ಕುಂಬ್ಳೆಗೆ 'ಜಂಬೋ' ಎಂಬ ಅಡ್ಡಹೆಸರು ನೀಡಿದ್ದು ಯಾರು?

ಬೆಂಗಳೂರು, ಜುಲೈ 05: ಟೀಂ ಇಂಡಿಯಾದ ನೂತನ ಕೋಚ್ ಅನಿಲ್ ಕುಂಬ್ಳೆ ಅವರು ಸಾರ್ವಜನಿಕರು, ಫ್ಯಾನ್ ಗಳ ಪ್ರಶ್ನೆಗಳಿಗೆ ಉತ್ತರಿಸುವ ವಿನೂತನ ವಿಧಾನ #AskTheCoach ಸಕತ್ ಮಜಾ ಕೊಡುತ್ತಿದೆ. ಟೀಂ ಇಂಡಿಯಾ, ವಿರಾಟ್ ಕೊಹ್ಲಿ, ವೆಸ್ಟ್ ಇಂಡೀಸ್, ಜಡೇಜ ಅಲ್ಲದೆ ಕುಂಬ್ಳೆ ಅವರ ವೈಯಕ್ತಿಕ ಆಸಕ್ತಿಗಳ ಬಗ್ಗೆ ಕೂಡಾ ಪ್ರಶ್ನೆಗಳು ಹರಿದು ಬರುತ್ತಿವೆ.

ಮಂಗಳವಾರ (ಜುಲೈ 5) ರಂದು ಸಂಜೆ 4 ಗಂಟೆಯಿಂದ ನಿಮ್ಮ ಪ್ರಶ್ನೆಗಳನ್ನುಟ್ವಿಟ್ಟರ್ ಮೂಲಕ 'ಗೂಗ್ಲಿ' ಬೌಲರ್ ಅನಿಲ್ ಕುಂಬ್ಳೆ ಅವರತ್ತ ಎಸೆಯಬಹುದು. #AskTheCoach ಬಳಸಿ ಟ್ವೀಟ್ ಮಾಡಿ.[ಅನಿಲ್ ಕುಂಬ್ಳೆ = ಶಿಸ್ತು, ಸಂಕಲ್ಪ, ಬದ್ಧತೆ, ಹೋರಾಟ]

ಮೈಕ್ರೋ ಬ್ಲಾಗಿಂಗ್ ತಾಣ ಟ್ವಿಟ್ಟರ್ ಬಳಸಿಕೊಂಡು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ಇಂಥದ್ದೊಂದು ಅವಕಾಶವನ್ನು ನೀಡುತ್ತಿದೆ. ಈ ವೇದಿಕೆ ಮೂಲಕ ಬಂದ ಒಂದು ಕುತೂಹಲದ ಪ್ರಶ್ನೆಗೆ ಕುಂಬ್ಳೆ ನೀಡಿದ ಉತ್ತರ ಇಲ್ಲಿದೆ.

ಸ್ಪಿನ್ ಮಾಂತ್ರಿಕ ಅನಿಲ್ ಕುಂಬ್ಳೆ ಅವರಿಗೆ ಜಂಬೋ ಎಂದು ಎಲ್ಲರೂ ಪ್ರೀತಿಯಿಂದ ಕರೆಯುವುದು ಗೊತ್ತಿರಬಹುದು. ಆದರೆ, ಜಂಬೋ ಎಂದು ಏಕೆ ಕರೆಯಲಾಗುತ್ತದೆ? ಯಾರು ಮೊದಲಿಗೆ ಈ ಹೆಸರು ನೀಡಿದರು. ಏಕೆ ನೀಡಿದರು ಎಂಬ ಕುತೂಹಲವನ್ನು ಕುಂಬ್ಳೆ ಇಂದು ತಣಿಸಿದ್ದಾರೆ.

ಕರ್ನಾಟಕ ಮೂಲದ ಕುಂಬ್ಳೆ ಅವರು ಎಗರಿ ಬೌಲಿಂಗ್ ಶೈಲಿ ಮಾಡುವುದು ಕಾರಣ. ಕರ್ನಾಟಕದ ಆನೆಗಳಿಗೆ ಫೇಮಸ್ ಹೀಗಾಗಿ ಕುಂಬ್ಳೆಗೆ ಈ ಹೆಸರಿಟ್ಟಿರಬಹುದು ಎಂಬ ಸಾಮಾನ್ಯ ಮಾತು ಚಾಲ್ತಿಯಲ್ಲಿದೆ. ಆದರೆ, ಕುಂಬ್ಳೆಗೆ ಈ ಹೆಸರಿಟ್ಟಿದ್ದು ನವಜ್ಯೋತ್ ಸಿಂಗ್ ಸಿಧು ಅಂತೆ. ಅದು ಇರಾನಿ ಟ್ರೋಫಿ ಪಂದ್ಯವೊಂದರಲ್ಲಿ ಎಂದರೆ ನೀವು ನಂಬಲೇ ಬೇಕು. ಈ ಬಗ್ಗೆ ಕುಂಬ್ಳೆ ಉತ್ತರ ಇಲ್ಲಿದೆ