ಆರಂಭಿಕ ಆಟಗಾರರು
ಆಶಿಶ್ ನೆಹ್ರಾ ಆರಂಭಿಕ ಆಟಗಾರರ ಸ್ಥಾನಕ್ಕೆ ಕೆಎಲ್ ರಾಹುಲ್ ಅವರನ್ನು ಆಯ್ಕೆ ಮಾಡಿಕೊಂಡಿದ್ದರೆ ಇನ್ನೋರ್ವ ಆಟಗಾರನ ಸ್ಥಾನಕ್ಕೆ ಟೂರ್ನಿಯಲ್ಲಿ ಎರಡನೇ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಧವನ್ ಬದಲಿಗೆ ಡೇವಿಡ್ ವಾರ್ನರ್ ಅವರನ್ನು ಹೆಸರಿಸಿದ್ದಾರೆ.
ಅಗ್ರ ಕ್ರಮಾಂಕ
ಮೂರನೇ ಸ್ಥಾನಕ್ಕೆ ನಾನು ವಿರಾಟ್ ಕೊಹ್ಲಿಯನ್ನು ಆಯ್ಕೆ ಮಾಡುವುದಿಲ್ಲ. ಅದಕ್ಕೆ ಕಾರಣ ಅವರು ರನ್ ಗಳಿಸಿಲ್ಲ ಎಂಬುದಲ್ಲ. ಬದಲಾಗಿ ತಂಡಕ್ಕೆ ಪರಿಣಾಮಕಾರಿಯಾಗಿ ರನ್ ಕೊಡುಗೆಯನ್ನು ಸೂರ್ಯಕುಮಾರ್ ಯಾದವ್ ನೀಡಿದ್ದಾರೆ. ಟಿ20 ತಂಡ ಎಬಿ ಡಿವಲಿಯರ್ಸ್ ಅವರನ್ನು ಸೇರಿಸಿಕೊಳ್ಳದೆ ಸಂಪೂರ್ಣವಾಗಲಾರದು, ಹೀಗಾಗಿ ನಾಲ್ಕನೇ ಸ್ಥಾನಕ್ಕೆ ಎಬಿ ಡಿವಿಲಿಯರ್ಸ್ ಸೇರಿಸಿಕೊಳ್ಳುತ್ತೇನೆ" ಎಂದಿದ್ದಾರೆ ನೆಹ್ರಾ.
ಮಧ್ಯಮ ಕ್ರಮಾಂಕ
ಮಧ್ಯಮ ಕ್ರಮಾಂಕದಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಇಶಾನ್ ಕಿಶನ್ ಹಾಗೂ ಹಾರ್ದಿಕ್ ಪಾಂಡ್ಯ ಅವರನ್ನು ನೆಹ್ರಾ ಹೆಸರಿಸಿದ್ದಾರೆ. ಇಶಾನ ್ಕಿಶನ್ ಅವರನ್ನು ಎಬಿ ಡಿವಿಲಿಯರ್ಸ್ ಜೊತೆಗೆ ವಿಕೆಟ್ ಕೀಪರ್ ಆಗಿಯೂ ಪರಿಗಭಿಸುವುದಾಗಿ ನೆಹ್ರಾ ಹೇಳಿದ್ದಾರೆ.
ಬೌಲಿಂಗ್ ವಿಭಾಗ
ಜೋಫ್ರಾ ಆರ್ಚರ್ ಹಾಗೂ ರಶೀದ್ ಖಾನ್ ನಂತರದ ಸ್ಥಾನವನ್ನು ಪಡೆದುಕೊಳ್ಳಲಿದ್ದಾರೆ. ಈ ಇಬ್ಬರೂ ಬ್ಯಾಟಿಂಗ್ ಹಾಗೂ ಬೌಲಿಂಗ್ನಲ್ಲಿ ಮಿಂಚಬಲ್ಲವರು ಎಂದು ನೆಹ್ರಾ ವಿವರಿಸಿದ್ದಾರೆ. ಬಳಿಕ ಚಾಹಲ್ ಹಾಗೂ ಬೂಮ್ರಾ ಅವರನ್ನು ಹೆಸರಿಸಿರುವ ನೆಹ್ರಾ ಅಂತಿಮವಾಗಿ ಆರ್ ಅಶ್ವಿನ್ ಅಥವಾ ಮೊಹಮದ್ ಶಮಿ ಈ ಇಬ್ಬರಲ್ಲಿ ಓರ್ವನನ್ನು ಆಯ್ಕೆ ಮಾಡುವುದಾಗಿ ಹೇಳಿದ್ದಾರೆ.
ಧೋನಿ ಹೊರಗಿಟ್ಟು ತಂಡ ರಚಿಸುವುದು ಕಷ್ಟ
ಇದೇ ಸಂದರ್ಭದಲ್ಲಿ ಮಾಜಿ ನಾಯಕ ಎಂಎಸ್ ಧೋನಿಯನ್ನು ಹೊರಗಿಟ್ಟು ಟಿ20 ತಂಡವನ್ನು ರಚನೆ ಮಾಡುವುದು ಕಷ್ಟ ಎಂದಿರುವ ನೆಹ್ರಾ "ನಾನು ಧೋನಿಯನ್ನು ಹೊರತಾಗಿಸಿ ತಂಡವನ್ನು ರಚಿಸುತ್ತೇನೆ ಎಂದು ಯೋಚಿಸುವುದಿಲ್ಲ. ಆದರೆ ಈ ಬಾರಿಯ ಟೂರ್ನಿ ಉತ್ತಮವಾಗಿರಲಿಲ್ಲ. ಟೂರ್ನಮೆಂಟ್ನ ಪ್ರದರ್ಶನದ ಆಧಾರದಲ್ಲಿ ನೋಡುವುದಾದರೆ ಇದು ನನ್ನ ಐಪಿಎಲ್ 2020 ತಂಡ" ಎಂದಿದ್ದಾರೆ ಆಶಿಶ್ ನೆಹ್ರಾ.
ನೆಹ್ರಾ ಐಪಿಎಲ್ 2020 XI
ಕೆ.ಎಲ್. ರಾಹುಲ್, ಡೇವಿಡ್ ವಾರ್ನರ್, ಸೂರ್ಯಕುಮಾರ್ ಯಾದವ್, ಎಬಿ ಡಿವಿಲಿಯರ್ಸ್, ಇಶಾನ್ ಕಿಶನ್ (ವಿಕೆಟ್ ಕೀಪರ್), ಹಾರ್ದಿಕ್ ಪಾಂಡ್ಯ, ಜೋಫ್ರಾ ಆರ್ಚರ್, ರಶೀದ್ ಖಾನ್, ಯುಜುವೇಂದ್ರ ಚಾಹಲ್, ಜಸ್ಪ್ರೀತ್ ಬೂಮ್ರಾ, ರವಿಚಂದ್ರನ್ ಅಶ್ವಿನ್/ಮೊಹಮ್ಮದ್ ಶಮಿ