ಟೀಮ್ ಇಂಡಿಯಾದ ನಾಯಕನಾಗಿ ದಾಖಲೆಗಳ ಬರೆದ ಅಜಿಂಕ್ಯ ರಹಾನೆ!

ಪಂದ್ಯದ ಸಂಕ್ಷಿಪ್ತ ಸ್ಕೋರ್‌

* ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಆಸ್ಟ್ರೇಲಿಯಾ ಮೊದಲ ಇನ್ನಿಂಗ್ಸ್‌ನಲ್ಲಿ 72.3 ಓವರ್‌ಗೆ ಎಲ್ಲಾ ವಿಕೆಟ್ ಕಳೆದು 195 ರನ್ ಬಾರಿಸಿತ್ತು.
* ಮೊದಲ ಇನ್ನಿಂಗ್ಸ್‌ನಲ್ಲಿ ಭಾರತ 115.1 ಓವರ್‌ಗೆ ಎಲ್ಲಾ ವಿಕೆಟ್ ಕಳೆದು 326 ರನ್ ಗಳಿಸಿ 131 ರನ್ ಮುನ್ನಡೆ ಸಾಧಿಸಿತ್ತು.
* ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ಆಸ್ಟ್ರೇಲಿಯಾ 103.1 ಓವರ್‌ಗೆ ಎಲ್ಲಾ ವಿಕೆಟ್ ಕಳೆದು 200 ರನ್ ಬಾರಿಸಿತ್ತು.
* ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ಭಾರತದ ಗೆಲುವಿಗೆ ಕೇವಲ 70 ರನ್ ಬೇಕಿತ್ತು. ರಹಾನೆ ಪಡೆ 15.5 ಓವರ್‌ಗೆ 2 ವಿಕೆಟ್ ನಷ್ಟದಲ್ಲಿ 70 ರನ್ ಬಾರಿಸಿತು.

ರಹಾನೆ ಕ್ಯಾಪ್ಟನ್ಸಿಯಲ್ಲಿ ಭಾರತಕ್ಕೆ ಗೆಲುವು

ರಹಾನೆ ನಾಯಕತ್ವ ವಹಿಸಿದ ಕೆಳಗಿನ ಈ ಮೂರೂ ಪಂದ್ಯಗಳಲ್ಲಿ ಭಾರತ ತಂಡ ಗೆಲುವು ದಾಖಲಿಸಿದೆ
* ಭಾರತ vs ಆಸ್ಟ್ರೇಲಿಯಾ, ಧರ್ಮಶಾಲಾ, 2017
* ಭಾರತ vs ಬಾಂಗ್ಲಾದೇಶ, ಬೆಂಗಳೂರು, 2018
* ಭಾರತ vs ಆಸ್ಟ್ರೇಲಿಯಾ, ಮೆಲ್ಬರ್ನ್, 2020*

ಅಜಿಂಕ್ಯ ಹೆಸರಿಗೆ ವಿಶೇಷ ದಾಖಲೆ

ಆಸೀಸ್ ವಿರುದ್ಧದ ದ್ವಿತೀಯ ಪಂದ್ಯದ ಗೆಲುವಿನೊಂದಿಗೆ ರಹಾನೆ ಹೆಸರಿಗೆ ವಿಶೇಷ ದಾಖಲೆಯೊಂದು ಸೇರ್ಪಡೆಯಾಗಿದೆ. ಭಾರತ ಟೆಸ್ಟ್ ತಂಡಕ್ಕೆ ನಾಯಕರಾಗಿದ್ದು ಬಾಕ್ಸಿಂಗ್‌ ಡೇ ಟೆಸ್ಟ್ ಪಂದ್ಯ ಗೆದ್ದ ದಾಖಲೆ ಪಟ್ಟಿಯಲ್ಲಿ ರಹಾನೆ ಕೂಡ ಈಗ ಸೇರ್ಪಡೆಯಾಗಿದ್ದಾರೆ. ಈ ದಾಖಲೆಯೀಗ ಕೂಲ್ ಕ್ಯಾಪ್ಟನ್ ಎಂಎಸ್ ಧೋನಿ, ರನ್ ಮಷಿನ್ ವಿರಾಟ್ ಕೊಹ್ಲಿ ಮತ್ತು ಸ್ಮಾರ್ಟ್ ಕ್ಯಾಪ್ಟನ್ ಅಜಿಂಕ್ಯ ರಹಾನೆ ಹೆಸರಿನಲ್ಲಿದೆ.ಅಂತೂ 2020ರ ವರ್ಷಾಂತ್ಯ ಅಜಿಂಕ್ಯ ರಹಾನೆ ಪಾಲಿಗಂತೂ ಖುಷಿ ನೀಡಿದೆ.