವಿಕೆಟ್‌ಗಳನ್ನು ಪಡೆಯುವಲ್ಲಿ ಯಶಸ್ವಿಯಾಯಿತು.

ಆಶಸ್ ಟೆಸ್ಟ್ ಸರಣಿಯ ಮೊದಲ ಪಂದ್ಯದ ಮೊದಲ ದಿನದ ಭೋಜನ ವಿರಾಮದ ವೇಳೆಗೆ ಇಂಗ್ಲೆಂಡ್ 26.4 ಓವರ್‌ಗಳಲ್ಲಿ 124 ರನ್‌ಗಳಿಗೆ 3 ವಿಕೆಟ್ ಕಳೆದುಕೊಂಡಿತ್ತು.

ಸದ್ಯ ಆತಿಥೇಯ ಇಂಗ್ಲೆಂಡ್ ತಂಡ 51 ಓವರ್‌ಗಳಲ್ಲಿ 239 ರನ್‌ಗಳಿಗೆ 5 ವಿಕೆಟ್ ಕಳೆದುಕೊಂಡಿದೆ. ಜೋ ರೂಟ್ 66 ರನ್ ಮತ್ತು ಜಾನಿ ಬೈರ್‌ಸ್ಟೋವ್ 32 ರನ್ ಗಳಿಸಿ ಆಡುತ್ತಿದ್ದಾರೆ. ಪ್ರವಾಸಿ ತಂಡದ ಪರ ಜೋಶ್ ಹೇಜಲ್‌ವುಡ್‌ 2 ವಿಕೆಟ್, ನಾಥನ್ ಲಿಯಾನ್ 2 ವಿಕೆಟ್ ಮತ್ತು ಸ್ಕಾಟ್ ಬೋಲ್ಯಾಂಡ್ ಒಂದು ವಿಕೆಟ್ ಪಡೆದಿದ್ದಾರೆ.